Connect with us

മകള്‍ സിനിമയിലേക്ക് എത്തിയത് തനിക്ക് ഇരട്ടി സമ്മര്‍ദ്ദമുണ്ടാക്കി; ഷാരൂഖ് ഖാന്‍

Bollywood

മകള്‍ സിനിമയിലേക്ക് എത്തിയത് തനിക്ക് ഇരട്ടി സമ്മര്‍ദ്ദമുണ്ടാക്കി; ഷാരൂഖ് ഖാന്‍

മകള്‍ സിനിമയിലേക്ക് എത്തിയത് തനിക്ക് ഇരട്ടി സമ്മര്‍ദ്ദമുണ്ടാക്കി; ഷാരൂഖ് ഖാന്‍

മകള്‍ സുഹാന ഖാന്‍ സിനിമയിലേക്ക് എത്തിയത് തനിക്ക് ഇരട്ടി സമ്മര്‍ദ്ദമുണ്ടാക്കിയെന്ന് ഷാരൂഖ് ഖാന്‍. ഒരു ചാറ്റ് ഷോയില്‍ മക്കളുടെ ഭാവിയെ കുറിച്ച് സംസാരിക്കവെയാണ് ഷാരൂഖ് ഖാന്‍ ഇക്കാര്യം പറഞ്ഞത്. കരിയറില്‍ എന്തായി തീരണമെന്ന് തിരഞ്ഞെടുക്കാനുള്ള പൂര്‍ണ്ണ സ്വതന്ത്ര്യം മക്കള്‍ക്ക് കൊടുത്തിട്ടുണ്ടെന്ന് ഷാരൂഖ് വ്യക്തമാക്കി.

‘മകള്‍ സിനിമാ മേഖലയില്‍ എത്തിയത് ഇരട്ട സമ്മര്‍ദ്ദമാണ് ഉണ്ടാക്കിയത്. നമുക്ക് കാത്തിരിക്കാനും ഉത്കണ്ഠപ്പെടാനും നിരവധി വെള്ളിയാഴ്ചകളുണ്ട്, ബോക്‌സ് ഓഫീസിന്റെ ത്രില്ലുകളും വേവലാതികളും ഉണ്ട്. എന്നാലും എനിക്ക് വളരെ സന്തോഷമുണ്ട്’ എന്നാണ് ഷാരൂഖ് ഖാന്‍ പറയുന്നത്.

സിനിമയിലേക്ക് വരണം എന്നത് മകള്‍ തന്നെ എടുത്ത തീരുമാനമാണെന്നും ഷാരൂഖ് ഖാന്‍ വ്യക്തമാക്കുന്നുണ്ട്. ‘അവള്‍ തന്നെയാണ് സിനിമയില്‍ എത്തണം എന്ന തീരുമാനം എടുത്തത്, അതില്‍ എനിക്ക് സന്തോഷമുണ്ട്. ഒരു കുടുംബമെന്ന നിലയില്‍ ഞാനും ഗൗരിയും മക്കളോട് ഒരിക്കലും ഇത് ചെയ്യൂ, അത് ചെയ്യൂ എന്ന് പറഞ്ഞിട്ടില്ല.’

‘അവര്‍ക്ക് ഇഷ്ടമുള്ളത് തിരഞ്ഞെടുക്കാന്‍ സ്വാതന്ത്ര്യമുണ്ട്. എന്റെ മകള്‍ അഭിനേതാവാകാന്‍ തീരുമാനിച്ചു, മകന്‍ സംവിധാനം പഠിക്കാന്‍ തീരുമാനിച്ചു. അതുകൊണ്ടു തന്നെ ഇരുവരും സിനിമയിലേക്കാണ് എത്തുന്നത്’ എന്നും ഷാരൂഖ് വ്യക്തമാക്കി. ‘ആര്‍ച്ചീസ്’ എന്ന ചിത്രത്തിലൂടെയാണ് സുഹാന ഖാന്‍ സിനിമയില്‍ എത്തിയിരിക്കുന്നത്.

നെറ്റ്ഫ്‌ലിക്‌സില്‍ എത്തിയ ചിത്രം കാര്യമായി ശ്രദ്ധ നേടിയിട്ടില്ല. അതേസമയം, 1000 കോടി ക്ലബ്ബ് ചിത്രങ്ങള്‍ക്ക് പിന്നാലെ ഷാരൂഖ് ഖാന്റെതായി ‘ഡങ്കി’ എന്ന ചിത്രമാണ് തിയേറ്ററില്‍ പ്രദര്‍ശനം തുടരുന്നത്. ഡിസംബര്‍ 21ന് റിലീസ് ചെയ്ത ചിത്രം 300 കോടി കളക്ഷന്‍ ആണ് തിയേറ്ററില്‍ നിന്നും നേടിയിരിക്കുന്നത്.

More in Bollywood

Trending