News
വര്ഷങ്ങള്ക്ക് ശേഷം ആരാധകരുടെ പ്രിയപ്പെട്ട റോളില് പ്രഭാസ്, രാധേശ്യാമിന്റെ റിലീസിംഗ് തീയതി പുറത്ത്, ആകാംക്ഷയോടെ ആരാധകര്
വര്ഷങ്ങള്ക്ക് ശേഷം ആരാധകരുടെ പ്രിയപ്പെട്ട റോളില് പ്രഭാസ്, രാധേശ്യാമിന്റെ റിലീസിംഗ് തീയതി പുറത്ത്, ആകാംക്ഷയോടെ ആരാധകര്
തെന്നിന്ത്യന് താരം പ്രഭാസ് നീണ്ട നാളുകള്ക്ക് ശേഷം റൊമാന്റിക് വേഷം കൈകാര്യം ചെയ്യുന്ന ചിത്രമാണ് രാധേശ്യാം. പ്രേക്ഷകര് ഏറെ ആകാംക്ഷയോടെ കാത്തിരിക്കുന്ന ചിത്രം ജനുവരി 14 ന് പ്രദര്ശനത്തിനെത്തും എന്നാണ് ഇപ്പോള് ലഭിക്കുന്ന വിവരം. നേരത്തെ ഈ വര്ഷം ജൂലൈ 30 ന് ചിത്രം തിയറ്ററുകളില് എത്തിക്കാനായിരുന്നു തീരുമാനമെങ്കിലും കോവിഡ് മൂലം ഷൂട്ടിങ് നീളുകയായിരുന്നു. ഇതേ തുടര്ന്നാണ് റിലീസ് തീയതി നീട്ടിയത്.
പൂജ ഹെഡ്ഗെയാണ് നായിക. വിക്രമാദിത്യ എന്ന കഥാപാത്രത്തെയാണ് പ്രഭാസ് അവതരിപ്പിക്കുന്നത്. 2010 ല് പുറത്തിറങ്ങിയ ഡാര്ലിങ് ചിത്രത്തിലായിരുന്നു താരം അവസാനമായി റൊമാന്റിക് വേഷം കൈകാര്യം ചെയ്തിരുന്നത്. രാധാകൃഷ്ണ കുമാറാണ് സംവിധാനം.
യുവി ക്രിയേഷന്, ടി സീരീസ് ബാനറില് ഭൂഷണ് കുമാര്, വാംസി, പ്രമോദ് എന്നിവര് ചേര്ന്ന് നിര്മ്മിക്കുന്ന ചിത്രത്തില് സച്ചിന് ഖേദേക്കര്, ഭാഗ്യശ്രീ, പ്രിയദര്ശി, മുരളി ശര്മ, സാശാ ചേത്രി, കുനാല് റോയ് കപൂര് എന്നിവരും പ്രധാന വേഷം കൈകാര്യം ചെയ്യുന്നുണ്ട്.
തെലുങ്ക്, ഹിന്ദി, തമിഴ്, മലയാളം എന്നീ നാല് ഭാഷകളിലാണ് ചിത്രം പുറത്തിറങ്ങുന്നത്. കൂടാതെ, മറ്റുഭാഷകളിലേക്ക് മൊഴിമാറ്റവും ഉണ്ടാകുമെന്ന് അണിയറപ്രവര്ത്തകര് വ്യക്തമാക്കി. ചിത്രത്തിന് സംഗീതം ഒരുക്കുന്നത് തമിഴ് സംഗീത സംവിധായകന് ജസ്റ്റിന് പ്രഭാകരനാണ്.
ഛായാഗ്രഹണം: മനോജ് പരമഹംസ, എഡിറ്റിംഗ്: കോട്ടഗിരി വെങ്കിടേശ്വര റാവു,ആക്ഷന്: നിക്ക് പവല്,ശബ്ദ രൂപകല്പ്പന: റസൂല് പൂക്കുട്ടി,നൃത്തം: വൈഭവി,കോസ്റ്റ്യൂം ഡിസൈനര്: തോട്ട വിജയഭാസ്കര്,ഇഖ ലഖാനി, എക്സിക്യൂട്ടീവ് പ്രൊഡ്യൂസര്- എന്. സന്ദീപ്.