അമ്മയുടെ ആ ആഗ്രഹം നിറവേറ്റാൻ സാധിച്ചു; കുറിപ്പുമായി മനീഷ

ഗായികയായും നടിയായും മലയാളികളുടെ പ്രിയ താരമാണ് മനീഷ. തട്ടീം മുട്ടീം ഹാസ്യ പരമ്പരയിൽ വാസവദത്ത എന്ന കഥാപാത്രത്തിലൂടെയാണ് മനീഷയെ പ്രേക്ഷകർ ശ്രദ്ധിച്ച് തുടങ്ങിയത്. മനീഷയോടൊപ്പം തന്നെ താരത്തിന്റെ മകളും മിനിസ്ക്രീൻ രംഗത്ത് ചുവടുറപ്പിച്ചു

ഇപ്പോൾ ഇതാ തന്റെ ജീവിതത്തിലെ സന്തോഷം പങ്ക് വയ്ക്കുന്ന മനീഷ ഇപ്പോൾ ജീവിതത്തിലെ ഏറ്റവും സങ്കടം നിറഞ്ഞ കാര്യത്തെകുറിച്ചാണ് സംസാരിക്കുന്നത്. തന്റെ അമ്മയുടെ വേർപാടിനെകുറിച്ചും അവസാനകാലത്ത് അമ്മയുടെ ആഗ്രഹം സഫലീകരിച്ചുകൊടുക്കാൻ തനിക്ക് കഴിഞ്ഞതായും മനീഷ പോസ്റ്റിലൂടെ പറയുന്നു.

മനീഷയുടെ വാക്കുകൾ

എന്റമ്മ … എന്റെ പൊന്നമ്മ … അവസാന നാളിൽ പ്രിയപ്പെട്ട തൃശ്ശൂരിൽ അമ്മേടെ കുഞ്ഞിന്റടുത്തു കിടന്ന് അമ്മ മരിച്ചു .. ഏതോ നിയോഗം പോലെ കൊറോണ കാലത്തു തിരക്കുകളൊന്നും ഇല്ലാതെ എന്റമ്മേന്റെ അടുത്ത് തന്നെ നിൽക്കാനും അമ്മേനെ ശുശ്രൂഷിക്കാനും എനിക്കോരു ഭാഗ്യം ണ്ടായി ..

അമ്മയുടെ എന്നത്തേയും പ്രിയപ്പെട്ട കൂട്ടുകാർ അമ്മയുടെ അനിയത്തിമാർ തന്നെയാണ് ….അവരെ കൂടെ കൂട്ടാനും അവർക്കൊപ്പമിരിക്കാനുമാണ് എന്റമ്മ എന്നും ആഗ്രഹിച്ചത് .. പ്രിയപ്പെട്ട ഇടം തൃശ്ശൂരും (അമ്മ കളിച്ചുവളർന്ന ഇടം ) ..

അതുകൊണ്ടു തന്നെ അവസാന നാളുകളിൽ തൃശ്ശൂർ വരണം എന്ന അമ്മയുടെ ആഗ്രഹം ഞങ്ങൾ മക്കൾക്ക് നിറവേറ്റിക്കൊടുക്കാൻ സാധിച്ചത് ഞങ്ങൾക്ക് ദൈവം കനിഞ്ഞു നൽകിയ വരമായി കരുതുന്നു .. ഒപ്പം എന്റമ്മയെ അത്രകണ്ട് ഗുരുവായൂരപ്പനും വടക്കുംനാഥനും പാറമേക്കാവിലമ്മയും സ്നേഹിക്കുന്നുണ്ട് എന്നതും കൂടിയാണ് ..

തൃശൂരിന്റെ കാറ്റിനൊപ്പം എന്റമ്മയുടെ എന്നത്തേയും സ്നേഹവും എന്നെ വലയം ചെയ്തുനിൽപ്പുണ്ട് .. അമ്മയുടെ വിളിപോലെ ആണ്‌ എനിക്കിപ്പോ സുമചെറിയമ്മേടെ ഈ പോസ്റ്റ് കണ്ടപ്പോ തോന്നിയത്