മികച്ച ഗായികയ്ക്കുള്ള ദേശീയ പുരസ്കാരം ലഭിച്ചതിനെതിരെ ഉയർന്ന വിമർശനങ്ങളിൽ പ്രതികരണവുമായി ഇഷാന്‍ ദേവ്. ഫേസ്ബുക്ക് പോസ്റ്റിലൂടെയായാണ് ഇതേക്കുറിച്ച് പ്രതികരിച്ചിട്ടുള്ളത്.
കുറിപ്പ് ഇങ്ങനെയാണ്
ലോകത്തിൽ ഏറ്റവും ഉദാത്തമായ ഒരു സംഗീത ശാഖ എന്നൊന്നില്ല എന്നു ഞാൻ വിശ്വസിക്കുന്നു. മനസിനെ രഞ്ജിപ്പിക്കുന്ന ഒന്നെന്ന നിലയിൽ സംഗീതം മനസ്സിൽ നിന്ന് മനസ്സുകളിലേക്ക് ചേക്കേറുന്നു എന്നതേ ഉള്ളു. സംഗീത ആസ്വാദനം എല്ലാവരിലും വിചിത്രമാണ്. ഒന്നും പഠിക്കാതെ പാടി നമ്മെ പിടിച്ചുലക്കുന്ന നാടൻ പാട്ടുകളും, കണക്കും ഗമകങ്ങളായി കർണാടക, ഹിന്ദുസ്ഥാനി ,വെസ്റ്റേൺ ക്ലാസിക്കൽ, ഹിപ്ഹോപ്, പോപ്പ്, ഡബ്‌സ്‌റ്റെപ്, ജാസ്, ബ്ലൂസ്, റാപ്, ഫ്യൂഷൻ, ഗോസ്പൽ, ഈഡിഎം അങ്ങനെ എണ്ണമറ്റ സംഗീത ശാഖകളും, ഗായകരും, സംഗീതജ്ഞരും ഉള്ളപ്പോൾ അറിയാവുന്നതു ആസ്വദിക്കുക അതിനപ്പുറം, നമുക്ക് അറിയാതെ ഉള്ളതിനെ അറിയാൻ ശ്രമിക്കുക എന്നത് മാത്രം ചെയ്യാൻ കഴിയൂ.
ഇനി വിഷയം നഞ്ചിയമ്മക്ക് അവാർഡ്. അർഹിച്ചതു തന്നെയാണ്. അതിൽ ഒരു സംശയവും വേണ്ട. പഠിച്ചതുകൊണ്ടു നല്ല പാട്ടുണ്ടാകില്ല, പഠിച്ചവർ ഉണ്ടാക്കുന്നത് പോലെ പാട്ടുണ്ടാക്കാനോ പാടാനോ പഠിക്കാത്തവർക്കും പറ്റില്ല. എല്ലാത്തിനുമുപരി സംഗീതം ഉണ്ടാക്കുന്ന വികാരം എന്ത് എന്നതു മാത്രമേ ബാക്കി ഉള്ളു. ആ നിലയിൽ നഞ്ചിയമ്മ പാടിയ ഫീൽ ഇവിടെ മറ്റൊരു സിംഗറിനും പാടാൻ സാധ്യമല്ല. ആ കലാകാരിയുടെ ജീവിതം ,യാത്ര ,സാഹചര്യം , അറിവുകൾ ,ആളുകൾ എല്ലാം ആ പാട്ടുകളെ സ്വാധീനിച്ചിട്ടുണ്ട്. വരികളും സംഗീതവും, അറിവും, മനസ്സിൽ നിന്നും മാത്രം ആയിട്ടാണ് ആ നിഷ്കളങ്കമായ പാട്ടുകാരിയെ പാടിച്ചപ്പോൾ എനിക്ക് കിട്ടിയ ഫീൽ.
