ആ തിരഞ്ഞെടുപ്പ് കഴിഞ്ഞിട്ട് ഇന്നേക്ക് ഒരു വര്‍ഷമായി; പതിനാറു വര്‍ഷത്തെ സിനിമാജീവിതത്തില്‍ അംഗീകാരങ്ങള്‍ കിട്ടാതിരുന്ന അവസരങ്ങളില്‍ മനസ്സ് മടുത്തിട്ടില്ല അതുകൊണ്ട് തന്നെ ഒരു അംഗീകാരം കിട്ടിയപ്പോള്‍ അതിലൊരിക്കലും മതിമറന്നു പോയിട്ടുമില്ല; മണിക്കുട്ടൻ !
മലയാളികളുടെ പ്രിയപ്പെട്ട റിയാലിറ്റി ഷോയാണ് ബിഗ്ബോസ് മലയാളം .ബിഗ്ഗ് ബോസ് മലയാളത്തില്‍ അങ്ങനെ നാല് സീസണുകള്‍ പൂര്‍ത്തിയാക്കി. പൂര്‍ണമായും പൂര്‍ത്തിയാക്കിയത് ഒന്നും നാലും സീസണുകള്‍ ആണെന്ന് പറയാം. രണ്ടാം സീസണില്‍ വിജയ് യെ പ്രഖ്യാപിച്ചിരുന്നില്ല. മൂന്നാം സീസണില്‍ ഷോ പിരിച്ചുവിട്ട ശേഷം പ്രേക്ഷകരുടെ വോട്ടിങിലൂടെയാണ് വിജയ് യെ തിരഞ്ഞെടുത്തത്. അങ്ങനെ തിരഞ്ഞെടുക്കപ്പെട്ട വിജയിയായിരുന്നു മണിക്കുട്ടന്‍. അതെ ആ തിരഞ്ഞെടുപ്പ് കഴിഞ്ഞിട്ട് ഇന്നേക്ക് ഒരു വര്‍ഷമായി. സന്തോഷം പങ്കുവച്ച് ആരാധകരുടെ സ്വന്തം എംകെ ഇന്‍സ്റ്റഗ്രാമില്‍ എത്തി.
‘പ്രേക്ഷകരുടെ മുന്നില്‍ ബിഗ്ബോസ് സീസണ്‍ 3 വിന്നര്‍ ആയിട്ട് ഇന്നു ഒരു വര്‍ഷം തികയുകയാണ്. പ്രിയപ്പെട്ട പ്രേക്ഷകരുടെ മനസ്സിന്റെ നന്മയുടെ വിജയമായി അന്നും ഇന്നും ഞാന്‍ അതിനെ കാണുന്നു. പതിനാറു വര്‍ഷത്തെ സിനിമാജീവിതത്തില്‍ അംഗീകാരങ്ങള്‍ കിട്ടാതിരുന്ന അവസരങ്ങളില്‍ മനസ്സ് മടുത്തിട്ടി ല്ല അതുകൊണ്ട് തന്നെ ഒരു അംഗീകാരം കിട്ടിയപ്പോള്‍ അതിലൊരിക്കലും മതിമറന്നു പോയിട്ടുമില്ല.
അഭിനയവിദ്യാര്‍ഥിയായ എനിക്ക് ഇനിയും മുമ്പത്തെക്കാള്‍ ഒരുപാട് അധ്വാനത്തിലൂടെ മുന്നോട്ട് യാത്ര ചെയ്യാനുണ്ട്. നിങ്ങളുടെ ജീവിതത്തിന്റെ തിരക്കുകള്‍ക്ക് ഇടയില്‍ തുടര്‍ന്നും സ്നേഹവും പ്രാര്‍ത്ഥനയും അനുഗ്രഹവും ഉണ്ടാകണം- സ്വന്തം എംകെ’ എന്നാണ് മണിക്കുട്ടന്റെ പോസ്റ്റ്.
അനൂപ്, അശ്വിന് വിജയ് തുടങ്ങിയവര്‍ ഫോട്ടോയ്ക്ക് കമന്റ് എഴുതി എത്തിയിട്ടുണ്ട്. ഇതുവരെയുള്ള ബിഗ്ഗ് ബോസ് ടൈറ്റില്‍ വിന്നറില്‍ ഏറ്റവും നല്ല മനുഷ്യന്‍ എന്നാണ് മണിക്കുട്ടന്റെ ഈ ഫോട്ടോയ്ക്ക് തൊ ഒരാള്‍ കമന്റ് എഴുതിയത്. അഭിപ്രായ വ്യത്യാസങ്ങളില്ലാതെ എല്ലാവരും അംഗീകരിച്ച വിജയമായിരുന്നു ബിഗ്ഗ് ബോസ് സീസണ്‍ 3
കൊവിഡ് പശ്ചാത്തലത്തില്‍ ആണ് ബിഗ്ഗ് ബോസ് സീസണ്‍ ത്രിയും പിരിച്ചുവിട്ടത്. നേരത്തെ മണിക്കുട്ടനെ ഇഷ്ടപ്പെടുന്ന ഒരു കൂട്ടം ആളുകളുണ്ടായിരുന്നു, ബിഗ്ഗ് ബോസിലെ മണിക്കുട്ടന്റെ പ്രകടനം കൂടെയായപ്പോള്‍ ആരാധകര്‍ കൂടി. ഷോയില്‍ സൂര്യയ്ക്ക് മണിക്കുട്ടനോട് തോന്നിയ ഇഷ്ടം എല്ലാം കണ്ടന്റുകള്‍ ക്രിയേറ്റ് ചെയ്തിരുന്നു. ആ പ്രണയത്തെക്കാള്‍ പ്രേക്ഷകര്‍ ആസ്വദിച്ചത് ഡിംപല്‍ ഭലുമായുള്ള മണിക്കുട്ടന്റെ സൗഹൃദം ആയിരുന്നു.
