മോഹന്‍ലാലിനെ പോലെയൊരു നടന്‍ ഇനി ഇവിടെ ജനിക്കാന്‍ പോകുന്നില്ല, ഞാന്‍ അദ്ദേഹത്തിന് കൊടുത്ത റോളുകളെല്ലാം വളരെ കഷ്ടപാട് നിറഞ്ഞതാണ്; തുറന്ന് പറഞ്ഞ് സംവിധായകന്‍ ഭദ്രന്‍

മോഹന്‍ലാല്‍ എന്ന നടനെപ്പോലെ മറ്റാരെയും കണ്ടിട്ടില്ലെന്ന് സൂപ്പര്‍ഹിറ്റ് സംവിധായകന്‍ ഭദ്രന്‍. അദ്ദേഹത്തെ വ്യത്യസ്തനാക്കുന്നത് ആരെയും അകറ്റിനിര്‍ത്തി പെരുമാറാന്‍ അറിയാത്ത അയാളിലെ വ്യക്തിത്വം ആണെന്നും അദ്ദേഹം പറഞ്ഞു.

” ഒരാളെ അകറ്റിനിര്‍ത്തി സംസാരിക്കാന്‍ മോഹന്‍ലാലിനു അറിയില്ല. അങ്ങനെയൊരു നടന്‍ ഇനി ഇവിടെ ജനിക്കാനും പോകുന്നില്ല!. ഞാന്‍ ചെയ്ത മോഹന്‍ലാല്‍ സിനിമകളിലെല്ലാം അദ്ദേഹത്തിന് കഷ്ടപ്പാട് നിറഞ്ഞ റോളുകളായിരുന്നു.

‘ഉടയോന്‍’ സിനിമയിലെയൊക്കെ മേക്കപ്പ് അത്രത്തോളം ബുദ്ധിമുട്ടുണ്ടാക്കുന്നതായിരുന്നു. മണിക്കൂറുകളോളം ആ മേക്കപ്പില്‍ തന്നെ അങ്ങനെ നില്‍ക്കണമായിരുന്നു.

ഒരു കുട്ടി ചോദിക്കുന്ന കൗതുകത്തോടെയാണ് മോഹന്‍ലാല്‍ ഉടയോന്‍ എന്ന സിനിമയിലെ വേറിട്ട സംഭാഷണ രീതിയെ കുറിച്ചൊക്കെ എന്നോട് ചോദിച്ചത് എന്നും അദ്ദേഹം പറഞ്ഞു.