ട്രാൻസ് എന്നാൽ സെക്സ് വർക്കർ എന്നല്ല; ആണിൽ നിന്നും പെണ്ണിലേക്ക് ; ഇതുവരെ നാല് ശസ്ത്രക്രിയകൾ; ഇന്ന് ചിന്തിക്കുമ്പോൾ അത് മോശമായി തോന്നുന്നുണ്ട് ; പക്ഷെ വെറുക്കുന്നില്ല ; അവിശ്വസനീയമായ സീമ വിനീതിന്റെ ജീവിതം!

ട്രാൻസ്‌ജെൻഡർ കമ്മ്യൂണിറ്റിയിൽ നിന്നും സ്വപ്രയത്നം കൊണ്ട് സെലിബ്രിറ്റി മേക്കപ്പ് ആർട്ടിസ്റ്റ് എന്ന നിലയിൽ പ്രശസ്തയായ താരമാണ് സീമ വിനീത്. സമൂഹത്തിന്റെ മുഴുവൻ കൈയ്യടി വാങ്ങിയ സീമയുടെ വർഷപൂജയുടെ ചിത്രങ്ങൾ സോഷ്യൽ മീഡിയയിൽ വൈറൽ ആയിരുന്നു.

ഒരു വര്‍ഷം മുന്‍പാണ് സീമയുടെ ശസ്ത്രക്രിയ കഴിഞ്ഞത്. ശസ്ത്രക്രിയ കഴിഞ്ഞ് ഒരു വര്‍ഷം തികഞ്ഞപ്പോഴാണ് വർഷപൂജ നടത്തി താൻ പൂര്‍ണ്ണമായി സ്ത്രീയായി മാറിക്കഴിഞ്ഞെന്ന് ലോകത്തോട് താരം വിളിച്ചു പറയുന്നത്. അടുത്തിടെ കൂടുതൽ ശസ്ത്രക്രിയയിലൂടെ പെൺഭാവങ്ങൾ സീമ വീണ്ടെടുക്കുകയും ചെയ്‌തു.സോഷ്യൽ മീഡിയയിലും ഏറെ സജീവമായ സീമയുടെ നമ്മൾ ഇന്ന് കാണുന്ന നിലയിലേക്കുള്ള യാത്ര വിശദമായി കേൾക്കാം..

സീമ വിനീത് എന്ന പേരിനൊപ്പമുള്ള വിനീത് ഹസ്ബെന്റാണോ അച്ഛനാണോ എന്ന അവതാരകന്റെ ചോദ്യത്തിൽ നിന്നുമാണ് താരം സംസാരിച്ചു തുടങ്ങിയത്.. വിനീത് ഞാൻ തന്നെയാണ്. അച്ഛനും അമ്മയും എനിക്ക് ഇട്ട പേരാണ് വിനീത്. അതിൽ നിന്നുമാണ് സീമ വിനീത് ആയി മാറിയത്.

എനിക്ക് ഞാൻ തന്നെ പേര് കണ്ടെത്തിയപ്പോൾ അച്ഛനും അമ്മയും കണ്ടുപിടിച്ച പേര് എന്റെ പുതിയ പേരിനൊപ്പം ചേർക്കുകയായിരുന്നു. അവരെ ഞാൻ അത്രയധികം ബഹുമാനിക്കുകയും സ്നേഹിക്കുകയും ചെയ്യുന്ന ആളാണ്. ഒരുപാട് ആളുകൾ ഈ സംശയം ചോദിച്ചിട്ടുണ്ട്.

ഇന്ന് കാണുന്ന നിലയിലേക്കുള്ള യാത്ര വളരെ കഠിനം തന്നെ ആയിരുന്നു. അത് ആലോചിക്കുമ്പോൾ തന്നെ എനിക്ക് മുമ്പോട്ടുള്ള യാത്രക്കുള്ള ബലവും കൂടും. ഞാൻ ഇത്രയൊക്കെ കടന്നുവന്നപ്പോൾ ഇനിയുള്ള യാത്രയിൽ എനിക്ക് പോകാൻ ഈസിയാണ്. ഇങ്ങോട്ടുള്ള എന്റെ യാത്രയാണ് ഏറ്റവും കൂടുതൽ പരുക്കൻ ആയിരുന്നത്.

