മലയാളി പ്രേക്ഷകരുടെ മസിൽ അളിയനാണ് ഉണ്ണി മുകുന്ദൻ. ഒട്ടേറെ കഥാപാത്രങ്ങളിലൂടെ മലയാളം സിനിമയിൽ തന്റെ ഇടം ഉറപ്പിച്ച നടൻ. എന്നാൽ ഒരു സമയത്ത് താന്‍ സിനിമാഭിനയം നിര്‍ത്താന്‍ പോകുകയാണെന്ന് ഉണ്ണി മുകുന്ദന്‍ തന്നോട് പറഞ്ഞിരുന്നതായി നടന് കലാഭവന്‍ ഷാജോണ്‍. തനിക്ക് അഭിനയിക്കാന്‍ അറിയില്ലെന്നും അഭിനയം നിര്‍ത്താന്‍ പോകുകയാണെന്നും കരഞ്ഞുകൊണ്ട് ഉണ്ണി പറഞ്ഞിരുന്നു എന്നാണ് ഷാജോണ്‍ പറയുന്നത്.
മേപ്പടിയാന്‍ സിനിമയുടെ നൂറാം ദിന ആഘോഷത്തില്‍ പങ്കെടുത്ത് സംസാരിക്കുകയായിരുന്നു കലാഭവന്‍ ഷാജോണ്‍. സിനിമയില്‍ ഒരു പ്രധാന കഥാപാത്രമായി കലാഭവന്‍ ഷാജോണും എത്തിയിരുന്നു. ഷാജോണിന്റെ വാക്കുകൾ ഇങ്ങനെ.
”ഒരുപാട് സന്തോഷമുണ്ട്. ഉണ്ണി മുകുന്ദനൊപ്പം വളരെ കുറച്ച് സിനിമകളിലേ ഞാന്‍ അഭിനയിച്ചിട്ടുള്ളൂ. ഞാന്‍ ഉണ്ണിയെ ഏറ്റവും കൂടുതല്‍ അടുത്തറിയുന്നത് ഞങ്ങള്‍ ഒരുമിച്ച് ഒരു അമേരിക്കന്‍ ഷോയ്ക്ക് പോയപ്പോഴാണ്.
അവിടെ വെച്ചാണ് ഉണ്ണി മുകുന്ദന്‍ എന്താണ് എന്നുള്ളത് ഞാന്‍ ശരിക്കും മനസിലാക്കുന്നത്. നല്ലൊരു സുഹൃത്ത്, നല്ലൊരു മനുഷ്യന്‍. ഞങ്ങളൊരുമിച്ച കുറേ സ്റ്റേജുകളില്‍ പാട്ടും ഡാന്‍സും സ്‌കിറ്റുമായി അടിപൊളിയായി തകര്‍ത്ത മാസമായിരുന്നു.
അങ്ങനെ എപ്പോഴും ചിരിച്ചുകൊണ്ടിരിക്കുന്ന ഉണ്ണിയെ ഒരു ദിവസം വളരെ മൂഡ്ഓഫായി ഞാന്‍ കണ്ടു. പ്രോഗ്രാം കഴിഞ്ഞ് ഡിന്നര്‍ സമയത്ത് ഞാന്‍ അടുത്ത് ചെന്ന് കാര്യം ചോദിച്ചു. അപ്പോള്‍ ഉണ്ണി എന്നോട്, ചേട്ടാ ഞാന്‍ അഭിനയം നിര്‍ത്താന്‍ പോവാണ്, എന്ന് പറഞ്ഞു.
