ഞാന്‍ അമ്മയെ ഒരുപാട് അടിച്ചിട്ടുണ്ട്, ദേഷ്യം മുഴുവന്‍ അമ്മയോട് കാണിച്ചു! ശരീര ഭാരം കുറയ്ക്കാന്‍ വേണ്ടി കഞ്ചാവ് അടിച്ചുവെന്ന വാര്‍ത്തകളുണ്ട്… രുചിച്ചിട്ടുണ്ട്, ആരും എന്നെ സമ്മര്‍ദ്ദം ചെയ്ത് ചെയ്തതല്ല; നടിയുടെ തുറന്ന് പറച്ചിൽ

തമിഴ് ടെലിവിഷന് താരമാണ് നടി ശ്രീനിധി. തമിഴ് യുവ സൂപ്പര്‍താരം ചിമ്പുവിനെ വിവാഹം ചെയ്യണം എന്ന് പറഞ്ഞ് നടന്റെ വീടിന് മുന്നില്‍ പ്രതിഷേധം നടത്തിയത് ആരും മറന്ന് കാണില്ല. എന്നാല്‍ താന്‍ അത് ചെയ്തത് ബോധപൂര്‍വ്വമല്ല എന്ന് പറഞ്ഞ് രംഗത്ത് എത്തിയിരിയ്ക്കുകയാണ് നടി ഇപ്പോള്‍. കടുത്ത വിഷാദ രോഗത്തിന് അടിമായയിരുന്നുവെന്ന് ഒരു അഭിമുഖത്തിൽ താരം പറഞ്ഞു

നടിയുടെ വാക്കുകളിലേക്ക്

ചെറുപ്പം മുതലേ എനിക്ക് അമ്മയെക്കാള്‍ ഇഷ്ടം അച്ഛനെ ആയിരുന്നു. അച്ഛന്‍ മരിച്ചതോടെ അമ്മയോട് വെറുപ്പായി. എന്നിരുന്നാലും അവരോടൊപ്പം തന്നെയാണ് ഞാന്‍ ജീവിച്ചിരുന്നത്. പോക പോകെ അമ്മയുടെ മൂല്യം എനിക്ക് മനസ്സിലായി. ഒരു പെണ്ണായി നിന്ന് എങ്ങിനെയാണ് അമ്മ ഞങ്ങള്‍ രണ്ട് പെണ്‍കുട്ടികളെ വളര്‍ത്തി വലുതാക്കിയത് എന്ന് മനസ്സിലാക്കാന്‍ കഴിയുന്നത് ഇപ്പോഴാണ്. ലോകത്ത് എനിക്ക് ഇപ്പോള്‍ ഏറ്റവും ഇഷ്ടവും അമ്മയെ തന്നെയാണ്.

ഞാന്‍ അമ്മയെ ഒരുപാട് അടിച്ചിട്ടുണ്ട്. എന്റെ ദേഷ്യം മുഴുവന്‍ ഞാന്‍ അമ്മയോട് ആണ് കാണിച്ചിരുന്നത്. എനിക്ക് പേഴ്‌സണാലിറ്റി ഡിസോഡര്‍ ഉണ്ട്. ആ സമയത്ത് ഞാന്‍ പുറത്ത് പോയാല്‍ കുറച്ച് ഫ്രീ ആകും. പക്ഷെ എന്നെ അപ്പോള്‍ വീട്ടില്‍ പൂട്ടിയിടുകയാണ് ചെയ്യുന്നത്. ഫോണും എടുത്ത് മാറ്റി വയ്ക്കും. അപ്പോള്‍ ദേഷ്യം വരും, ദേഷ്യം വന്നാല്‍ അമ്മയെ തല്ലും. തല്ല് മുഴുവന്‍ വാങ്ങി കുറച്ച് കഴിഞ്ഞ് അമ്മ തന്നെ മരുന്ന് കൊണ്ടു തരും