എല്ലാവര്ക്കും ഈ ട്രാൻസ് എന്ന് കേൾക്കുമ്പോൾ ഈ സെക്സ് വർക്കേഴ്സിനെയാണ് ഓർമ്മ വരിക. ഞാൻ അത്ര വിദ്യാഭ്യാസ യോഗ്യത ഉള്ള ആളൊന്നും അല്ല. എങ്കിലും എനിക്ക് തന്നെ വളർന്നുവരാനുള്ള സാഹചര്യം ഞാൻ തന്നെ ക്രിയേറ്റ് ചെയ്യുകയായിരുന്നു.

ട്രാൻസ്‌ കമ്മ്യൂണിറ്റി എന്ന് പറയുന്നത് തന്നെ മഴവിൽ നിറം പോലെയാണ്. ഒരുപാട് നിറങ്ങൾ ചേർന്ന ഒരു സമൂഹം. അതിൽ മെയിൽ റ്റു ഫീമെയിൽ ഉണ്ട്. ഫീമെയിൽ റ്റു മെയിൽ ഉണ്ട്. പിന്നെ ഗേസ് ഉണ്ട്. ലെസ്ബിയൻസ്, ഇന്റർ സെക്സ്, പിന്നെ ഐഡന്റിഫൈ ചെയ്യാത്ത ഒരു വിഭാഗം ഉണ്ട്. ഒരുപാട് ആളുകൾ രൂപാന്തരപ്പെട്ടുകൊണ്ട് ഇരിക്കുകയാണ് ഇപ്പോഴും. അവർ എല്ലാം കൂടി ചേർന്നൊരു സമൂഹം ആണ് ട്രാൻസ്. ഞാൻ എന്ന് പറയുന്ന ആള് മെയിലിൽ നിന്നും ഫീമെയിൽ ആയ ഒരു വ്യക്തിയാണ്. അത് വളരെ ബുദ്ധിമുട്ടേറിയ സംഗതിയാണ്.

മെയിലിൽ നിന്നും ഫീമെയിൽ ആവാനുള്ള യാത്ര ഒരുപാട് ബുദ്ധിമുട്ടേറിയതാണ്. ഞാൻ തന്നെ ഒരു നാലോളം സർജറികൾ ചെയ്തിട്ടുണ്ട്. ഇനിയും ചെയ്യാനുണ്ട് ഒരുപാട് കാര്യങ്ങൾ. ഇതേപോലെ തന്നെയാണ് ഫീമെയിലിൽ നിന്നും മെയിൽ ആവുക എന്നുള്ളതും. മറ്റുള്ളവർക്ക് അത്ര പ്രശ്നം ഇല്ല

തീർച്ചയായും പ്രണയം ഉണ്ടായിട്ടുണ്ട്. ഒന്നും രണ്ടും വർഷം ഒന്നുമല്ല. ഒരു എട്ടുവര്ഷക്കാലം പ്രണയിച്ചിട്ടുണ്ട്. പുള്ളിക്കാരൻ മെഡിക്കൽ ഫീൽഡിൽ ഉള്ള ആളാണ്. ആദ്യം കാണാതെ ആയിരുന്നു സംസാരം. പിന്നീടാണ് കാണുന്നത്. അതും കഴിഞ്ഞു രണ്ടുവർഷം കഴിഞ്ഞപ്പോഴാണ് ഞാൻ അറിയുന്നത് പുള്ളിക്കാരൻ വിവാഹിതൻ ആണ് എന്ന്. അന്ന് ഞാൻ ഒരു ചെറിയ കുട്ടിയായിരുന്നു, കാര്യങ്ങൾ ഒന്നും മനസിലാക്കാൻ ആകാത്ത പക്വത കുറഞ്ഞ പ്രായം ആയിരുന്നു. അന്നെനിക്ക് ഒരു പതിനെട്ടോ പത്തൊൻപതോ ആയിരുന്നു പ്രായം.

