Connect with us

സീറ്റുകള്‍ കാലി, കാണാന്‍ ആളില്ലാത്തതിനാല്‍ ‘മുത്തു’വിന്റെ എല്ലാ ഷോകളും റദ്ദാക്കി

Tamil

സീറ്റുകള്‍ കാലി, കാണാന്‍ ആളില്ലാത്തതിനാല്‍ ‘മുത്തു’വിന്റെ എല്ലാ ഷോകളും റദ്ദാക്കി

സീറ്റുകള്‍ കാലി, കാണാന്‍ ആളില്ലാത്തതിനാല്‍ ‘മുത്തു’വിന്റെ എല്ലാ ഷോകളും റദ്ദാക്കി

കുറച്ച് ദിവസങ്ങള്‍ക്ക് മുമ്പായിരുന്നു റീ റിലീസിങ് പുതിയൊരു ട്രെന്‍ഡ് ആയി വന്നു തുടങ്ങിയത്. മലയാളത്തില്‍ ‘സ്ഫടികം’, ‘മണിച്ചിത്രത്താഴ്’ എന്നീ സിനിമകളുടെ റീ റിലീസിങ് നടന്നിരുന്നു. ഈ വര്‍ഷം ഫെബ്രുവരിയില്‍ റീ റിലീസ് ചെയ്ത സ്ഫടികം മൂന്ന് കോടിയോളം തിയേറ്ററില്‍ നിന്നും നേടിയിരുന്നു. കേരളീയം പരിപാടിയുടെ ഭാഗമായി പ്രദര്‍ശിപ്പിച്ച മണിച്ചിത്രത്താഴ് കാണാനായി നിരവധി പ്രേക്ഷകര്‍ ആയിരുന്നു എത്തിയത്.

എന്നാല്‍ ഈ ട്രെന്‍ഡ് തമിഴിലും തെലുങ്കിലും പയറ്റി നോക്കിയെങ്കിലും വര്‍ക്ക് ആവുന്നില്ല എന്നാണ് പുറത്ത് വരുന്ന റിപ്പോര്‍ട്ടുകള്‍. രജനികാന്ത് ചിത്രം ‘മുത്തു’ തിയേറ്ററില്‍ കാണാനായി പ്രേക്ഷകര്‍ എത്താത്തതിനാല്‍ എല്ലാ ഷോകളും റദ്ദാക്കി. ഡിസംബര്‍ 2ന് ശനിയാഴ്ച ആയിരുന്നു ചിത്രത്തിന്റെ റീ റിലീസ് പ്രഖ്യാപിച്ചിരുന്നത്.

ഇതിന്റെ ബുക്കിംഗും നേരത്തെ ആരംഭിച്ചിരുന്നു. എന്നാല്‍ പ്രേക്ഷകര്‍ എത്താത്തതിനാല്‍ തെലുങ്ക് സംസ്ഥാനങ്ങളിലെ ചിത്രത്തിന്റെ എല്ലാ പ്രദര്‍ശനങ്ങളും റദ്ദാക്കപ്പെട്ടതായാണ് തെലുങ്ക് മാധ്യമങ്ങള്‍ അറിയിക്കുന്നത്. രജനികാന്തിന്റെ ‘ബാഷ’, ‘ബാബ’ എന്ന ചിത്രങ്ങള്‍ എത്തിയപ്പോഴും പ്രേക്ഷകര്‍ കുറവായിരുന്നു.

അതേസമയം, കമല്‍ ഹാസന്‍ ചിത്രം ‘ആളവന്താന്‍’ ആണ് ഇനി തമിഴകത്ത് റീ റിലീസിന് ഒരുങ്ങുന്ന ചിത്രം. 2001ല്‍ തിയേറ്ററുകളില്‍ എത്തിയ ചിത്രം പരാജയമായിരുന്നു. ഡിസംബര്‍ 8ന് ആണ് ചിത്രത്തിന്റെ റീ റിലീസ്. ഈ സാഹചര്യത്തില്‍ ചിത്രം കാണാന്‍ ആളെത്തുമോ എന്ന ആശങ്കയിലാണ് നിര്‍മ്മാതാക്കളും തിയേറ്ററുടമകളും ഇപ്പോള്‍.

Continue Reading
You may also like...

More in Tamil

Trending

Recent

To Top