മുപ്പത്തിമൂന്നാം വിവാഹ വാര്‍ഷികം ആഘോഷിക്കുന്ന മോഹന്‍ലാലിനും സുചിത്രയ്ക്കും ആശംസകളുമായി പൃഥ്വിരാജ്

മോഹന്‍ലാലിനും സുചിത്രയ്ക്കും വിവാഹ വാര്‍ഷിക ആശംസകള്‍ അറിയിച്ച് പൃഥ്വിരാജ് സുകുമാരന്‍.

‘ഹാപ്പി ആനിവേഴ്‌സറി ചേട്ടന്‍ ആന്‍ഡ് ചേച്ചി’ എന്നാണ് പൃഥ്വി ചിത്രത്തോടൊപ്പം പങ്കുവെച്ചത്. ട്വിറ്ററിലൂടെയായിരുന്നു അദ്ദേഹം ആശംസകള്‍ അറിയിച്ചത്. ഇതിനു പിന്നാലെ നിരവധി പേരാണ് ആശംസകളുമായി എത്തിയത്.

മുപ്പത്തിമൂന്നാം വിവാഹ വാര്‍ഷികം ആഘോഷിക്കുന്ന മോഹന്‍ലാലും സുചിത്രയും 1988ലാണ് നടനും നിര്‍മാതാവുമായ കെ ബാലാജിയുടെ മകള്‍ സുചിത്രയെ വിവാഹം കഴിച്ചത്.

ജാതകപ്പൊരുത്തം ഇല്ലാത്തതിന്റെ പേരില്‍ ആദ്യം ഈ വിവാഹം വേണ്ടെന്ന് വെയ്ക്കുകയായിരുന്നു. എന്നാല്‍, പിന്നീട് രണ്ടു വര്‍ഷം കഴിഞ്ഞ് സുചിത്രയെ തന്നെ മോഹന്‍ലാല്‍ വിവാഹം കഴിക്കുകയായിരുന്നു.