‘ഗോപി സുന്ദറിന്‍റെ ‘അവിഹിതം’ ആണ് പിടിച്ചിരുന്നത് എങ്കില്‍ ഇത്ര പാടുണ്ടായിരുന്നില്ല. പൊതുവേ അവിഹിതത്തോടുള്ള മലയാളികളുടെ കുശുമ്പ് പ്രകടമായ വയലന്‍സിലാണ് തീരുക… ഇതിപ്പോ ഗോപി സുന്ദറിന്‍റെ ‘പ്രേമം’ ആയിപ്പോയി. ‘പ്രേമം’ ‘അവിഹിതം’ പോലെ സമൂഹം അംഗീകരിച്ച ക്രൈം അല്ലല്ലോ; കുറിപ്പ്

അമൃത സുരേഷും ഗോപി സുന്ദറുമാണ് സോഷ്യൽ മീഡിയയിൽ നിറഞ്ഞ് നിൽക്കുന്നത്. അമൃതയെ മാറോട് ചേര്‍ത്ത് ഗോപി സുന്ദര്‍ പങ്കുവച്ച സെല്‍ഫി ചിത്രം വൈറലായതോടെ ഇരുവരുടെയും സ്വകാര്യ ജീവിതത്തെ കുറിച്ചും ബന്ധങ്ങളെ കുറിച്ചും ഉള്ള ചര്‍ച്ചകള്‍ സോഷ്യല്‍ മീഡിയയില്‍ സജീവമാവുകയായിരുന്നു.
തങ്ങളുടെ പ്രണയം ഇരുവരും വെളിപ്പെടുത്തിയതോടെ ഒരു കൂട്ടർ ഇരുവരെയും വിമർശിക്കുമ്പോൾ മറ്റൊരു വിഭാഗം ഇരുവരെയും പിന്തുണച്ചും വിമർശകർക്ക് മറുപടി നൽകിയും രംഗത്തുണ്ട്. സോഷ്യൽ മീഡിയയിൽ നിരവധി പേരാണ് ഇവരെ വിമർശിക്കുന്നവർക്ക് മറുപടിയുമായി രംഗത്ത് വരുന്നത്.

അത്തരത്തിൽ ഒരു കുറിപ്പാണ് ഇപ്പോൾ സോഷ്യൽ മീഡിയയുടെ ശ്രദ്ധ പിടിച്ചുപറ്റുന്നത്. മാധ്യമപ്രവർത്തകയായ ഹയറുന്നീസയുടെ കുറിപ്പാണ് സോഷ്യൽ മീഡിയയിൽ വൈറലാകുന്നത്.

‘അപ്പോ വേറെ കൊറേ കാരണങ്ങള്‍ പറഞ്ഞ് കുശുമ്പ് തീര്‍ക്കുക… ഗോപി സുന്ദര്‍ നേരത്തെ കല്യാണം കഴിച്ചു. അത് ഡിവോഴ്സ് ആയില്ല. പിന്നെ ഒരാളെ പ്രേമിച്ചു. അവരെ കല്യാണം കഴിക്കാതെ കൂടെ കഴിഞ്ഞു. ഇപ്പോ ഇതാ വീണ്ടും വേറെ ഒരാള്‍… എന്തോന്നഡേയ്… സ്വന്തം നെലയ്ക്ക് ഒരു മാങ്ങ പോലും വീഴ്ത്താൻ അറിയാത്തതിന്‍റെ പേരില്‍ നാട്ടുകാരുടെ പിന്നാലെ പരക്കം പായുന്ന ആഗോള പാഴുകള്‍ ആകുന്നു നിങ്ങള്‍…’ നിരവധി പേരാണ് ഈ പോസ്റ്റ് ഷെയർ ചെയ്യുന്നത്.

വൈറലാകുന്ന കുറിപ്പ് ഇങ്ങനെയാണ്.

