ഇന്ത്യന്‍ സിനിമയില്‍ത്തന്നെ ഏറ്റവുമധികം ആരാധകരുള്ള താരങ്ങളില്‍ ഒരാളാണ് രജനികാന്ത്. രജനി എവിടെ എത്തിയാലും സ്നേഹം കൊണ്ട് പൊതിയാറുണ്ട് അവര്‍. സിനിമാചിത്രീകരണത്തിനിടെ രജനിയെ കാണാനെത്തുന്ന ആള്‍ക്കൂട്ടത്തിന്റെ വീഡിയോ പലപ്പോഴും വൈറല്‍ ആവാറുമുണ്ട്.എന്നാല്‍ രജിനികാന്തോ കുടുംബാംഗങ്ങളോ പൊങ്കല്‍ ആഘോഷിച്ചതിന്റെ ചിത്രങ്ങള്‍ പങ്കിട്ടിട്ടില്ല.
പൊതുവെ മകള്‍ ഐശ്വര്യ രജിനികാന്ത് ഇത്തരം ആഘോഷങ്ങള്‍ വരുമ്പോള്‍ മുടങ്ങാതെ ചിത്രങ്ങള്‍ പങ്കുവെക്കാറുള്ളതാണ്. എന്നാല്‍ ഇത്തവണ അതൊന്നും ഉണ്ടായില്ല. അതുപോലെ തന്നെ ഐശ്വര്യയുടെ മക്കളായ യാത്രയും ലിംഗയും ധനുഷിനൊപ്പം പുതിയ വീട്ടിലാണ് പൊങ്കല്‍ ആഘോഷിച്ചത്. ഇത്തരം ആഘോഷ ദിവസങ്ങളില്‍ രജിനികാന്തിന്റെ വക ആശംസകള്‍ ആരാധകര്‍ പ്രതീക്ഷിക്കാറുണ്ട്.
ഇത്തവണ അത് ഇല്ലാതിരുന്നത് ആരാധകരെ വിഷമത്തിലാക്കി. അതുപോലെ തന്നെ രജിനികാന്തിനെ നേരിട്ട് കണ്ട് ആശംസകള്‍ അറിയിക്കാന്‍ പതിവുപോലെ ഇത്തവണയും നിരവധി ആരാധകര്‍ ചെന്നൈ പേയസ് ഗാര്‍ഡനിലുള്ള താരത്തിന്റെ വസതിക്ക് മുന്നില്‍ എത്തിയിരുന്നു. അത് വലിയ പ്രശ്‌നങ്ങള്‍ക്ക് വഴിവെച്ചു. കഴിഞ്ഞ ദിവസം ഒരു ടെലിവിഷന്‍ ചാനലിനോട് അയല്‍വാസിയായ സ്ത്രീ ഇക്കാര്യം തുറന്നുപറഞ്ഞിരുന്നു.
രജിനികാന്ത് ആരാധകര്‍ കാരണം പ്രദേശത്തുള്ള 21 കുടുംബാംഗങ്ങള്‍ക്ക് മനസമാധാനമായി പ്രാര്‍ത്ഥിക്കാന്‍ പോലും സാധിക്കുന്നില്ലെന്ന് പറഞ്ഞാണ് അയല്‍വാസിയായ സ്ത്രീ ബഹളം വെച്ചത്. ഈ സംഭവത്തിന്റെ വീഡിയോ വലിയ രീതിയില്‍ വൈറലാണ്. ‘തലൈവ എന്ന് വിളിച്ചുകൊണ്ട് എല്ലാവരും കൂടി വരും… ഞങ്ങള്‍ ഈ 21 കുടുംബം കഷ്ടപ്പെടുന്നത് പോലെ ആരും കഷ്ടപ്പെടുന്നുണ്ടാവില്ല.
