News
കൊച്ചിയിലെ മോഡലുകളുടെ അപകട മരണം, മദ്യലഹരിക്ക് പുറത്തുള്ള മത്സരയോട്ടം; ഒടുവിൽ മൊഴി പുറത്ത്… ആ രാത്രി സംഭവിച്ചതിങ്ങനെ!
കൊച്ചിയിലെ മോഡലുകളുടെ അപകട മരണം, മദ്യലഹരിക്ക് പുറത്തുള്ള മത്സരയോട്ടം; ഒടുവിൽ മൊഴി പുറത്ത്… ആ രാത്രി സംഭവിച്ചതിങ്ങനെ!
കൊച്ചിയിലെ മോഡലുകളുടെ അപകട മരണം ഒരു ഞെട്ടലോടെയാണ് മലയാളികൾ കേട്ടത്. 2019ല്‍ നടന്ന മിസ് കേരള മത്സരത്തിലെ വിജയി ആയിരുന്നു തിരുവനന്തപുരം ആലംങ്കോട് സ്വദേശിനി അന്‍സി കബീര്‍, ഇതേ മത്സരത്തിലെ റണ്ണര്‍ അപ് ആയിരുന്നു ആയുര്‍വേദ ഡോക്ടര്‍ ആയ തൃശ്ശൂര്‍ ആളൂര്‍ സ്വദേശിനി അഞ്ജന ഷാജന്‍ എന്നിവരായിരുന്നു മരണപ്പെട്ടത്.
മൂന്ന് പേര് കൊല്ലപ്പെട്ട കാറപകടത്തിന് വഴിവെച്ചത് മദ്യലഹരിക്ക് പുറത്തുള്ള മത്സരയോട്ടമായിരുന്നു. ഡിജെ പാര്‍ട്ടി കഴിഞ്ഞ മടങ്ങവേ തങ്ങള്‍ തമാശയ്ക്ക് മത്സരയോട്ടം നടത്തുകയായിരുന്നുവെന്ന് അപകടത്തില്‍പ്പെട്ടവരുടെ സുഹൃത്തായ ഓഡി കാര്‍ ഡ്രൈവര്‍ ഷൈജു പൊലീസിന് മൊഴി നല്‍കി. പക്ഷെ അമിതവേഗതയ്ക്ക് കേസെടുക്കാന‍് തെളിവില്ലെന്നാണ് പൊലീസ് നിലപാട്.
നവംബര്‍ ഒന്നിന് അര്‍ധരാത്രി വൈറ്റില ദേശീയപാതയില്‍ വെച്ചായിരുന്നു അപകടവും നടന്നത്. ഒരു ഒഡി കാര്‍ തങ്ങളെ ചേസ് ചെയ്തെന്നും ഇതിന്റെ മാനസിക സമ്മര്‍ദ്ദത്തിലാണ് അപകടം ഉണ്ടായതെന്നും അപകടത്തിനിയാക്കിയ കാറിന‍്റെ ഡ്രൈവര്‍ അബ്ദുള്‍ റഹ്മാന്‍ പൊലീസിന് മൊഴി നല്‍കിയിരുന്നു.
സിസിടിവി പരിശോധനയില്‍ അബ്ദുള്‍ റഹ്മാന്‍റെ സുഹൃത്തുക്കള്‍ തന്നെയാണ് ഓഡി കാറിലുണ്ടായിരുന്നതെന്ന് പൊലീസ് കണ്ടെത്തി. തുടര്‍ന്ന് കാർ ഡ്രൈവർ ഷൈജുവിനെ ചോദ്യം ചെയ്തു. ഈ ചോദ്യം ചെയ്യലിലാണ് തമാശക്ക് മത്സരയോട്ടം നടത്തിയെന്ന് ഷൈജു സമ്മതിച്ചത്. പന്ത്രണ്ടരക്ക് ശേഷം ഹോട്ടലില്‍ നിന്ന് മടങ്ങിയപ്പോള്‍ മുതല്‍ മല്‍സരയോട്ടം തുടങ്ങിയിരുന്നു
കേരളത്തിലെ മോഡലിംഗ്, സൗന്ദര്യ മത്സരങ്ങളിലെ സജീവ സാന്നിധ്യമായിരുന്നു ആൻസിയും അഞ്ജനയും. ഒരുപാട് സ്വപ്‌നങ്ങളും മോഹങ്ങളും ബാക്കിയാക്കി അവര്‍ യാത്ര പറഞ്ഞത് ഇന്നും പലര്‍ക്കും വിശ്വസിക്കാനായിട്ടില്ല.
