സാന്ത്വനം താരത്തിന് കല്യാണാലോചന; ആരെയും പ്രണയിക്കുന്നില്ല; താല്പര്യം അങ്ങനെ ഉള്ള ആളോട് മാത്രം; പൊളിച്ചടുക്കി സാന്ത്വനത്തിലെ മഞ്ജുഷ മാർട്ടിൻ !

മലയാളി പ്രേക്ഷകര്‍ ഹൃദയത്തോട് ചേര്‍ത്തുനിര്‍ത്തിയ പരമ്പരയാണ് സാന്ത്വനം. സംപ്രേഷണം തുടങ്ങിയ നാള്‍ മുതല്‍ റേറ്റിംഗില്‍ മികച്ച സ്ഥാനവുമായാണ് പരമ്പര മുന്നോട്ട് പോകുന്നതും. സാന്ത്വനം കുടുംബത്തിലെ സന്തോഷ സങ്കടങ്ങളും, അവര്‍ക്ക് മറ്റുള്ളവരില്‍നിന്നും അകാരണമായി ഏല്‍ക്കേണ്ടിവരുന്ന പ്രശ്‌നങ്ങളിലൂടെയുമെല്ലാമാണ് പരമ്പര മുന്നോട്ട് പോകുന്നത്.

സാന്ത്വനം വീട്ടിലെ മൂത്ത സഹോദരനായ ബാലനും ഭാര്യ ദേവിയും വീട്ടിലെ കാരണവ സ്ഥാനത്തുള്ളവരാണ്. തങ്ങള്‍ക്ക് കുട്ടികള്‍ വേണ്ടെന്നുവച്ച് അവരാണ് ബാക്കിയുള്ള അനിയന്മാരെയെല്ലാം വളര്‍ത്തുന്നത്. അനിയന്മാരുടെ വിവാഹത്തോടെ പരമ്പര പിന്നേയും രസകരമാകുകയായിരുന്നു. അനിയനായ ശിവന്‍ വിവാഹം കഴിച്ച അഞ്ജലി, ഹരി വിവാഹം കഴിഞ്ഞ അപര്‍ണ്ണ എന്നിവരും ബാലന്റെ ചെറിയ അനിയനായ കണ്ണനുമെല്ലാമാണ് പരമ്പരയിലെ പ്രധാന കഥാപാത്രങ്ങള്‍.

സാന്ത്വനം സീരിയലിലെ പുതിയ നായികയാണ് മഞ്ജുഷ മാര്‍ട്ടിന്‍. കണ്ണന്‍ എന്ന കഥാപാത്രത്തിന്റെ നായിക വേഷത്തിലാണ് നടി മഞ്ജുഷ അഭിനയിക്കുന്നത്. ടിക് ടോക് വീഡിയോയിലൂടെ ശ്രദ്ധേയായ മഞ്ജുഷ സീരിയലില്‍ അഭിനയിച്ച് തുടങ്ങിയതിന് ശേഷമാണ് കൂടുതല്‍ ആരാധകരെയും സ്വന്തമാക്കുന്നത്. ഇപ്പോഴിതാ ഒരു മീഡിയയ്ക്ക് നല്‍കിയ അഭിമുഖത്തിലൂടെ സോഷ്യല്‍ മീഡിയയിലൂടെ വരുന്ന പ്രൊപ്പോസലിനെ കുറിച്ചും മറ്റു വിശേഷങ്ങളും പങ്കുവയ്ക്കുകയാണ്.

‘യൂട്യൂബിലെ വരുമാനം എത്ര കിട്ടുന്നുണ്ടെന്ന് എന്നും രാവിലെ നോക്കാറുണ്ട്. അതിലെ ഡോളറൊക്കെ കാണുമ്പോള്‍ എനിക്ക് വല്ലാത്ത സന്തോഷമാണെന്നും മഞ്ജുഷ പറയുന്നു. സോഷ്യല്‍ മീഡിയ പേജുകള്‍ മടുത്തിട്ടുണ്ടോന്ന് ചോദിച്ചാല്‍ ഒരിക്കലുമില്ലെന്ന് നടി പറയും. സാന്ത്വനം കുടുംബത്തില്‍ കുറുമ്പ് കാണിക്കാറുണ്ടോ എന്ന ചോദ്യത്തിന് മിണ്ടിയിട്ട് വേണ്ടേ? എന്നാണ് മഞ്ജുഷ പറഞ്ഞത്. ഞാനവിടെ പോയാല്‍ ഒന്നും മിണ്ടാറില്ല. കണ്ണനോട് പ്രണയം തോന്നിയിട്ടില്ല.

