ഹിതാര്, ഗിരിരാജന്‍ കോഴിയോ ? ; ഒറ്റ നോട്ടത്തില്‍ ഞെട്ടിപ്പിക്കുന്ന ലുക്കില്‍ ഷറഫുദ്ദീന്‍; കട്ടക്കലിപ്പനെ ട്രോളി ആരാധകർ !

കോമഡി നടനായി മലയാള സിനിമാ ലോകത്തേക്ക് കാലെടുത്തു വച്ച് വളരെപെട്ടെന്നുതന്നെ കട്ട വില്ലനായി മാറി എല്ലാവരേയും ഞെട്ടിച്ച താരമാണ് ഷറഫുദ്ദീന്‍. 2013 ല്‍ അല്‍ഫോണ്‍സ് പുത്രന്‍ സംവിധാനം ചെയ്ത നേരത്തിലൂടെയായിരുന്നു ഷറഫുദ്ദീൻ സിനിമയിലേക്ക് അരങ്ങേറ്റം കുറിച്ചത് . പിന്നീട് ഓം ശാന്തി ഓശാനയിലും അഭിനയിച്ചു.

എന്നാൽ, ഷറഫുദ്ധീൻറെ കരിയര്‍ മാറി മറിയുന്നതോട് അല്‍ഫോണ്‍സ് പുത്രനും നിവിന്‍ പോളിയും വീണ്ടും ഒരുമിച്ച പ്രേമത്തിലൂടെയാണ്. ചിത്രത്തിലെ ഗിരിരാജന്‍ കോഴി എന്ന കഥാപാത്രം ഷറഫൂദീനെ താരമാക്കി മാറ്റുകയായിരുന്നു. സോഷ്യൽ മീഡിയയിലെ നിറസാന്നിധ്യമാണ് ഷറഫുദ്ദിൻ. ഇപ്പോഴിതാ ഷറഫുദ്ദിൻ്റെ പുത്തൻ ലുക്കിലുള്ള ഒരു ചിത്രമാണ് തരംഗമായി മാറിയിരിക്കുന്നത്.

ഏതു വേഷവും തൻ്റെ പക്കൽ സുരക്ഷിതമാണെന്ന് ഇതിനോടകം തെളിയിച്ചു കഴിഞ്ഞ നടൻ്റെ പുത്തൻ ലുക്ക് കണ്ട് ആരാധകർ ചോദിക്കുന്നത് ഇതാര് ഗിരിരാജൻ കോഴിയാണോ എന്നാണ്. ഒറ്റനോട്ടത്തിൽ ആരാധകരെ ഞെട്ടിക്കുന്ന ലുക്കിലാണ് ഷറഫുദ്ദിൻ പ്രത്യക്ഷപ്പെട്ടിരിക്കുന്നതെന്നാണ് ആരാധകരൊന്നടങ്കം പറയുന്നത്.

മുടിയും താടിയും മീശയുമൊക്കെ നീട്ടി വളർത്തി വേറിട്ടൊരു ലുക്കിലാണ് താരം പ്രത്യക്ഷപ്പെട്ടിരിക്കുന്നത്. തികച്ചും വ്യത്യസ്തമായ മുഖഭാവത്തിലാണ് ഷറഫുദ്ദീൻ പുത്തൻ ചിത്രത്തിൽ പ്രത്യക്ഷപ്പെട്ടിരിക്കുന്നത്. ഹാപ്പി വെഡ്ഡിങ്, പാവാട, കാര്‍ബണ്‍, പ്രേതം തുടങ്ങിയ സിനിമകളിലൂടെ ഹാസ്യകഥാപാത്രമായി തിളങ്ങിയ ഷറഫുദ്ദീൻ ഇപ്പോൾ എല്ലാത്തരത്തിലുള്ള കഥാപാത്രങ്ങളെയും ഭംഗിയായി അവതരിപ്പിക്കാറുണ്ട്.

ഹാസ്യ കഥാപാത്രങ്ങളില്‍ സ്ഥിരമായി എത്തിക്കൊണ്ടിരിക്കെയാണ് വരത്തനിലെ വില്ലനായി വരുന്നത്. അതോടെ പ്രേക്ഷകര്‍ അക്ഷരാര്‍ത്ഥത്തില്‍ ഞെട്ടിയിരുന്നു. വരത്തനിലെ വില്ലന്‍ വേഷത്തിന് ശേഷം ഷറഫുദ്ദീന്‍ വീണ്ടും ഞെട്ടിച്ച വേഷമായിരുന്നു അഞ്ചാം പാതിരയിലേത്. ഡോക്ടര്‍ ബെഞ്ചമീന്‍ ലൂയിസായെത്തിയ താരത്തിന്റെ പ്രകടനത്തിന് ആരാധകരും നിരൂപകരും ഒരുപോലെ കെെയ്യടിക്കുകയായിരുന്നു.

പിന്നീട് ആർക്കറിയാം എന്ന ഹിറ്റ് ചിത്രത്തിലെ ഗൌരവക്കാരനായ കഥാപാത്രമായും ഷറഫുദ്ദീൻ വലിയ കൈയ്യടി നേടിയിരുന്നു. 2015 ലായിരുന്നു ഷറഫുദ്ദീൻ്റെ വിവാഹം. ബീമയാണ് ഭാര്യ. രണ്ട് പെൺമക്കളാണ് ഇവർക്കുള്ളത്. മക്കളുമൊത്തുള്ള രസകരമായ നിമിഷങ്ങള്‍ താരം സോഷ്യല്‍ മീഡിയയിലൂടെ പങ്കുവയ്ക്കാറുണ്ട്.

about sharafudheer