Connect with us

ചില താരങ്ങള്‍ നാലു കാരവാനെങ്കിലും ലഭിച്ചില്ലെങ്കില്‍ ഷൂട്ടിംഗ് ആരംഭിക്കില്ല; ഫറ ഖാന്‍

Actress

ചില താരങ്ങള്‍ നാലു കാരവാനെങ്കിലും ലഭിച്ചില്ലെങ്കില്‍ ഷൂട്ടിംഗ് ആരംഭിക്കില്ല; ഫറ ഖാന്‍

ചില താരങ്ങള്‍ നാലു കാരവാനെങ്കിലും ലഭിച്ചില്ലെങ്കില്‍ ഷൂട്ടിംഗ് ആരംഭിക്കില്ല; ഫറ ഖാന്‍

റിലീസ് ചെയ്യുന്ന സിനിമകളില്‍ മിക്കതും ഫ്‌ളോപ്പ് ആവുകയാണെങ്കിലും ബോളിവുഡ് സിനിമകളുടെ ബജറ്റ് ദിവസേന കുതിച്ചുയരുകയാണ്. 700 കോടിയില്‍ ഒരുക്കിയ ‘ആദിപുരുഷ്’ വന്‍ പരാജയമായിരുന്നു. എങ്കിലും ‘കല്‍ക്കി’, ‘രാമായണ’ എന്നീ ചിത്രങ്ങള്‍ ഏകദേശം ഇതേ ബജറ്റില്‍ തന്നെയാണ് ഒരുങ്ങി കൊണ്ടിരിക്കുന്നത്.

ഒരു സിനിമയുടെ നിര്‍മ്മാണച്ചിലവില്‍ ഭൂരിഭാഗവും അഭിനേതാക്കള്‍ക്കുള്ള പ്രതിഫലത്തിനും മറ്റു കാര്യങ്ങള്‍ക്കുമാണ് ചിലവഴിക്കുക. ഇക്കാര്യം വ്യക്തമാക്കി രംഗത്തെത്തിയിരിക്കുകയാണ് ബോളിവുഡ് സംവിധായിക ഫറ ഖാന്‍. ടെലിവിഷന്‍ താരം ദീപിക കക്കര്‍ നടത്തിയ അഭിമുഖത്തിനിടെയാണ് ഫറ ഖാന്‍ സംസാരിച്ചത്.

അഭിമുഖത്തില്‍ നിന്നുള്ള വീഡിയോ ക്ലിപ്പുകള്‍ വ്യാപകമായി സോഷ്യല്‍ മീഡിയയില്‍ പ്രചരിക്കുകയാണ്. ചില താരങ്ങള്‍ നാലു കാരവാനെങ്കിലും ലഭിച്ചില്ലെങ്കില്‍ ഷൂട്ടിംഗ് ആരംഭിക്കില്ല എന്നാണ് ഫറ തുറന്നു പറഞ്ഞിരിക്കുന്നത്.

‘ഈ കാലത്ത് നാല് കാരവാന്‍ എങ്കിലും സെറ്റില്‍ ഇല്ലെങ്കില്‍ പല താരങ്ങളും അഭിനയിക്കാന്‍ എത്തില്ല. പലര്‍ക്കും സ്വന്തമായി തന്നെ 45 കാരവാനുകള്‍ ഉണ്ടാകും. ഒന്ന് ജിമ്മിനായി, ഒന്ന് അവരുടെ സ്റ്റാഫിന്, ഒന്ന് അവര്‍ക്ക്, പിന്നെ ഒന്ന് ഭക്ഷണം കഴിക്കാന്‍. ആദ്യ കാലങ്ങളില്‍ നായികമാര്‍ മരങ്ങള്‍ക്ക് പിന്നിലായിരുന്നു വസ്ത്രം മാറിയിരുന്നത്.’

‘ഞങ്ങള്‍ അവര്‍ക്ക് വേണ്ടി ടവ്വലുകള്‍ പിടിച്ച് കൊടുക്കുമായിരുന്നു. ഓട്ട്‌ഡോര്‍ ഷൂട്ടിനു പോകുമ്പോള്‍, സ്വിറ്റ്‌സര്‍ലന്‍ഡില്‍ പോലും അവര്‍ ബസിന്റെ പുറകിലായിരുന്നു വസ്ത്രം മാറിയിരുന്നത്. ഇപ്പോള്‍ കാരവാനില്ലെങ്കില്‍ അവര്‍ സെറ്റില്‍ പോലും എത്തില്ല’ എന്നാണ് ഫറ ഖാന്‍ പറയുന്നത്.

Continue Reading
You may also like...

More in Actress

Trending