ഷോയിലെ മത്സരാര്‍ത്ഥികളുടെ സംസാരം കണ്ട് ചിരി അടക്കിപിടിച്ച അവസ്ഥകളുണ്ടായിട്ടുണ്ട്; റോബിനെ പുറത്താകിയത് എന്തിന്, ജാസ്മിനോട് പ്രത്യേക താത്പര്യമുണ്ടോ?; ബിഗ്ഗ് ബോസിന് ശബ്ദം നല്‍കുന്ന , ദി റിയൽ ബിഗ് ബോസ് ഇവിടെയുണ്ട്!

മലയാളികൾ ഏറ്റെടുത്ത റിയാലിറ്റി ഷോ ആണ് ബിഗ് ബോസ്. യഥാർത്ഥത്തിൽ ആരാണ് ബിഗ് ബോസ് എന്ന് എല്ലാ മലയാളികൾക്കും അറിയാൻ ആഗ്രഹമുണ്ട്. ബിഗ്ഗ് ബോസ് എന്ന പറയുമ്പോള്‍ സാക്ഷാല്‍ മോഹന്‍ലാല്‍ പോലും അനുസരണയുള്ള കുട്ടിയെ പോലെ കേട്ട് നില്‍ക്കും. ശബ്ദ ഗാഭീര്യം കൊണ്ട് മാത്രം ഒരു ഷോയെ നിയന്ത്രിയ്ക്കുന്ന ബിഗ്ഗ് ബോസ് എന്ന ശബ്ദത്തിന് ഉടമ ആരാണ് എന്ന് അന്വേഷിച്ച് പലരും പല വഴി തിരഞ്ഞിരുന്നു.

പക്ഷെ ഊഹാപോഹങ്ങള്‍ അല്ലാതെ ബിഗ്ഗ് ബോസിന് ഡബ്ബ് ചെയ്യുന്ന കലാകാരന്‍ ആരാണെന്ന് നാല് വര്‍ങ്ങള്‍ക്ക് ശേഷം ഇപ്പോള്‍ തിരിച്ചറിഞ്ഞിരിയ്ക്കുകയാണ്. ആര്‍ജെ രഘുരാജ് നായര്‍ ആണ് ബിഗ്ഗ് ബോസ് എന്ന ശബ്ദഗാഭീര്യത്തിന്റെ ഉടമ. ഷോയെ കുറിച്ച് രഘു പറയുന്ന കാര്യങ്ങളാണ് ഇപ്പോൾ സോഷ്യൽ മീഡിയ ഏറ്റെടുത്തിരിക്കുന്നത്.

ബിഗ്ഗ് ബോസ് എന്നത് ഒരു കണ്‍സപ്റ്റ് ആണ്. സാങ്കല്‍പികം മാത്രം. ആ ആദൃശ്യ രൂപത്തിന് ശബ്ദം നല്‍കുക എന്നത് മാത്രമാണ് എന്റെ ജോലി. ഞാന്‍ അത് ആസ്വദിക്കാറുണ്ട്. അതെന്റെ ഭാഗ്യമായിട്ടും ഞാന്‍ കാണുന്നു. ആര്‍ ജെ ആണ് ഞാന്‍. എന്റെ ശബ്ദം റേഡിയോയിലൂടെ കേട്ടിട്ട് ആണ് എന്നെ ബിഗ്ഗ് ബോസ് ഷോയിലേക്ക് വിളിയ്ക്കുന്നത്.

ബിഗ്ഗ് ബോസ് സീസണ്‍ 1 മുതല്‍ ഞാന്‍ തന്നെയാണ് ശബ്ദം നല്‍കുന്നത്. മറ്റൊരു ഡബ്ബിങ് ആര്‍ട്ടിസ്റ്റിനെയാണ് ഷോയ്ക്ക് വേണ്ടി ആദ്യം പരിഗണിച്ചിരുന്നത്. എന്നാല്‍ അദ്ദേഹത്തിന്റെ ശബ്ദത്തിന്‍ കമാന്റിങ് പവര്‍ കുറവാണെന്ന് വന്നപ്പോഴാണ് എന്നെ വിളിയ്ക്കുന്നത്. അങ്ങനെ ബോംബെയില്‍ എത്തി എന്റെ ശബ്ദം ടെസ്റ്റ് ചെയ്യുകയായിരുന്നു. അതില്‍ സെലക്ഷന്‍ കിട്ടി.

