ഔദ്യോഗികമായി വിസ്താര ക്യാബിൻ ക്രൂ ആയിരിക്കുന്നു; സന്തോഷം പങ്കിട്ട് കൃതിക പ്രദീപ്

മലയാളികളുടെ ഇഷ്ട അഭിനേത്രിയാണ് കൃതിക പ്രദീപ്. മോഹൻലാൽ എന്ന ചിത്രത്തിൽ മഞ്ജുവാര്യരുടെ കുട്ടിക്കാലം അവതരിപ്പിച്ച കൃത്രിക അധികം വൈകാതെ മലയാളികൾക്ക് ഏറെ സുപരിചിതമായ മുഖമായി. പത്തിലേറെ മലയാള ചിത്രങ്ങളിൽ കൃതിക ഇതുവരെ അഭിനയിച്ചിട്ടുണ്ട്.

ഇപ്പോഴിതാ, ജീവിതത്തിലെ വലിയൊരു സ്വപ്നം സഫലമായ സന്തോഷം പങ്കിടുകയാണ് താരം. വിസ്താര എയർലൈൻസിൽ ക്യാബിൻ ക്രൂ ആയി ജോലിയിൽ പ്രവേശിച്ചിരിക്കുകയാണ് താരം.

തിന്റെ സന്തോഷത്തിലാണ് കൃതിക. വിസ്താരയുടെ യൂണിഫോമിലുള്ള ചിത്രങ്ങൾ ഇൻസ്റ്റഗ്രാമിൽ ഷെയർ ചെയ്തിരിക്കുകയാണ് കൃതിക.

‘‘ഔദ്യോഗികമായി വിസ്താര ക്യാബിൻ ക്രൂ ആയിരിക്കുന്നു,” എന്ന് അഭിമാനത്തോടെയാണ് ഈ സന്തോഷ വിവരം കൃതിക ആരാധകരെ അറിയിച്ചത്.

‘വില്ലാളിവീരൻ’ ആയിരുന്നു കൃതികയുടെ ആദ്യ ചിത്രം. ഇതിൽ ബാലതാരമായിട്ടാണ് അഭിനയിച്ചത്. പിന്നീട് മോഹൻലാൽ, ആദി, കൂദാശ, പത്താം വളവ് എന്നിവയുൾപ്പെടെ നിരവധി സിനിമകളിൽ അഭിനയിച്ചു. മോഡലിങ് രംഗത്തും സജീവമാണ് കൃതിക.