സ്റ്റേജ് ഷോയൊക്കെ നടക്കുന്ന സമയത്താണ് കാണുന്നതും പരിചയപ്പെടുന്നതും. എന്നാൽ രണ്ടുവർഷം കഴിഞ്ഞപ്പോഴാണ് പറയുന്നത് ഞാൻ വിവാഹിതൻ ആണ് കുട്ടികൾ ഉണ്ട്, മറച്ചുവച്ചതാണ് എന്ന്. അപ്പോൾ അത് വലിയ ഷോക്കിങ് ആയിരുന്നു. എന്നാലും ആ പ്രായത്തിൽ എനിക്ക് എന്ത് വേണം എന്നറിയാൻ പോലും പറ്റാത്തസമയം .

എല്ലാവരും ഒപ്പോസ് ചെയ്തിരിക്കുന്ന ഒരു സമയം കൂടി ആയിരുന്നു അത്. അപ്പോൾ വേറെ ഒരു സ്ഥലത്തുനിന്നും സ്നേഹവും കെയറും കിട്ടുമ്പോൾ അങ്ങോട്ടെ പോകൂ. അവർ വെറുത്താലും ആ സ്നേഹത്തിനു വേണ്ടി എന്തും ചെയ്യുന്ന സമൂഹം ആണ് ട്രാൻസ്. ഇന്ന് ചിന്തിക്കുമ്പോൾ അത് മോശം ആണ് എന്ന് ഞാൻപറയും.

ഒരിക്കലും അതൊരു ചൂഷണം അല്ല. ഞാൻ കണ്ടതിൽ വച്ചേറ്റവും നല്ല വ്യക്തിത്വം ആരാണ് എന്ന് ചോദിച്ചാൽ ഞാൻ ഇന്നും അദ്ദേഹത്തെ പറയും. കാരണം എന്നെ മോഡുലേറ്റ് ചെയ്തെടുത്തത് അദ്ദേഹമാണ്. ശരിക്കും പറഞ്ഞാൽ നല്ലത്, ചീത്ത എന്നുള്ള കാര്യങ്ങൾ വരെ പറഞ്ഞു തന്നിരുന്നു. ഒരു അച്ഛനെ പോലെ നല്ലൊരു സുഹൃത്തിനെ പോലെ, ചേട്ടനെ പോലെ അങ്ങനെ നല്ല കാര്യങ്ങൾ ഒരുപാട് പറഞ്ഞു തന്നിട്ടുണ്ട്. ഒരു സെക്സ്ഷുവൽ ബന്ധത്തിന് അപ്പുറം നല്ലൊരു ഗാഢമായ ബന്ധം ആയിരുന്നു അത്.

പുള്ളിയുടെ ഒപ്പമുള്ള സമയം ഞാൻ ശസ്ത്രക്രിയക്ക് പോയിരുന്നില്ല. അദ്ദേഹം മെഡിക്കൽ ഫീൽഡിൽ ഉള്ള ആളായിരുന്നതുകൊണ്ടുതന്നെ അദ്ദേഹം അതിലേക്ക് വിട്ടിരുന്നില്ല എന്നു സീമ പറയുമ്പോൾ . ഇനിയൊരു വിവാഹത്തെ കുറിച്ചുള്ള ചിന്ത എന്താണ് എന്ന് അവതാരകൻ ചോദിക്കുന്നുണ്ട്. എന്നാൽ തന്റെ കുടുംബത്തെയും തന്നെയും ട്രാൻസ് സമൂഹത്തെയും മനസിലാകുന്ന ഒരാൾ അതിപ്പോൾ വിവാഹം എന്നല്ല ലിവിങ് റിലേഷൻ ആയാലും താൻ ആക്സപ്റ്റ് ചെയ്യും എന്നാണ് സീമ മറുപടി നൽകിയത്.

about seema vineeth