ദിലീപേട്ടാ ഒന്ന് ചിരിച്ചേ……. ചിത്രം പങ്കുവെച്ച് ബിഗ് ബോസ് താരം അഖിൽ മാരാർ

ദിലീപിനും കുടുംബത്തിനൊപ്പമുള്ള ചിത്രം പങ്കുവെച്ച് ബിഗ് ബോസ് താരം അഖിൽ മാരാർ. ചിത്രം വൈറലായി മാറുകയാണ്. അഖിൽ മാരാർ ദുബായിലേക്കുള്ള യാത്ര വേളയിലാണ് ദിലീപിനെയും കുടുംബത്തെയും കണ്ടുമുട്ടുന്നത്. ദിലീപും മീനാക്ഷിയും അവിടേക്കുള്ള യാത്ര ആണോ എന്ന കാര്യത്തിൽ വ്യക്തത ഇല്ല. മീനാക്ഷിയെ ഇങ്ങനെ നിറഞ്ഞ ചിരിയോടെ കണ്ടിട്ടില്ല എന്നാണ് ആരാധകർ പറയുന്നത്.

തന്റെ ദുബായ് യാത്രയെക്കുറിച്ചുള്ള അനുഭവം അഖിൽ ഒരു വീഡിയോയിലൂടെ പറയുന്നുണ്ട്. ജീവിതത്തിൽ എന്തെങ്കിലും ഒക്കെ ആകണം എന്ന് ആഗ്രഹിച്ച തന്നെ കുറിച്ചാണ് അഖിൽ സംസാരിക്കുന്നത്.

“കുറെ ആളുകളുടെ പരിഹാസം ഒക്കെ കേൾക്കേണ്ടി വന്ന ഒരു കാലം ഉണ്ടായിരുന്നു. പണ്ടൊരിക്കൽ ഉദ്‌ഘാടനത്തിനു വേണ്ടി കൊച്ചിയിൽ നിന്നും ഇത്പോലെ യാത്രയായി. അവിടെ ആകെ പറഞ്ഞത് എന്റെ വണ്ടിക്കൂലിയുടെ പൈസ തരണം എന്നാണ്. എന്നാൽ അതുപോലും തരാതെ പങ്കെടുത്ത ഒരുപാട് പരിപാടികൾ ഉണ്ടായിട്ടുണ്ട്.

ഒരുപാട് പരിപാടികളിൽ നിന്നും ഒഴിവാക്കപ്പെട്ടിട്ടുണ്ട്. ഒരു ക്ലബിൽ പോലും എന്നെ പരിപാടികളിൽ വിളിച്ചിട്ടില്ല. അന്നൊന്നും കിട്ടാതിരുന്ന ഒരുകാലഘട്ടത്തിൽ നിന്നും ഇന്ന് ബിസിനെസ്സ് ക്ളാസ്സിലാണ്‌ ഞാൻ യാത്ര ചെയ്യുന്നത്. ഞാൻ ചോദിച്ച പൈസയും തന്ന് ഷാർജയിലേക്ക് ആണ് എന്നെ വിളിച്ചിരിക്കുന്നത്. എനിക്ക് ഒരു വലിയ അഭിമാനം പേഴ്സണലായി തോന്നുന്നു”, അഖിൽ പറഞ്ഞു.