ഞാൻ ആ രാത്രി പുറത്തിറങ്ങി ഉറക്കെ നിലവിളിച്ചു കരഞ്ഞു ; അവൻ എന്നെ ചതിച്ചു എന്ന് മാത്രം ഞാൻ പറഞ്ഞു, എന്റെ കണ്ണിൽ നിന്ന് ഒഴുകിയത് ചോരയായിരുന്നു ; നികേഷ് സോനുവിന്റെ വാക്കുകൾ വൈറലാകുന്നു !

കേരളത്തിലെ ആദ്യത്തെ സ്വവർഗ ദമ്പതികളാണ് നികേഷും സോനുവും. അപമാനിച്ചവർക്ക് മുൻപിൽ തല ഉയർത്തിപ്പിടിച്ച് ജീവിച്ചു ലോകത്തിനു തന്നെ മാതൃകയായതാണ് ഇരുവരുടെയും ജീവിതം. 2018 ജൂലൈ 5ന് ആയിരുന്നു ഇരുവരും വിവാഹിതരായത്. അടുത്തടിയെയാണ് മൂന്നാം വിവാഹവാർഷികം സോനുവും നികേഷും ആഘോഷിച്ചത്.

ആദ്യം വീട്ടുകാർ എതിർത്തെങ്കിലും പിന്നീട് ഇരുവരുടെയും കുടുംബം ബന്ധത്തെ അംഗീകരിക്കുയായിരുന്നു. വിവാഹം നിയമവിധേയമാക്കൽ ഉൾപ്പെടെയുള്ള ലൈംഗിക ന്യൂനപക്ഷങ്ങളുടെ അവകാശങ്ങൾക്കായുള്ള പോരാട്ടം തുടരുകയാണ് ഇപ്പോഴും ഇവർ. ഇപ്പോൾ ഇരുവരും പങ്കിട്ട ഒരു പോസ്റ്റാണ് വൈറലായി മാറുന്നത്.

നികേഷ് ഉഷാ പുഷ്കരൻ ബിസിനസ്സകാരനും എം.എസ് സോനു ബിപിഒയിൽ സീനിയർ കൺസൽറ്റൻഡുമായിരുന്നു. ഒരു ഗേ ഡേറ്റിങ് ആപ് വഴിയാണ് ഇവർ കണ്ടുമുട്ടുന്നത്. പിന്നീട് പ്രണയത്തിലാവുകയും വിവാഹിതരാകാൻ തീരുമാനിക്കുകയുമായിരുന്നു.

അമ്മയെ ആദ്യമായി ഞാൻ കെട്ടിപിടിക്കുന്നത് 14 വർഷം പ്രാണനെ പോലെ സ്നേഹിച്ച എന്റെ എക്സ് പാർട്ണർ, ഞാൻ എന്റെ വീട്ടിൽ വന്ന ഒരു ദിവസം, രാത്രി 10 മണിക്ക് വിളിച്ച് നമ്മളെ ഒരുമിച്ചു ജീവിക്കാൻ ഈ നാട്ടുകാരും വീട്ടുകാരും സമ്മതിക്കില്ല അത് കൊണ്ട് നമുക്ക് പിരിയാം എന്ന് പറഞ്ഞ് ഫോൺ കട്ട് ചെയ്ത ദിവസമാണ്.ഭൂമി പിളർന്നു പോകുന്നത് പോലെയാണ് അന്ന് എനിക്ക് തോന്നിയത്.

ഞാൻ ആ രാത്രി പുറത്തിറങ്ങി ആകാശത്തേക്കു നോക്കി ഉറക്കെ നിലവിളിച്ചു കരഞ്ഞു…എന്റെ കരച്ചിൽ കേട്ട് പേടിച്ചു അടുത്തേക്ക് വന്ന അമ്മയെ അന്ന് ആദ്യമായി ഞാൻ കെട്ടി പിടിച് കരഞ്ഞു…അവൻ എന്നെ ചതിച്ചു അമ്മ എന്ന് മാത്രം ഞാൻ പറഞ്ഞു…എന്റെ കണ്ണിൽ നിന്ന് ഒഴുകിയത് ചോരയായിരുന്നു അപ്പോൾ…

അന്ന് അമ്മ എന്നോട് പറഞ്ഞു നമ്മുടെ കൂടെ ഉള്ളവർ നമ്മളെ വിട്ടു പോയാലും നമ്മൾ ജീവിക്കണം എന്ന്…അന്ന് അമ്മയെ കെട്ടി പിടിച്ചപ്പോൾ എനിക്ക് കിട്ടിയ ആശ്വാസവും അമ്മയുടെ വാക്കുകളും ആണ് പിന്നീട് എന്നെ വീണ്ടും ജീവിതത്തിലേക്ക് കൈ പിടിച് ഉയർത്തി കൊണ്ട് വന്നത്

ഇന്ന് എന്റെ പാർട്ണർ സോനുവിന്റെ കൂടെയും അമ്മയുടെ കൂടെയും നിൽകുമ്പോൾ പറഞ്ഞറിയിക്കാൻ പറ്റാത്ത സന്തോഷം ആണ്…ആരൊക്കെ തളർത്താൻ നോക്കിയാലും ഞാൻ തളരില്ല…മുൻപോട്ട് തന്നെ’എന്ന് പറഞ്ഞുകൊണ്ടാണ് നികേഷ് സോനു പോസ്റ്റ് അവസാനിപ്പിക്കുന്നത്.

about sikesh sonu