പിന്നെ കുറഞ്ഞതല്ല നാടൻ പാട്ടുകൾ; എഴുത്തും വായനയും അറിയാത്തവരുടെ വേദനയും, സംസ്കാരവും, അവരുടെ സന്തോഷങ്ങളും ആണ്. സംഗീതം ആ ഫീലുകളെ പുറത്തു കാണിക്കാൻ അവർക്കുള്ള ഒരു വഴി മാത്രമാണ്. “തൊണ്ടകൊണ്ടു ചെയ്യുന്ന പണിയല്ല പാട്ട്, ഒരു ജീവന്റെ ചിന്തയിലെ ജീവലയമാണത്. ഹൃദയം കൊണ്ടാണ് പാട്ടുകൾ കേൾക്കേണ്ടത് ചെവികൊണ്ടല്ല”. സംഗീതത്തെ കുറച്ചു കാണുന്ന മതങ്ങളും, ഗോത്രങ്ങളും, ആളുകളും വേർതിരിവ് എല്ലാത്തിനും കല്പിക്കുന്നവരും ഉള്ള ഒരു ഭൂമിയിൽ ആണ് നമ്മൾ ഉള്ളത്. നമ്മൾ കല്പിക്കുന്ന നിലയിൽ അല്ല സംഗീതം നിലകൊള്ളുന്നതും. ആ നിലയിൽ അതിനെ ദൈവീകമായി അനുഭവിക്കുന്ന ഒരാളെന്ന നിലയിൽ പറഞ്ഞതു മാത്രമാണ്. ഇത് എന്റെ ചുരുങ്ങിയ സംഗീത ജീവിതം കൊണ്ടുള്ള ഒരു കുഞ്ഞു അറിവായി ഒരാൾ ഉൾകൊണ്ടാൽ എന്റെ ജന്മം സഫലമായി എന്നുമായിരുന്നു ഇഷാൻ ദേവ് കുറിച്ചത്.
മികച്ച ഗായികയ്ക്കുള്ള ദേശീയ പുരസ്കാരം നഞ്ചിയമ്മയ്ക്ക് നൽകിയായതിൽ വിയോജിപ്പ് പ്രകടിപ്പിച്ച് സംഗീതജ്ഞന്‍ ലിനുലാൽ സോഷ്യൽ മീഡിയയിൽ പങ്കുവച്ച വീഡിയോയ്ക്കാണ് കടുത്ത പ്രതിഷേധത്തിന് വഴിതെളിയിച്ചത്
മലയാളി പ്രേക്ഷകരുടെ പ്രിയങ്കരനായ നടന് ആണ് ദിലീപ്. കുറച്ച് ദിവസങ്ങള്ക്ക് മുമ്പായിരുന്നു ദിലീപിന്റെ പുതിയ ചിത്രം പവി കെയര്ടേക്കര്’ തിയേറ്ററിലെത്തിയത്. വളരെ...
നടി നവ്യ നായരുടെ ഏറ്റവും പുതിയ ഫോട്ടോഷൂട്ട് ചിത്രങ്ങളാണ് ആരാധകര്‍ ഏറ്റെടുക്കുന്നത്. മകൻ സായിയുടെ ക്യാമറയിൽ മോഡലായി നിൽക്കുന്ന നവ്യയെ ചിത്രങ്ങളിൽ...
മലയാളത്തിലെ ഒട്ടുമിക്ക നായകനടന്മാരുടെ കൂടെയും നായികയായി അഭിനയിക്കാൻ ഭാഗ്യം ലഭിച്ച നായികയാണ് ഭാവന. ഛോട്ടാമുംബെയിൽ ലാലേട്ടന്റെയും ഗ്യാങിന്റെയും ഒപ്പത്തിനൊപ്പം പിടിച്ച് നിന്നതാണ്...
മലയാളികള്ക്ക് പ്രത്യേക പരിചയപെടുത്തേണ്ട ആവശ്യമില്ലാത്ത താര പുത്രിയാണ് മീനാക്ഷി ദിലീപ്. മലയാള സിനിമ പ്രേമികളുടെ സ്വന്തം ദിലീപിന്റേയും മഞ്ജുവിന്റേയും മകള് എന്ന...
മലയാളികളെ നോണ് സ്റ്റോപ്പായി പൊട്ടിച്ചിരിപ്പിച്ച ഒരുപാട് ദിലീപ് സിനിമകളുടെ തുടര്ച്ചയാണ് വിനീത്കുമാര് സംവിധാനം ചെയ്ത ‘പവി കെയര്ടേക്കറും’. കോമഡിയും റൊമാന്സും സെന്റിമെന്റ്സുമൊക്കെയായി...
