ഒരേയൊരു സൂപ്പർസ്റ്റാർ.. രജനികാന്തിന്റെ പ്രതിഫലം 65 കോടി രൂപ !
തെന്നിന്ത്യൻ സിനിമയിലെ സൂപ്പർ സ്റ്റാർ രജനികാന്തിന്റെ പ്രതിഫലം കേട്ടാൽ ഞെട്ടും! . തമിഴിന്റെ സ്‌റ്റൈൽ മന്നൻ ജനി വാങ്ങുന്നത് 65 കോടി രൂപയാണ്. രജനി ഇതുവരെ വാങ്ങിയതിൽ ഏറ്റവും ഉയർന്ന പ്രതിഫലമാണിത്.
കാർത്തിക് സുബ്ബരാജ് സംവിധാനം ചെയ്യുന്ന ഈ ചിത്രം നിർമ്മിക്കുന്നത് സൺ പിക്ചേഴ്സാണ്. രജനിയുടെ സൂപ്പർഹിറ്റ് ചിത്രങ്ങളിൽ ഒന്നായ യന്തിരൻ നിർമ്മിച്ചതും സൺ പിക്ചേഴ്സാണ്.
കാർത്തിക് സുബ്ബരാജ് ചിത്രത്തിൽ രജനികാന്തിന്റെ വില്ലനായി വിജയ് സേതുപതി അഭിനയിക്കുന്നുണ്ട്.
രാഷ്ട്രീയം പ്രമേയമാക്കുന്ന ചിത്രം ആക്ഷൻ രംഗങ്ങൾക്ക് ഏറെ പ്രാധാന്യം നൽകിയാണ് ഒരുക്കുന്നത്. കാർത്തിക് സുബ്ബരാജ് മുമ്പ് സംവിധാനം ചെയ്ത പിസ, ഇരൈവി, ജിഗർതാണ്ട തുടങ്ങിയ ചിത്രങ്ങളെല്ലാം ശ്രദ്ധ നേടിയിരുന്നു.
രജനികാന്ത് നായകനായ കാലാ ജൂൺ 7ന് റിലീസ് ചെയ്യും. പി. രഞ്ജിത്ത് സംവിധാനം ചെയ്യുന്ന കാലാ വണ്ടർബാർ ഫിലിംസിന്റെ ബാനറിൽ ധനുഷാണ് നിർമ്മിക്കുന്നത്. നാനാ പടേക്കർ, പങ്കജ് ത്രിപാഠി, അഞ്ജലി പാട്ടീൽ, ഹുമ ഖുറേഷി, സമുദ്രക്കനി തുടങ്ങിയവർ പ്രധാന വേഷത്തിലെത്തുന്നു. ഷങ്കറിന്റെ 2.0 ആണ് റിലീസിനൊരുങ്ങുന്ന മറ്റൊരു രജനി ചിത്രം.
ലൈക്ക പ്രൊഡക്ഷൻസ് നിർമ്മിക്കുന്ന ചിത്രത്തിന് സംഗീത സംവിധാനം നിർവഹിക്കുന്നത് എ.ആർ. റഹ് മാനാണ്. യന്തിരന്റെ രണ്ടാം ഭാഗമായി ഒരുക്കുന്ന ഈ ചിത്രത്തിന്റെ ബഡ്ജറ്റ് 450 കോടിയാണ്.