ഇവരെയൊക്കെ ഗേറ്റ് തുറന്ന് നിങ്ങളുടെ തലൈവന്റെ വീടിന്റെ ഉള്ളിലേയ്ക്ക് വിടാന്‍ പറയണം… പുറത്ത് ആളുകളെ കഷ്ടപ്പെടുത്താതെ. അവര്‍ അവരുടെ ഗേറ്റ് തുറക്കുകയുമില്ല ഞങ്ങളുടെ വീടിന്റെ ഒക്കെ വാതില്‍ വരെ മൂടി ഇങ്ങിനെ ആള്‍ക്കൂട്ടം വന്ന് ഞങ്ങളെ കഷ്ടപ്പെടുകയും ചെയ്യും.’ ‘എന്ത് നോണ്‍സെന്‍സാണിത്. ഇവരെയൊക്കെ ഗേറ്റ് തുറന്ന് മര്യാദയ്ക്ക് ഉള്ളിലേക്ക് വിടണം.
ബാക്കി ഞാന്‍ നോക്കിക്കൊള്ളാം. നിങ്ങളുടെ ഗേറ്റ് തുറന്ന് അവരെ ഒക്കെ അകത്തേക്ക് വിടണം. തലൈവര്‍ വീടൊക്കെ കാണട്ടെ അവര്‍. അവിടുത്തെ അമ്മ രാത്രി പത്തുമണിക്കൊക്കെ പ്രസ് കോണ്‍ഫറന്‍സ് ഒക്കെ കൊടുത്തത് അല്ലെ.’ ‘ഞങ്ങളും ഇവിടെ ടാക്‌സ് കെട്ടുകയും എല്ലാം അടച്ചും ഒക്കെ തന്നയാണ് ജീവിക്കുന്നത്. ഞങ്ങള്‍ക്ക് മാത്രം ഒരു അഡ്വാന്റ്റേജും ഇല്ല. പൊങ്കല്‍ ദിവസമായിട്ട് പോലും രാവിലെ തൊട്ട് ഈ കൂട്ടം കാരണം ഒന്ന് പ്രാര്‍ത്ഥിക്കാന്‍ പോലും സ്വസ്ഥമായിട്ട് പറ്റുന്നില്ല. ഞങ്ങള്‍ക്ക് മടുത്തു… ശരിക്കും മടുത്തു’, എന്നാണ് അയല്‍വാസിയായ സ്ത്രീ വീഡിയോയില്‍ പറയുന്നത്.
പ്രശസ്ത സംഗീത സംവിധായകന്‍ പ്രവീണ്‍ കുമാര്‍ അന്തരിച്ചു. ചെന്നൈയില് വച്ചാണ് 28 കാരനായ പ്രവീണ്‍ കുമാറിന്റെ അന്ത്യം. ആരോഗ്യ സംബന്ധമായ പ്രശ്നങ്ങള്...
ബസ് കണ്ടക്ടറില് നിന്നും ഇന്ന് ഇന്ത്യന്‍ സിനിമയിലെ തന്നെ സൂപ്പര് സ്റ്റാറായി മാറിയ നടനാണ് രജനികാന്ത്. പല പ്രമുഖ അഭിനേതാക്കളും അടക്കി...
താരകുടുംബത്തെ പറ്റിയുള്ള കഥകളൊക്കെ വളരെ വേഗമാണ് വൈറലാവുന്നത്. കഴിഞ്ഞ രണ്ടു മൂന്ന് വർഷമായി രജിനികാന്തിന്റെ മകളും സംവിധായികയുമായ ഐശ്വര്യ രജിനികാന്തിനെ ചുറ്റിപ്പറ്റിയുള്ള...
ഇന്ത്യയൊട്ടാകെ ആഘോഷിച്ച ചിത്രമാണ് നെല്സണ് ദിലീപ്കുമാറിന്റെ സംവിധാനത്തില് പുറത്തെത്തിയ ‘ജയിലര്’. ചിത്രത്തിന്റെ വിജയത്തോടു കൂടി എല്ലാ സിനിമാ പ്രേമികള്ക്കും സുപരിചിതനാണ് നെല്സണ്...
തെന്നിന്ത്യൻ സിനിമാ ലോകത്ത് ഏറ്റവും കൂടുതൽ ആഘോഷിക്കപ്പെടുന്ന താര ദമ്പതികളാണ് സൂര്യയും ജ്യോതികയും. തമിഴകത്തെ പോലെ കേരളത്തിലും ഇരുവർക്കും നിരവധി ആരാധകരുണ്ട്....
