ഒരാളെ ഒന്നാമതും രണ്ടാമതും വിവാഹം കഴിക്കുന്നത് ഒരേപോലെയാണ്! അപ്സരക്ക് ഇതുവരെ കുഞ്ഞുങ്ങളില്ല… ഞാൻ കല്യാണം കഴിച്ചിട്ടില്ല, ആ ഫോട്ടോകളിൽ വരുന്ന കുട്ടികൾ ചേട്ടന്റെ മക്കൾ; തുറന്ന് പറഞ്ഞ് ആൽബിനും അപ്സരയും

കഴിഞ്ഞദിവസമാണ് സീരിയൽ താരം അപ്സരയും സംവിധായകൻ ആൽബി ഫ്രാൻസിസും വിവാഹിതരായത്. വിവാഹ ചിത്രങ്ങളും റിസപ്‌ഷൻ ചിത്രങ്ങളും സോഷ്യൽ മീഡിയയിൽ ശ്രദ്ധ നേടിക്കൊണ്ടിരിക്കുകയാണ്

ഇരുവരുടേയും വിവാഹം കഴിഞ്ഞതിന് പിന്നാലെ അപ്സരയ്ക്ക് ആദ്യ വിവാഹത്തിൽ ഒരു മകനുണ്ടെന്നും ആ മകനുമായിട്ടുള്ള ചിത്രങ്ങൾ സോഷ്യൽ മീഡിയയിൽ ഇടം പിടിച്ചിരുന്നു. ഇവരുടെ ഭൂതകാലം ഇതായിരുന്നു എന്ന് ചൂണ്ടിക്കാട്ടി നിരവധി മോശമായ വാർത്തകളും പ്രചരിക്കുകയുണ്ടായി. എന്നാൽ പ്രചരിക്കുന്ന വാർത്തകളിൽ യാതൊരു സത്യവും ഇല്ലെന്നു പറയുകയാണ് ആൽബിയും, അപ്സരയും. നിങ്ങൾ ശരിയായ വാർത്തകൾ പ്രചരിപ്പിച്ചുകൊള്ളൂ. തെറ്റായ ബൂസ്റ്റപ്പ് നൽകരുതെന്നാണ് ആൽബിയും അപ്സരയും മാധ്യമങ്ങളോട് പ്രതികരിച്ചത്.

ഞങ്ങളുടെ കൂടെ ഉണ്ടായില്ലേ കുട്ടികൾ. അതിൽ ഒന്ന് നമ്മുടെ ചേച്ചിയുടെ കുട്ടിയാണ്. മറ്റുരണ്ടു പെൺകുട്ടികൾ നമ്മുടെ സഹോദരന്റെ മക്കളാണ്. വിവാഹം കഴിഞ്ഞപ്പോൾ ഒരുപാട് വാർത്തകൾ വരുന്നത് കണ്ടു. വാർത്ത വരുന്നത് സ്വാഭാവികമാണ്. ഞാനും ഇതേപോലെയുള്ള പ്രോഗ്രാമുകൾ ചെയ്തിട്ടുള്ളതാണ്. എന്നാൽ ഞങ്ങൾ വിചാരിക്കാത്ത കുറച്ചു കാര്യങ്ങൾ വന്നു. ഒന്ന് അപ്സരക്ക് ഒരു മോളുണ്ട്. ആ പെൺകുട്ടിയേം കൊണ്ടാണ് അപ്സര മണ്ഡപത്തിൽ വന്നത് എന്നൊക്കെ- അപ്സരയും ആൽബിയും സംസാരിക്കുന്നു.

അപ്സരക്ക് ഒപ്പം വന്ന ആ പെൺകുട്ടി അവിടെ ഹൃദയം പൊട്ടി കരഞ്ഞു എന്നുള്ള വാർത്തകളും വന്നു. അപ്സരക്ക് ഇതുവരെ കുഞ്ഞുങ്ങളില്ല. പിന്നെ ഞാൻ കല്യാണം കഴിച്ചിട്ടില്ല. പിന്നെ എന്റെ ഫോട്ടോകളിൽ വരുന്ന കുട്ടികൾ ചേട്ടന്റെ മക്കളാണ്.നമ്മുടെ ഒപ്പമുള്ള ആർട്ടിസ്റ്റുകളുടെ മക്കളും ഒക്കെയാണ് അടുത്തുവന്നു നിന്നത്. അത് കണ്ടിട്ട് എല്ലാവരും പറയുന്നത് എനിക്ക് രണ്ട് മക്കളുണ്ട് എന്നൊക്കെയാണ്. അത് കണ്ടപ്പോൾ മാനസികമായി ഞങ്ങൾക്ക് ഒരുപാട് വിഷമം ഉണ്ടാക്കി. കാരണം ഞങ്ങൾക്ക് നിലവിൽ ഇതുവരെ കുട്ടികളില്ല. അങ്ങനെ അപ്സരക്ക് അങ്ങനെ ഒരു മോൾ ഉണ്ടെങ്കിൽ അതിനെ കണ്ടുപിടിച്ചുകൊണ്ട് തരൂ.

