സിനിമയില്‍ മാത്രമല്ല, എല്ലാ മേഖലയിലും ഇത്തരം പ്രശ്‌നങ്ങളൊക്കെയുണ്ട്; ഇതെല്ലാം നമ്മുടെ പെരുമാറ്റം അനുസരിച്ചാണ് സംഭവിക്കുന്നത്, നമ്മള്‍ എങ്ങനെ ഇത്തരം സമീപനങ്ങളോട് പ്രതികരിക്കുന്നൂ എന്ന് അനുസരിച്ചേ ഇരിക്കൂ ; ഗായത്രി സുരേഷ് പറയുന്നു !

ജമ്‌നാപ്യാരി എന്ന ചിത്രത്തിലൂടെയാണ് ചലച്ചിത്രരംഗത്തേക്ക് കടന്നുവന്ന തരാമെന്നു ഗായത്രി സുരേഷ്
എപ്പോഴും സോഷ്യല്‍ മീഡിയയില്‍ സജീവമായി കേള്‍ക്കുന്ന പേരാണ് ഗായത്രി സുരേഷിന്റേത്. ട്രോളുകളാണ് കൂടുതലായും പ്രചരിക്കുന്നതെങ്കിലും അതൊന്നും തന്നെ ബാധിക്കുന്നില്ലെന്ന നിലപാടിലാണ് താരം. ഇപ്പോഴിതാ തന്റെ ഏറ്റവും പുതിയ ചിത്രമായ മാഹിയിലെ വിശേഷങ്ങളുമായി എത്തുകയാണ് ഗായത്രി സുരേഷ്. സിനിമ ലൊക്കേഷനുകളിലെ സ്ത്രീ സുരക്ഷയെക്കുറിച്ചും തനിക്കെതിരെ നിരന്തരം നടക്കുന്ന സൈബര്‍ ആക്രമണങ്ങളെക്കുറിച്ചും താരം ഒരു പ്രമുഖ മാധ്യമത്തിന് നല്‍കിയ അഭിമുഖത്തില്‍ മനസ്സ് തുറക്കുകയാണ്.

കോഴിക്കോട്ടെ മാഹിയുടെ കഥപറയുന്ന ചിത്രമാണ് മാഹി. ഒരുപാട് പ്രത്യേകതകളുള്ള സ്ഥലമാണല്ലോ മാഹി. മദ്യത്തിനും പെട്രോളിനും ഒരുപാട് വില കുറവുള്ള സ്ഥലംകൂടിയാണ് മാഹി. നായികയുടെ പോരാട്ടമാണ് മാഹി പറയുന്ന കഥ. നായികയുടെ ജീവിതത്തെ ചുറ്റിപ്പറ്റിയാണ് ചിത്രത്തിന്റെ കഥ പുരോഗമിക്കുന്നത്. മാഹിയും കണ്ണൂരും ആണ് ചിത്രത്തിന്റെ പ്രധാന ലൊക്കേഷന്‍. കണ്ണൂര്‍ ഭാഷ നന്നായി പ്രയോഗിക്കുന്ന ചിത്രമാണ് മാഹി. ഭാഷ പഠിക്കാന്‍ കുറച്ച് ശ്രമങ്ങള്‍ നടത്തേണ്ടിവന്നു.

പല വാക്കുകളും ഞാന്‍ പറഞ്ഞു പഠിക്കാന്‍ ശ്രമിച്ചു. അത് കുറച്ച് പാടായി തോന്നി. പക്ഷേ ചിത്രത്തിന്റെ ഡയറക്ടറും സ്‌ക്രിപ്റ്റ് ഡയറക്ടറും കണ്ണൂരുകാരാണ്, അവര്‍ ഡബ്ബിംഗിലൊക്കെ ഒരുപാട് സഹായിച്ചിരുന്നു.
ബിഗ് ബോസ് മലയാളം സീസണ്‍ 4-ലേക്ക് ക്ഷണം വന്നിരുന്നതാണ്. എന്നാല്‍ ഇത്തവണ സിനിമയുടെ തിരക്കുകളിലായിപ്പോയി. എന്നാല്‍ ഒരു 2-3 വര്‍ഷങ്ങള്‍ക്കു ശേഷം ഉറപ്പായും പോകണം എന്നുണ്ട്. ഇപ്പോള്‍ ചില സിനിമകള്‍ റിലീസ് കാത്തിരിക്കുന്നുണ്ട്. ഈ സമയത്ത് വിട്ടു നില്‍ക്കാന്‍ സാധിക്കില്ല. അതുകൊണ്ടാണ് ഓഫര്‍ നിരസിക്കേണ്ടി വന്നത്. നായികയായാണ് ഗായത്രി അറിയപ്പെടുന്നത് എങ്കിലും തന്റെ ഒരു ചിത്രത്തില്‍ പാടാനുള്ള അവസരവും താരത്തിന് ലഭിച്ചു. എന്നാല്‍ ഈ ചിത്രത്തില്‍ പാടുന്നില്ലെന്നും താരം പറയുന്നു.

