‘ഈ സ്നേഹം വല്ലാതെ ഹൃദയത്തിൽ സ്പർശിച്ചു; വീണ്ടും ഞെട്ടിച്ച് മഞ്ജു; ചിത്രം വൈറൽ

മലയാളത്തിന്റെ ലേഡീ സൂപ്പര്‍സ്റ്റാര്‍ മഞ്ജു വാര്യര്‍ കഴിഞ്ഞ ദിവസമായിരുന്നു തന്റെ നാല്‍പത്തിമൂന്നാം ജന്മദിനം ആഘോഷിച്ചത്. ഇപ്പോഴും സോഷ്യല്‍ മീഡിയ പേജുകളില്‍ താരറാണിയ്ക്കുള്ള ആശംസാപ്രവാഹമാണ്. പിറന്നാൾ ആശംസകൾ നേർന്ന് കൊണ്ട് ആരാധകരും സഹപ്രവർത്തകരും സുഹൃത്തുക്കളും എല്ലാം രംഗത്ത് എത്തിയിരുന്നു

ഇപ്പോഴിതാ മഞ്ജു വാര്യർ ഏവർക്കും സ്നേഹത്താൽ നന്ദി കുറിക്കുകയാണ് . സുന്ദരമായി ചിരിച്ചുകൊണ്ടിരിക്കുന്ന ഒരു ചിത്രം പങ്കുവെച്ചുകൊണ്ടാണ് മഞ്ജുവാര്യരുടെ പോസ്റ്റ്.

കുറിപ്പിൻ്റെ പൂർണ്ണരൂപം ഇങ്ങനെയാണ്

‘ഈ സ്നേഹം വല്ലാതെ ഹൃദയത്തിൽ സ്പർശിച്ചു, എല്ലാവരോടും കൃതജ്ഞത രേഖപ്പെടുത്തുന്നു. ഇന്നും എന്നിലേക്ക് ഒഴുകിക്കൊണ്ടിരിക്കുന്ന എല്ലാ സ്നേഹവും അനുഗ്രഹങ്ങളും ആശംസകളും അതിശയിപ്പിക്കുകയാണ്. നിങ്ങളോരോരുത്തർക്കും തിരിച്ചും ഒരുപാട് സ്നേഹം നൽകുകയാണ്! രാജീവൻ ഫ്രാൻസിസാണ് വളരെ സ്നേഹത്തോടെ ഈ ചിത്രം പകർത്തിയത്.’

സാക്ഷ്യത്തിലൂടെ തുടക്കം കുറിച്ച മഞ്ജു വാര്യരുടെ സിനിമാജീവിതം മരക്കാറിലെത്തി നില്‍ക്കുകയാണ്. ഇടക്കാലത്ത് സിനിമയില്‍ നിന്നും മാറി നിന്നുവെങ്കിലും ശക്തമായ തിരിച്ചുവരവായിരുന്നു മഞ്ജു വാര്യര്‍ നടത്തിയത്. വ്യക്തി ജീവിതത്തിലെ പ്രതിസന്ധികളെ അതിജീവിച്ചതിനെക്കുറിച്ചുള്ള മഞ്ജു വാര്യരുടെ തുറന്നുപറച്ചില്‍ മുന്‍പ് വൈറലായി മാറിയിരുന്നു. ബോളിവുഡ് സിനിമയുടെ ചിത്രീകരണവുമായി ബന്ധപ്പെട്ട് ഭോപ്പാലിലാണ് മഞ്ജു വാര്യര്‍.

നാൽപ്പത്തിമൂന്നാം പിറന്നാളാഘോഷിക്കുന്ന മഞ്ജു വാര്യർ ഇത്തവണ ബോളിവുഡ് സിനിമാ സെറ്റിൽ വെച്ചാണ് പിറന്നാൾ കേക്ക് മുറിച്ചാഘോഷമാക്കി മാറ്റിയത്. ഇതിൻ്റെ ചിത്രങ്ങളും വീഡിയോകളുമൊക്കെ വൈറലായി മാറിയിട്ടുമുണ്ട്. നിരവധി സിനിമാ പ്രവർത്തകരാണ് മഞ്ജു വാര്യർക്ക് ആശംസകളറിയിച്ച് രംഗത്തെത്തിയത്. സിനിമയിലേക്ക് ഒരു ബ്രേക്കിന് ശേഷം വീണ്ടും മടങ്ങിയെത്തിയ മഞ്ജു ഇപ്പോഴും മലയാള സിനിമാലോകത്തെ ലേഡി സൂപ്പർസ്റ്റാറായുണ്ട്. മഞ്ജു അടുത്തിടെ ധനുഷ് ചിത്രം അസുരനിലൂടെ തമിഴിലും അരങ്ങേറി ഏറെ പ്രശംസ പിടിച്ചുപറ്റിയിരുന്നു.