നമ്മളുടേത് ഇന്റർകാസ്റ്റ് മാര്യേജ് ആണ്. അതുകൊണ്ടുതന്നെ എന്റെ വീട്ടിൽ അപ്സര വന്നപ്പോൾ തൃശൂരുള്ള ആചാരപ്രകാരം ഒരുമലയും കൊന്തയും ഒക്കെ ഇടും. അതിടാൻ അപ്സരക്ക് ഒരു കുഴപ്പവും ഇല്ലായിരുന്നു. എന്നാൽ തലയിൽ പൂക്കൾ ഒക്കേ വച്ചിരുന്നതുകൊണ്ട് അത് ഇടാനുള്ള ബുദ്ധിമുട്ടുണ്ടായി. അത് കണ്ടിട്ട് ചിലർ അതിനെ കുറിച്ചും വാർത്തകൾ ഇറക്കി. സാന്ത്വനത്തിലെ ജയന്തിയുടെ അതേ സ്വഭാവം ആണോ എന്നൊക്കെ ചോദിച്ചു.

ഈ കൊന്ത കഴുത്തിൽ ഇടാൻ ഉള്ളതല്ല. കൈയ്യിൽ പിടിക്കാൻ ഉള്ളതാണ്. പിന്നെ ഓരോരുത്തരുടെയും ഇഷ്ടമാണ് വിശ്വാസങ്ങൾ. അപ്സര ഹിന്ദുവാണ് അത് അങ്ങനെ തന്നെ ജീവിക്കും. ഞാൻ ക്രിസ്ത്യൻ ആണ്. ഞാൻ പൊതുവെ മതങ്ങളിൽ വിശ്വസിക്കാത്ത ആളാണ്. ഞാൻ അങ്ങനെയും ജീവിക്കും. ഒരുപാട് മാധ്യമങ്ങളും നമ്മളെ പിന്തുണച്ചു. പിന്നെ ഞങ്ങളുടെ ഏറ്റവും വലിയ ആഗ്രഹം ഞങ്ങൾക്ക് ഒരു മോൾ വേണം എന്നാണ്. ഞങ്ങൾ മറ്റുള്ളവരോട് പറയും മുൻപേ തന്നെ അത് നിങ്ങൾ പറഞ്ഞല്ലോ, അപ്പോൾ ആ പ്രീയേഴ്സും കിട്ടുമല്ലോ.

ഉള്ള കാര്യങ്ങൾ നിങ്ങൾ എന്ത് വേണം എങ്കിലും പറഞ്ഞോളൂ. പക്ഷെ ഇല്ലാത്ത കാര്യങ്ങൾ പറയരുത്. ഒരാളെ ഒന്നാമതും രണ്ടാമതും ഒക്കെ വിവാഹം കഴിക്കുന്നത് ഒരേപോലെയാണ്. നമ്മൾ ഒരാളെ വിവാഹം കഴിച്ചിട്ട് അത് നിലനിർത്തികൊണ്ട് പോകാൻ പറ്റാതെ വരുമ്പോൾ അത് വേണ്ടെന്ന് വച്ചിട്ട് മറ്റൊരു വിവാഹം കഴിക്കുന്നത് തെറ്റായ കാര്യമല്ല. അപ്പോൾ അതിനെ പ്രമോട്ട് ചെയ്യേണ്ട കാര്യമില്ല. നമ്മുടെ കല്യാണം ആണ് നിങ്ങൾ ഷെയർ ചെയ്യാൻ വന്നിട്ടുള്ളത്. എന്റെയും അപ്സരയുടെയും ആ കല്യാണത്തെ കുറിച്ച് പറയൂ- എന്നും ആൽബിനും അപ്സരയും പ്രതികരിച്ചു.