വീട്ടില്‍ നിന്ന് ദൈവത്തെ തൊഴുത് ആശുപത്രിയില്‍ എത്തി, ബ്ലഡ്ഡ് എടുക്കുമ്പോഴും അമ്മയുടെ കരച്ചില്‍; പുതിയ വീഡിയോയുമായി അമൃത

കഴിഞ്ഞ ദിവസമാണ് സീരിയൽ താരം അമൃത നായർ അമ്മയുടെ ആരോ​ഗ്യത്തെ കുറിച്ചും അസുഖത്തെ കുറിച്ചുമുള്ള വീഡിയോയുമായി തന്റെ യൂട്യൂബ് ചാനലിലൂടെ എത്തിയത്. അമ്മയ്ക്ക് ഒരു സർജറി ആവശ്യമായി വന്നതിനെ കുറിച്ചുമെല്ലാം മൂന്ന് മിനിറ്റ് ദൈർഘ്യമുള്ള വീഡിയോയിൽ അമൃത പറഞ്ഞു. വീഡിയോ പുറത്ത് വന്നതിന് പിന്നാലെ നിരവധി പേരായിരുന്നു അമ്മയുടെ അസുഖം ബേധമാകുന്നതിന് വേണ്ടി പ്രാർഥനകൾ നേർന്ന് എത്തിയത്.

അമ്മയ്ക്ക് യൂട്രസ്സില്‍ ഫൈബ്രോയ്ഡ് ആണ്. നേരത്തെ ചില രോഗ ലക്ഷണങ്ങള്‍ കാണിച്ചിരുന്നുവെങ്കിലും ശ്രദ്ധിക്കാതെ പോയതിനാല്‍ അത് വളര്‍ന്നു. ഇപ്പോള്‍ യൂട്രസ് റിമൂവ് ചെയ്യുന്ന ഘട്ടത്തിലാണ്. ഇപ്പോള്‍ അമൃതയുടെ അമ്മയെ ആശുപത്രിയില്‍ അഡ്മിറ്റ് ചെയ്തിരിക്കുകയാണ്.

ഇപ്പോഴിതാ അമ്മയുടെ അഡ്മിറ്റിന് വേണ്ടി ആശുപത്രിയിലേക്ക് പോകുന്ന വീഡിയോ ആണ് അമൃത ഏറ്റവും ഒടുവില്‍ പങ്കുവച്ചിരിയ്ക്കുന്നത്.

വീട്ടില്‍ നിന്ന് ദൈവത്തെ എല്ലാം തൊഴുതാണ് ആശുപത്രിയില്‍ എത്തിയത്. ബ്ലഡ്ഡ് എടുക്കുമ്പോള്‍ എല്ലാം അമ്മ കരയുകയായിരുന്നു. അത് കണ്ട് ചിരിച്ച അമൃതയോട്, അവനവന് വരുമ്പോള്‍ മാത്രമേ എല്ലാത്തിന്റെയും വേദന മനസ്സിലാവൂ എന്നാണ് അമ്മ പറഞ്ഞത്.

ദിവസങ്ങള്‍ക്ക് മുന്‍പ് ആശുപത്രിയില്‍ നിന്നും കുഴഞ്ഞു വീണതിനെ തുടര്‍ന്ന് അമ്മയെ ആശുപത്രിയില്‍ എത്തിയ്ക്കുകയായിരുന്നു. ടെസ്റ്റ് ചെയ്തപ്പോള്‍ ഇ സി ജിയില്‍ ചെറിയ വാരിയേഷന്‍ കണ്ടു. മൈല്‍ഡ് അറ്റാക്കിന്റെ ലക്ഷണമാണ് എന്നായിരുന്നുവത്രെ ഡോക്ടര്‍മാര്‍ പറഞ്ഞത്. എന്നാല്‍ പിന്നീട് മറ്റൊരു ഡോക്ടറുടെ കൂടെ സജഷന്‍ എടുത്തപ്പോള്‍, അത് ഈ പ്രായത്തില്‍ ഉണ്ടാവുന്ന ഇസിജി വാരിയേഷന്‍ ആണ് എന്ന് പറഞ്ഞു.

എന്നാല്‍ വീട്ടില്‍ എത്തിയ ശേഷവും അമ്മയ്ക്ക് ആരോഗ്യ പ്രശ്‌നങ്ങള്‍ ഉണ്ടായതിനെ തുടര്‍ന്നാണ് വീണ്ടും ചികിത്സ തേടിയത്. അപ്പോവാണ് യൂട്രസില്‍ ഫൈബ്രോയിഡ് ഉള്ളതായി കണ്ടത്. പിരീയഡ്‌സ് ആയാലൊക്കെ ഓവര്‍ ബ്ലീഡിങ് ഉണ്ടാവും, ആദ്യത്തെ ഏഴ് ദിവസം കഴിഞ്ഞാലും ബ്ലീഡിങ് തുടര്‍ന്ന് പോയിരുന്നു. അപ്പോഴൊന്നും അത് ശ്രദ്ധിച്ചിരുന്നില്ല. അങ്ങിനെ ശ്രദ്ധിയ്ക്കാതെ പോയതാണ് ഇപ്പോള്‍ ഈ സര്‍ജ്ജറി വരെ എത്തിയത് എന്നാണ് അമൃത പറഞ്ഞത്‌