എന്തുപറ്റി എന്ന് ചോദിച്ചപ്പോള്‍, എനിക്ക് അഭിനയിക്കാനൊന്നും അറിയാന്‍ മേല ചേട്ടാ, ഞാന്‍ അഭിനയം നിര്‍ത്താന്‍ പോവാ, എന്ന് പറഞ്ഞു.അന്ന് ഉണ്ണിയുടെ ഒരു സിനിമ റിലീസ് ചെയ്തിരുന്നു, അതിന്റെ പേര് ഞാന്‍ പറയുന്നില്ല. അത് അത്ര വലിയ അഭിപ്രായം കിട്ടിയ ഒരു സിനിമയല്ല. അതിന്റെ വിഷമമായിരുന്നു. സത്യം പറഞ്ഞാല്‍ ഉണ്ണിയുടെ കണ്ണില്‍ നിന്നും കണ്ണുനീര് വരുന്നുണ്ടായിരുന്നു.
അന്ന് ഉണ്ണിയോട് എനിക്ക് തിരിച്ചൊന്നും പറയാന്‍ പറ്റിയില്ല. പക്ഷെ, ഇന്ന് എനിക്ക് പറയാനുണ്ട്. അടങ്ങാത്ത സ്വപ്‌നങ്ങളും മോഹങ്ങളും ആഗ്രഹങ്ങളുമൊക്കെയായി സിനിമക്ക് പിറകെ നടക്കുന്ന എല്ലാവര്‍ക്കും ഒരു ഇന്‍സ്പിരേഷനാണ് ഉണ്ണി മുകുന്ദന്‍.
മേപ്പടിയാന്‍ എന്ന സിനിമ ഒരുപാട് കാര്യങ്ങള്‍ അച്ചീവ് ചെയ്തു. അതിലൊക്കെ എന്നെ സന്തോഷിപ്പിക്കുന്നത് ഉണ്ണി അതിന്റെ പിറകെ ഓടിനടന്ന് എത്തിപ്പിടിച്ച വിജയമാണ്,” കലാഭവന്‍ ഷാജോണ്‍ പറഞ്ഞു.
about unni mukundan
മലയാളികള്ക്കേറെ പ്രിയങ്കരിയായ, മലയാളികളുടെ സ്വന്തം ഗായികയാണ് സുജാത. സോഷ്യല് മീഡിയയില് വളരെ സജീവമായ താരത്തിന്റെ വിശേഷങ്ങളെല്ലാം തന്നെ വളരെപ്പെട്ടെന്നാണ് വൈറലായി മാറുന്നത്....
പ്രേക്ഷകര്ക്കേറെ സുപരിചിതനാണ് ശാന്തിവിള ദിനേശ്. പലപ്പോഴും ദിലീപിന് വേണ്ടി ചാനല് ചര്ച്ചകളിലും യൂട്യൂബ് ചാനലുകളിലെല്ലാം ശാന്തിവിള ദിനേശ് എത്താറുണ്ട്. ഇപ്പോഴിതാ നടി...
സിനിമയില്‍ അഭിനയിച്ചിട്ടില്ലെങ്കിലും നടിമാരെ പോലെ തന്നെ ഏറ ആരാധകര്‍ ഉള്ള താരപുത്രിയാണ് മാളവിക ജയറാം. മാളവികയുടെ വിശേഷങ്ങള് അറിയാന്‍ ആരാധകര്ക്ക് താത്പര്യവും...
ദിലീപ് നായകനായെത്തിയ വിനീത് കുമാര്‍ ചിത്രമാണ് പവി കെയര് ടേക്കര്. ചിത്രം തിയേറ്ററുകളില് നിറഞ്ഞ സദസില് പ്രദര്ശനം തുടര്ന്നു കൊണ്ടിരിക്കുകയാണ്. കോമഡിയും...
മലയാളികളുടെ പ്രിയ നടിയാണ് മഞ്ജു വാര്യർ. മഞ്ജു വാര്യരുടെ മലയാള സിനിമയിലേക്കുള്ള തിരിച്ചുവരവ് മലയാളികൾ ആഘോഷമാക്കിയതും ആണ്. ഇപ്പോൾ സിനിമയിൽ സജീവമാണ്...