ട്രോളുകളൊക്കെ ആദ്യ കാലങ്ങളില്‍ വല്ലാതെ വേദനിപ്പിച്ചിരുന്നു. എന്നാല്‍ ഇതൊക്കെ ഒരു ഘട്ടം കഴിഞ്ഞപ്പോള്‍ ഞാന്‍ ശ്രദ്ധിക്കാതെ ആയി. വീട്ടിലുള്ളവരുടെ കാര്യം ഇങ്ങനെയല്ലെന്നും താരം പറയുന്നു. പഴയ ആള്‍ക്കാരല്ലേ, അവര്‍ക്ക് ഇതൊക്കെ മനസ്സിലാക്കാന്‍ പ്രയാസമാണ്. മറ്റ് ബന്ധുക്കളൊക്കെ വന്ന് വീട്ടിലുള്ളവരോട് പറയും എന്തിനാണ് ഗായത്രി ഇങ്ങനെ സംസാരിക്കുന്നത്, എന്തിനാണ് ഇത്തരം ഇന്റര്‍വ്യൂസ് ഒക്കെ കൊടുക്കുന്നതെന്ന്. ഇതൊന്നും അവര്‍ക്ക് അത്ര മനസ്സിലാകുന്ന കാര്യങ്ങളല്ല. അപ്പോള്‍ വീട്ടിലുള്ളവരായാലും പറയാറുണ്ട്, ഗായത്രി ഒന്ന് മിണ്ടാതിരിക്കൂ, സൂക്ഷിച്ച് സംസാരിക്കൂ എന്നൊക്കെ. അവര്‍ മിടുക്ക് കാണിക്കാന്‍ ശ്രമിക്കുമ്പോള്‍ നീയും മിടുക്ക് കാണിക്കൂ, എന്തിനാണ് താഴ്ന്ന്‌കൊടുക്കുന്നത്. മുതലെടുക്കാന്‍ നിന്നു കൊടുക്കുന്നത് എന്തിനാണെന്നും വീട്ടിലുള്ളവര്‍ ചോദിക്കാറുണ്ടെന്ന് ഗായത്രി പറയുന്നു

