‘ഈ പിറന്നാളിന് മക്കൾ ഒന്നും തന്നില്ല, എല്ലാവരും എങ്ങാണ്ട് ഒക്കെ പോയി കിടന്നു’; അവതാരകയുടെ ചോദ്യത്തിന് കിണ്ണം കാച്ചിയ മറുപടിയുമായി മല്ലിക സുകുമാരൻ

സിനിമയിൽ മാത്രമല്ല സോഷ്യൽ മീഡിയയിലും ഏറെ ആരാധകരുളള താര കുടുംബമാണ മല്ലിക സുകുമാരന്റേത്. മക്കളായ പൃഥ്വിരാജ്, ഇന്ദ്രജിത്ത്, മരുമക്കളായ പൂർണ്ണിമ, സുപ്രിയ എന്നിവർ സമൂഹമാധ്യമങ്ങളിൽ സജീവമാണ്. തങ്ങളുടെ സന്തോഷങ്ങളും വിശേഷങ്ങളും ഇവർ ആരാധകരുമായി പങ്കുവെയ്ക്കാറുണ്ട്.

ഈ പ്രായത്തിലും മക്കളെ ആശ്രയിക്കാതെ അഭിനയവും ഒറ്റക്കുള്ള ജീവിതവുമായി അമ്മ തിരക്കിൽ ആണ് എന്നത് എന്നും അമ്മയെ ഓർക്കുമ്പോൾ അഭിമാനമാണ് എന്നും മല്ലികയെ കുറിച്ച് മക്കളും മരുമക്കളും പല അഭിമുഖങ്ങളിലും പറഞ്ഞിട്ടുണ്ട്. ഈ അടുത്തിടെ ഒരു നടത്തിയ ഹോം ടൂർ പരിപാടിയിലൂടെ മല്ലിക സുകുമാരന്റെ തന്റെ വീടും ഒറ്റക്കുള്ള ജീവിതവും മക്കളെ കുറിച്ചും അഭിനയ ജീവിതത്തെ കുറിച്ചുമൊക്കെയുള്ള വിശേഷങ്ങൾ എല്ലാം പ്രേക്ഷകരുമായി പങ്കുവച്ചിരുന്നു.

ഇതിനിടയിൽ തന്റെ പിറന്നാൾ ദിവസത്തെ കുറിച്ചും മക്കളെ കുറിച്ചും മല്ലിക പറഞ്ഞ രസകരമായ വാക്കുകൾ ആണ് സൈബറിടത്തിൽ ചിരി നിറയ്ക്കുന്നത്.

“ഈ ബർത്ഡേയ്ക്ക് മക്കൾ എന്താണ് തന്നത്?” എന്ന് അവതാരകയായ വീണ ചോദിക്കുമ്പോൾ ആയിരുന്നു മല്ലിക രസകരമായ മറുപടി പറഞ്ഞത്. “മക്കൾ ഒന്നും തന്നില്ല, എല്ലാവരും എങ്ങാണ്ട് ഒക്കെ പോയി കിടന്നു. അവരെ കണ്ടാൽ ചോദിക്കണേ. അമ്മ പൊട്ടി പൊട്ടി കരഞ്ഞു പിറന്നാളിന് ഒന്നും കണ്ടില്ലല്ലോ എന്ന്. അപ്പോൾ അടുത്ത ഫോൺ വരും എനിക്ക്.അമ്മേ പത്തുലക്ഷം വേണം എന്ന് പറഞ്ഞാലും പതിനഞ്ചു മിനിറ്റിനുള്ളിൽ ഞാൻ അവിടെ എത്തിക്കത്തില്ലേ, അമ്മ പറഞ്ഞിട്ടില്ലേ ആവശ്യം ഉള്ളപ്പോൾ ചോദിക്കും അപ്പോൾ തന്ന മതിയെന്ന്”- മല്ലിക പറഞ്ഞു. ഇത് കേട്ടയുടനെ “എന്തായാലും അപമാനിക്കാൻ ഉള്ളത് ഒക്കെ അമ്മ അപമാനിക്കും അല്ലേ” എന്ന് വീണ ചോദിക്കുമ്പോൾ അതേ എന്നും മല്ലിക മറുപടി പറയുന്നുണ്ട്.

നിരവധി ആരാധകരാണ് വീഡിയോയ്ക്ക് താഴെ കമന്റും ആയിരുന്നു എത്തിയിരിക്കുന്നത്. ഈ വയസ്സ് കാലത്ത് മക്കളും പേരക്കുട്ടികളും കൂടെ ഇല്ലാതെ ഒറ്റയ്ക്ക് ആയതിന്റെ സങ്കടം ആണ് ഈ അമ്മ തമാശ രൂപേണ പറയുന്നത് എന്നും ഉള്ളിലെ വിഷമം ഇങ്ങിനെ ഒക്കെ പറഞ്ഞു തീർക്കുകയാണോ എന്നും ആരാധകർ ചോദിക്കുന്നു. മക്കൾ ഒന്നും തന്നില്ല എന്ന് പറയുമ്പോഴുള്ള മല്ലികാമ്മയുടെ ക്യൂട്ട് എക്സ്പ്രഷൻ കാണാൻ നല്ല ഭംഗിയുണ്ട് എന്നും അമ്മ വൻ പൊളിയാണല്ലോ എന്നും ആരാധകർ കൂട്ടി ചേർക്കുന്നു.