News
സാനിയ മിര്സയുമായുള്ള വിവാഹബന്ധം വേര്പെടുത്തിയതിന് പിന്നാലെ ശുഐബ് മാലിക്ക് വീണ്ടും വിവാഹിതനായി; വധു നടി സന ജാവേദ്
സാനിയ മിര്സയുമായുള്ള വിവാഹബന്ധം വേര്പെടുത്തിയതിന് പിന്നാലെ ശുഐബ് മാലിക്ക് വീണ്ടും വിവാഹിതനായി; വധു നടി സന ജാവേദ്
പാക്കിസ്ഥാന് ക്രിക്കറ്റ് താരം ശുഐബ് മാലിക്ക് വീണ്ടും വിവാഹിതനായി. പാക് സിനിമാതാരം സന ജാവേദിനെയാണ് വിവാഹം ചെയ്തത്. ഇന്ത്യന് ടെന്നിസ് താരം സാനിയ മിര്സ ശുഐബുമായുള്ള വിവാഹബന്ധം വേര്പെടുത്തിയതിന് പിന്നാലെയാണ് ശുഐബിന്റെ വിവാഹം. ശുഐബാണ് വിവാഹത്തിന്റെ ചിത്രങ്ങള് സമൂഹ മാധ്യമത്തില് പങ്കുവച്ചത്.
സാനിയയാണ് വിവാഹമോചനത്തിന്റെ തീരുമാനം എടുത്തതെന്ന് പിതാവ് ഇമ്രാന് മിര്സ അറിയിച്ചു. വിവാഹ വാര്ത്ത ഷുഹൈബ് മാലിക് തന്റെ ഇന്സ്റ്റഗ്രാം വഴിയാണ് ആരാധകരുമായി പങ്കുവെച്ചത്. വാര്ത്ത ശരിവെച്ച് താരത്തിന്റെ മാനേജറും രംഗത്തെത്തി.
ഇന്ത്യന് ടെന്നീസ് സൂപ്പര് താരം സാനിയ മിര്സയും പാകിസ്ഥാന് ക്രിക്കറ്റ് താരം ഷോയിക് മാലികും 2010ലാണ് വിവാഹിതരായത്. 2018ല് ഇവര്ക്ക് ആണ്കുഞ്ഞ് പിറന്നു. മകന്റെ ഇഷാന് നീന്തല് താരമാണ്. അടുത്തിടെ നീന്തല് മല്സരത്തില് മകന്റെ നേട്ടം ഇവരുവരും ആഘോഷമാക്കിയിരുന്നു.
പാകിസ്ഥാനിയായ ഷുഹൈബ് മാലിക്കുമായുള്ള സാനിയയുടെ പ്രണയവും വിവാഹവും ഏറെ ചര്ച്ചയായിരുന്നു. വിവാഹത്തെ തുടര്ന്ന് സാനിയയെ ശിവസേന നേതാവ് ബാല്ത്താക്കറെ രാജ്യദ്രേഹി എന്ന് വിളിച്ചത് വിവാദങ്ങള്ക്ക് വഴിവെച്ചിരുന്നു. കഴിഞ്ഞ വര്ഷം ഫെബ്രുവരിയിലാണ് സാനിയ തന്റെ ഇരുപത് വര്ഷം നീണ്ട ടെന്നീസ് കരിയര് അവസാനിപ്പിച്ചത്.