ജാസ്മിനോട് ഫേവറിസം കാണിയ്ക്കുന്നു റോബിനോട് എതിര്‍പ്പ് കാണിയ്ക്കുന്നു എന്നൊക്കെയുള്ള സോഷ്യല്‍ മീഡിയ ആക്രമണങ്ങള്‍ നേരിട്ടിട്ടുണ്ട്. പക്ഷെ അത് എന്തിന് ചെയ്തു എന്ന ചോദ്യത്തിന് ഉത്തരം പറയാന്‍ എനിക്ക് ലിമിറ്റേഷന്‍സ് ഉണ്ട്. എന്നാല്‍ ഒരു കാര്യം തീര്‍ത്ത് പറയാന്‍ സാധിയ്ക്കും, ടീമില്‍ ഞങ്ങള്‍ ആരും ഒരു മത്സരാര്‍ത്ഥിയോടും പ്രത്യേക താത്പര്യം കാണിയ്ക്കുന്നില്ല. ഞങ്ങള്‍ സംബന്ധിച്ച് അവര്‍ 20 പേരും ഒരുപോലെയാണ്. എന്നെ സംബന്ധിച്ച് അവര്‍ എനിക്ക് എന്റെ മക്കളെ പോലെയാണ്.

ബിഗ്ഗ് ബോസ് ഒരു റിയാലിറ്റി ഷോ ആണ്. അതിന് ഒരുപാട് നിയമാവലികളുണ്ട്. അത് പാലിച്ച് മാത്രമേ പ്രവൃത്തിയ്ക്കാറുള്ളൂ. റോബിനെ പുറത്താക്കിയതും അതിന്റെ ഭാഗമാണ്. എന്നാല്‍ അതിന് ശേഷം ലാലേട്ടനെയും എന്നെയും തെറിവിളിക്കാത്തവരില്ല. അതേ സമയം റോബിനുമായി ഇപ്പോഴും നല്ല സഹൃദം സൂക്ഷിക്കുന്ന ആളാണ് ഞാന്‍.

ബിഗ്ഗ് ബോസ് മത്സരാര്‍ത്ഥികളെ പോലെ ഞാനും ഫുള്‍ ടൈം ഒരു മുറിയില്‍ അടച്ചിട്ട് ഇരിയ്ക്കുകയല്ല. ആവശ്യത്തിന് ബ്രേക്ക് എല്ലാം എടുക്കുന്നുണ്ട്. പക്ഷെ എപ്പോഴും അവൈലബിള്‍ ആയിരിക്കണം. ടാസ്‌കുകളും ഗെയ്മികളും എല്ലാം വരുമ്പോള്‍ മുഴുവനും കാണണം. അല്ലാത്ത സാഹചര്യങ്ങളില്‍ വിട്ടു നില്‍ക്കാറുണ്ട്. മൈക്ക് ധരിയ്ക്കൂ എന്ന് ഓരോരിത്തരോടും പറയുന്നത്, നേരത്തെ റെക്കോഡ് ചെയ്തു വയ്ക്കുന്ന സാധനങ്ങളാണ്.

തമാശ ഇഷ്ട്‌പ്പെടുന്ന ആളാണ് ഞാന്‍. ഷോയിലെ മത്സരാര്‍ത്ഥികളുടെ സംസാരം കണ്ട് ചിരി അടക്കിപിടിച്ച അവസ്ഥകളുണ്ടായിട്ടുണ്ട്. ഇത്തവണത്തെ ബിഗ്ഗ് ബോസില്‍ തഗ്ഗുകള്‍ കൂടുതല്‍ ആണെന്ന അഭിപ്രായം ഉണ്ടായിരുന്നു. അതൊക്കെ കൈയ്യില്‍ നിന്ന് എടുത്തിട്ട് പറയുന്നതാണ്. ഞാന്‍ ഏറ്റവും അധികം ആസ്വദിച്ച ബിഗ്ഗ് ബോസ് സീസണ്‍, ഇപ്പോള്‍ കഴിഞ്ഞ അവസാന സീസണ്‍ ആണെന്നും രഘുരാജ് പറഞ്ഞു.

about biggboss