പ്രമുഖ വ്യവസായി എംഎ യൂസഫലിക്ക് പിറന്നാൾ ആശംസയുമായി നടൻ മോഹൻലാൽ. ഫേസ്ബുക്കിലൂടെ ആയിരുന്നു താരത്തിന്റെ ആശംസ. താൻ കണ്ടിട്ടുള്ളതിൽ വച്ച് ദയയുള്ള, എളിമയുള്ള, പ്രചോദനം നൽകുന്ന വ്യക്തികളിൽ ഒരാളാണ് യൂസഫലിയെന്ന് മോഹൻലാൽ കുറിച്ചു.
‘ഞാൻ കണ്ടിട്ടുള്ളതിൽ വച്ച് ഏറ്റവും ദയയുള്ള, എളിമയുള്ള, പ്രചോദനം നൽകുന്ന വ്യക്തികളിൽ ഒരാൾക്ക്.നിങ്ങൾക്ക് എല്ലായ്പ്പോഴും നല്ല ആരോഗ്യവും സന്തോഷവും നേരുന്നു. ജന്മദിനാശംസകൾ യൂസഫ് അലി ഇക്ക… ദൈവം അനുഗ്രഹിക്കട്ടെ’, എന്നാണ് മോഹൻലാൽ കുറിച്ചത്.
ഈ വര്ഷം ഫോബ്സ് മാഗസിന് പ്രസിദ്ധീകരിച്ച ഇന്ത്യയിലെ അതിസമ്പന്നരുടെ പട്ടികയില് ഇടം നേടിയ ആറ് മലയാളികളില് ഒരാളാണ് യൂസഫലി. മുത്തൂറ്റ് ഫിനാന്സ് ചെയര്മാന് എം ജി ജോര്ജ് മുത്തൂറ്റും ലുലു ഗ്രൂപ്പ് ചെയര്മാന് യൂസഫ് അലിയുമാണ് പട്ടികയില് ഇടം നേടിയ മലയാളികളില് മുമ്പിലുള്ളത്.480 കോടി ഡോളറിന്റെ(35,500 കോടി) ആസ്തിയുമായി എം ജി ജോര്ജ് മുത്തൂറ്റ് ഫോബ്സ് പട്ടികയിലെ 26-ാം സ്ഥാനത്താണുള്ളത്. 445 കോടി ഡോളറിന്റെ(32,900 കോടി) ആസ്തിയുമായി എം എ യൂസഫ് അലി 29-ാം സ്ഥാനത്തുമാണുള്ളത്. പട്ടികയിലുള്ള മലയാളികളില് യൂസഫ് അലി മാത്രമാണ് വ്യക്തിഗത സമ്പാദ്യം കണക്കിലെടുത്ത് അതിസമ്പന്നരില് ഉള്പ്പെട്ടത്.
കഴിഞ്ഞ ദിവസമായിരുന്നു നടന് ദീപക് പറമ്പോലും നടി അപര്ണ ദാസും ഗുരുവായൂരമ്പലത്തില് വെച്ച് വിവാഹിതരായത്. അടുത്ത ബന്ധുക്കളും സുഹൃത്തുക്കളും മാത്രമാണ് ചടങ്ങില്...