സോഷ്യല്‍ മീഡിയയിലൂടെ ചിലര്‍ സീരിയസായിട്ടുള്ള പ്രൊപ്പോസലുമായി വരും. കുടുംബത്തോട് കൂടി ഇരിക്കുന്നത് കൊണ്ടാണെന്ന് തോന്നുന്നു. കൂടുതല്‍ പേരും പപ്പയെ വിളിച്ചാണ് സംസാരിക്കാറുള്ളത്. എന്നോട് ആരും അങ്ങനെ ഇക്കാര്യം പറയാറ് പോലുമില്ല. കാരണം വീട്ടുകാര്‍ക്ക് ഇഷ്ടപ്പെടുന്ന ആളെ മാത്രമേ എനിക്കും ഇഷ്ടപ്പെടുകയുള്ളുവെന്ന് ഞാന്‍ നേരത്തേയും പറഞ്ഞിട്ടുള്ളതാണ്.

എനിക്ക് തിരഞ്ഞെടുക്കാനുള്ള കഴിവില്ല. ഞാന്‍ കണ്ട് പിടിക്കുന്ന ആള് ശരിയാവണമെന്നില്ല. അവരാണല്ലോ നമ്മളെ വളര്‍ത്തി വലുതാക്കിയത്. ഒരു നിലയിലെത്തി കഴിഞ്ഞ്, എനിക്കിത്ര പ്രായമായെന്നും പറഞ്ഞ് പക്വത വരണമെന്നില്ലല്ലോ. ജീവിതത്തില്‍ സ്വന്തമായി തീരുമാനമെടുക്കാന്‍ പേടിയാണ്.

ഇനി എന്നോട് വന്ന് പ്രെപ്പോസ് ചെയ്യുന്നവര്‍ പോലും തന്നോട് വെറുതേ പറഞ്ഞു എന്നേയുള്ളു. ഞങ്ങള്‍ വീട്ടുകാരുമായി സംസാരിച്ചോളാം എന്നാണ് പറയുന്നത്. എനിക്കതിനോട് താല്‍പര്യമില്ലാത്തത് കൊണ്ടാണെന്ന് അറിയുന്നത് കൊണ്ട് വീട്ടുകാര്‍ ഇപ്പോള്‍ കല്യാണം നോക്കുന്നില്ലെന്ന് പറയും.

എന്റെ പപ്പയും അമ്മയും പ്രണയവിവാഹത്തെ സപ്പോര്‍ട്ട് ചെയ്യുന്നവരാണ്. പക്ഷേ ക്രിസ്ത്യന്‍ ആയിരിക്കണം. അവരുടെ ആ ചിന്താഗതിയെ മാറ്റാന്‍ നമുക്ക് സാധിക്കില്ല. കോളേജില്‍ പോയി നല്ല സീനിയര്‍ അഡ്വാക്കേറ്റ് ആരെങ്കിലും ഉണ്ടെങ്കില്‍ നോക്കിക്കോ എന്ന് പറഞ്ഞ് വിട്ടതാണ്. പക്ഷേ എനിക്ക് ആരെയും ഇഷ്ടപ്പെട്ടില്ല.

പുകവലിയ്ക്കുകയും കള്ള് കുടിക്കുകയും ചെയ്യുന്നവരെ എനിക്ക് ഇഷ്ടമില്ല. നമ്മുടെ കുടുംബവുമായി ഒത്ത് പോവുന്ന ആളായിരിക്കണം. ഒരു ഇരുപത്തിയാറ് വയസിന് ശേഷം വിവാഹം നോക്കാമെന്നാണ് മഞ്ജുഷ പറയുന്നത്.

വീട്ടില്‍ പപ്പയും അമ്മയും പ്രണയിച്ച് വിവഹം ചെയ്തവരാണ്. പ്രണയ വിവാഹങ്ങളോട് അവര്‍ക്ക് അങ്ങനെ എതിര്‍പ്പൊന്നും ഇല്ല. എന്നോട് കോളേജില്‍ പഠിക്കുന്ന സമയത്തൊക്കെ പറഞ്ഞിട്ടുണ്ട്, ഇഷ്ടപ്പെടുന്ന ആളുകളുണ്ടോന്ന് നോക്കണം. സീനിയര്‍ അഡ്വക്കറ്റ്് ഒക്കെയുണ്ടേല്‍ നോക്കിക്കോ. അങ്ങനെയാണേല്‍ ഭാവി സേഫ് ആകും എന്ന്.

എല്‍.എല്‍.ബി. വെറുതെ പോയി എന്‍ട്രന്‍സ് എഴുതി കിട്ടിയതാണ്. പ്ലസ് ടു കഴിഞ്ഞ് വെറുതെയിരിക്കുന്ന സമയത്ത് എന്റെ കൂട്ടുകാരുടെയൊപ്പം വെറുതെപോയി എഴുതിയതാ. അപ്പൊ അതങ്ങ് കിട്ടി. അങ്ങനെയാണ് പോയത്. ഞാന്‍ ഒരു 26, 27 വയസ്സൊക്ക കഴിയുമ്പോള്‍ കല്യാണം കഴിക്കാം എന്നാണ് വിചാരിക്കുന്നതെന്നും മഞ്ജുഷ പറയുന്നു.

about santhwanam