ശരീര ഭാരം കുറയ്ക്കാന്‍ വേണ്ടി ഞാന്‍ കഞ്ചാവ് അടിച്ചു എന്ന് വാര്‍ത്തകളുണ്ട്. രുചിച്ചിട്ടുണ്ട് എന്നത് സത്യമാണ്, പക്ഷെ അത് ഇഷ്ടമായില്ല. അതുകൊണ്ട് പിന്നീട് കഞ്ചാവ് അടിച്ചിട്ടില്ല. അത് ആരും എന്നെ സമ്മര്‍ദ്ദം ചെയ്ത് ചെയ്തതല്ല, ഞാന്‍ തന്നെ ചെയ്ത തെറ്റ് ആണ്. ഞാന്‍ പാര്‍ട്ടിയ്ക്ക് പോകാറുണ്ട്, പക്ഷെ അമ്മയോട് പറഞ്ഞിട്ട് ആണ് പോകുന്നത്. അതില്‍ എന്താണ് തെറ്റ്. ആഴ്ചയില്‍ അഞ്ച് ദിവസവും കഷ്ടപ്പെട്ട് ജോലി ചെയ്യുന്നു. അതില്‍ ഒരു ദിവസം ഇഷ്ടപ്പെട്ട കാര്യങ്ങള്‍ക്ക് വേണ്ടി ചെെലവാക്കിക്കൂടെ. എന്ന് കരുതി എല്ലാ ആഴ്ചയും പാര്‍ട്ടിയ്ക്ക് പോകുന്ന ആളല്ല ഞാന്‍.

എനിക്ക് കല്യാണം കഴിച്ച് നല്ലൊരു ദാമ്പത്യ ജീവിതം മുന്നോട്ട് പോകാനാണ് ആഗ്രഹം. അതുകൊണ്ട് തന്നെ അച്ഛനോടും അമ്മയോടും നല്ല രീതിയില്‍ പെരുമാറുന്ന, നന്നായി ജീവിയ്ക്കുന്ന ആളുകളോട് എനിക്ക് ഇഷ്ടം തോന്നും. അത് പ്രണയം ആണ് എന്ന് പറയാന്‍ പറ്റില്ല, എന്നെ മാനസിക നില ശരിയല്ലായിരുന്നു എന്ന് വേണമെങ്കില്‍ പറയാം. അങ്ങനെ ഞാന്‍ ഒരുപാട് പേരെ ഇഷ്ടപ്പെട്ടിട്ടുണ്ട്. അതിന് എണ്ണമില്ല. അമ്മയോട് അക്കാര്യങ്ങള്‍ എല്ലാം ഒന്നും പറയാറില്ല. പക്ഷെ എത്രയോ ആളുകള്‍ എന്നെ കല്യാണം കഴിക്കണം എന്ന് പറഞ്ഞ് അമ്മയുടെ ്ടുത്ത് വന്നിട്ടുണ്ട്.

എനിക്ക് എന്ത് കൊണ്ട് ഡിപ്രഷന്‍ വന്നു എന്ന് മീഡിയാസ് ചോദിയ്ക്കുന്നു, പക്ഷെ അത് തുറന്ന് പറയേണ്ട ആവശ്യം എനിക്കില്ല. കാരണം അത് എന്റെ കുടുംബത്തില്‍ നടന്നതാണ്. എന്റെ കരിയറുമായി ബന്ധപ്പെട്ടതല്ല. എന്റെ കുടുംബത്തില്‍ നടന്ന കഥ പറഞ്ഞ് ആരുടെയും സിംപതി എനിക്ക് ആവശ്യമില്ല. ആ സിംപതി എന്നെ കൂടുതല്‍ വിഷമിപ്പിയ്ക്കും. ഞങ്ങളുടെ സ്വകാര്യതയാണ്. ആ പ്രശ്‌നം തീര്‍ക്കാനോ എന്റെ ഡിപ്രഷന്‍ മാറ്റാനോ മാധ്യമങ്ങള്‍ക്ക് സാധിയ്ക്കില്ല. അതുകൊണ്ട് അവരുടെ സഹായവും വേണ്ട- ശ്രീനിഥി പറഞ്ഞു

ഇപ്പോള്‍ ഡിപ്രഷനില്‍ നിന്ന് ഒരുപാട് മാറ്റമുണ്ട്. ഒരുപാട് മരുന്ന് കുടിച്ച് കുടിച്ച് എനിക്ക് ഇപ്പോള്‍ എപ്പോഴും ഉറക്കം വരും. അമ്മയാണ് ഈ ലോകത്ത് എനിക്ക് എല്ലാം. അമ്മ ഇല്ലാതെ എനിക്ക് പറ്റില്ല എന്ന് ശ്രീനിധി പറഞ്ഞു. കുടുംബത്തിന് വേണ്ടി ഒരുപാട് കഷ്ടപ്പെട്ട പെണ്‍കുട്ടിയാണ് ശ്രീനിധി, എല്ലാ കാര്യത്തിലും അവള്‍ക്ക് കൃത്യമായ തീരുമാനവും കാഴ്ചപ്പാടും ഉണ്ട് എന്ന് നടിയുടെ അമ്മ പറയുന്നു