ഗംഭീര തുടക്കത്തോടെയാണ് ഗായത്രി സുരേഷ് സിനിമയിലേക്ക് എത്തുന്നത്. കുഞ്ചാക്കോ ബോബന്‍ നായകനായെത്തിയ ജമ്‌നപ്യാരി എന്ന ചിത്രത്തില്‍ നായികയായാണ് ഗായത്രി സിനിമയില്‍ എത്തുന്നത്. അതിന് ശേഷം ടൊവിനോ ചിത്രം ഒരു മെക്‌സിക്കന്‍ അപാരതയിലും താരം ശ്രദ്ധേയമായ വേഷം കൈകാര്യം ചെയ്തു. എന്നാല്‍ പിന്നീടങ്ങോട്ട് അത്ര മികച്ച വേഷങ്ങളോ കഥയോ താരത്തിനെ തേടിയെത്തിയില്ല. ഇതിനു ട്രോളുകള്‍ കാരണമായിട്ടുണ്ടോ എന്ന ചോദ്യത്തിന് ഗായത്രി ഒരുപക്ഷേ ഉണ്ടായിരിക്കാം എന്നാണ് മറുപടി നല്‍കുന്നത്. ഇവരെ സിനിമയിലേക്ക് വിളിച്ചാല്‍ അത് ചിത്രത്തിനെ നെഗറ്റീവായി ബാധിച്ചേക്കാം എന്നൊരു തോന്നല്‍ അവര്‍ക്കും ഉണ്ടായിട്ടുണ്ടാവാം. പക്ഷേ ഇതൊന്നും എന്റെ അറിവില്‍ ഇല്ല.പുതുമുഖ സംവിധായകന്മാരാണ് ഇപ്പോള്‍ എനിക്കടുത്തേക്ക് വരുന്നത്. വലിയ ബിഗ് ബഡ്ജറ്റ് ചിത്രങ്ങളൊന്നും എനിക്ക് കിട്ടുന്നില്ലന്നേയുള്ളൂ. പക്ഷേ ഞാന്‍ ഇതുവരെ സിനിമയുടെ ഭാഗമായിതന്നെയാണ് നില്‍ക്കുന്നത്. ചെറിയ സിനിമകള്‍ ചെയ്യാതിരിക്കണം എന്നൊന്നും വിചാരിക്കാറില്ല. ഒന്നും ചെയ്യാതിരിക്കുന്നതിലും നല്ലതല്ലേ ലഭിക്കുന്ന കഥാപാത്രങ്ങള്‍ ചെയ്യുന്നത്. സിനിമയില്‍ ഇനി തനിക്ക് അഭിനയിക്കാന്‍ ഏറ്റവും ഇഷ്ടം മമ്മൂട്ടിക്കും മോഹന്‍ലാലിനും ഒപ്പമാണെന്നും താരം പറയുന്നു.

സിനിമ സെറ്റുകളില്‍ സ്ത്രീകള്‍ സുരക്ഷിതരല്ല എന്ന ചര്‍ച്ചകളെക്കുറിച്ച് ചോദിച്ചപ്പോള്‍ ഗായത്രിയുടെ മറുപടി ഇങ്ങനെയായിരുന്നു. എനിക്ക് ഇത്തരം അനുഭവങ്ങളൊന്നും ഉണ്ടായിട്ടില്ല. ഇതെല്ലാം നമ്മുടെ പെരുമാറ്റം അനുസരിച്ചാണ് സംഭവിക്കുന്നത്. നമ്മള്‍ എങ്ങനെ ഇത്തരം സമീപനങ്ങളോട് പ്രതികരിക്കുന്നൂ എന്ന് അനുസരിച്ചേ ഇരിക്കൂ. ഒരുപക്ഷേ അത്തരം സമീപനങ്ങള്‍ ഉണ്ടായേക്കാം. എന്നാല്‍ അവിടെ നോ എന്ന് പറയുകയാണ് വേണ്ടത്. ഇതിപ്പോള്‍ സിനിമയില്‍ മാത്രമല്ല, എല്ലാ മേഖലയിലും ഇത്തരം പ്രശ്‌നങ്ങളൊക്കെയുണ്ട്.

മുതലെടുപ്പ് നടത്തുന്നവർ എവിടെയുണ്ടാകും അത് സിനിമയിലും ഉണ്ടാകും .സിനിമ ഏറെ ശ്രദ്ധിക്കപ്പെടുന്നതായതു കൊണ്ടാണ് ഇത്തരം വിഷയങ്ങള്‍ പുറത്തേക്ക് വരുന്നത്. സിനിമയില്‍ സ്ത്രീ സുരക്ഷ ഉണ്ടാകുമ്പോള്‍ അതൊരു ധൈര്യം തന്നെയാണ്. നമ്മളെ സപ്പോര്‍ട്ട് ചെയ്യാന്‍ ആരെങ്കിലുമൊക്കെ ഉണ്ടാകുമല്ലോ, അപ്പോള്‍ ഇത്തരത്തില്‍ മോശമായി ഇടപെടാന്‍ വരുന്ന ആളുകള്‍ക്കും ഒരു പേടിയുണ്ടാകും. എനിക്ക് ഇതുവരെ മോശം അനുഭവങ്ങള്‍ ഉണ്ടായിട്ടില്ലെന്നും താരം കൂട്ടിച്ചേര്‍ത്തു.

about gayathri suresh