‘ഗോപി സുന്ദറിന്‍റെ ‘അവിഹിതം’ ആണ് പിടിച്ചിരുന്നത് എങ്കില്‍ ഇത്ര പാടുണ്ടായിരുന്നില്ല. പൊതുവേ അവിഹിതത്തോടുള്ള മലയാളികളുടെ കുശുമ്പ് പ്രകടമായ വയലന്‍സിലാണ് തീരുക. അടി, ഇടി, നാറ്റിക്കല്‍, ഒറ്റപ്പെടുത്തല്‍- അങ്ങനെയൊക്കെ. ഇതിപ്പോ ഗോപി സുന്ദറിന്‍റെ ‘പ്രേമം’ ആയിപ്പോയി. ‘പ്രേമം’ ‘അവിഹിതം’ പോലെ സമൂഹം അംഗീകരിച്ച ക്രൈം അല്ലല്ലോ. എന്നുമാത്രമല്ല ‘ഉദാത്ത’വുമാണല്ലോ…’

ഗോപി സുന്ദറും അമൃത സുരേഷും അടുത്തിടെയാണ് തങ്ങളുടെ പ്രണയം പരസ്യമാക്കിയത്. പിന്നിട്ട കാതങ്ങള്‍ മനസില്‍ കുറിച്ച് അനുഭവങ്ങളുടെ കനല്‍വരമ്പു കടന്ന് കാലവും കാറ്റും പുതിയ വഴികളിലേക്ക് എന്നായിരുന്നു ചിത്രത്തിന്റെ ക്യാപ്ഷന്‍. അഭിരാമി സുരേഷും അപര്‍ണ മള്‍ബെറിയും ഉള്‍പ്പടെ നിരവധി പേരായിരുന്നു ചിത്രത്തിന് താഴെ കമന്റുകളുമായെത്തിയത്. ഇതോടെയായിരുന്നു ഇരുവരും വിവാഹിതരായോയെന്ന തരത്തിലുള്ള ചോദ്യങ്ങൾ സോഷ്യൽ മീഡിയയിൽ ഉയര്‍ന്നത്.

പരസ്പരം ചേര്‍ന്നു നില്‍ക്കുന്ന ചിത്രം പങ്കുവച്ചാണ് ഗോപി സുന്ദറും അമൃതയും പ്രണയം വെളിപ്പെടുത്തിയത്. ‘പിന്നിട്ട കാതങ്ങള്‍ മനസ്സില്‍ കുറിച്ച് അനുഭവങ്ങളുടെ കനല്‍വരമ്പു കടന്ന് കാലവും കാറ്റും പുതിയ വഴികളിലേക്ക്….’ എന്ന അടിക്കുറിപ്പോടെയാണ് ഇരുവരും ചിത്രം പങ്കുവെച്ചിരുന്നത്. ഐഡിയ സ്റ്റാര്‍ സിംഗര്‍ റിയാലിറ്റി ഷോയിലൂടെയായി ശ്രദ്ധ നേടിയ ഗായികയാണ് അമൃത സുരേഷ്. മികച്ച പിന്തുണയായിരുന്നു അമൃതയ്ക്ക് ലഭിച്ചിരുന്നത്. സ്വന്തമായി മ്യൂസിക് ബാന്‍ഡും സ്റ്റേജ് പരിപാടികളുമൊക്കെയായി സജീവമാവുകയായിരുന്നു അമൃത.

ചിത്രങ്ങള്‍ വൈറലായതിന് ഒപ്പമായി രൂക്ഷമായ വിമര്‍ശനങ്ങളുമായും ഒരുവിഭാഗമെത്തിയിരുന്നു. വിമർശനങ്ങളോട് ഇരുവരും പ്രതികരിച്ചത് വളരെ സരസമായ ഭാഷയിലായിരുന്നു. ഇവർ രണ്ട് പേരും തങ്ങളുടെ വ്യക്തിജീവിതത്തിന് നേർക്കുയരുന്ന വിമർശനങ്ങളോട് വളരെ സരസമായി പ്രതികരിച്ചതും ശ്രദ്ധയാകർഷിച്ചിരുന്നു. പുട്ടും മുട്ടക്കറിയും കഴിച്ചു കൊണ്ടിരിക്കുന്നതിനിടെ പകർത്തിയ ഒരു ചിത്രം പങ്കുവെച്ചു കൊണ്ടാണ് ഇവരുടെ പ്രതികരണം. ‘ഒരു പണിയുമില്ലാതെ വെറുതെ ചൊറിയും കുത്തിയിരുന്ന് മറ്റുള്ളവരുടെ വ്യക്തി ജീവിതത്തെ വിലയിരുത്തുകയും അനാവശ്യമായി കമൻ്റ് ചെയ്തും കഴിയുന്നവർക്ക് ഈ പുട്ടും മുട്ടക്കറിയും ഞങ്ങൾ സമർപ്പിക്കുന്നു’ എന്ന് കുറിച്ചു കൊണ്ടാണ് ഇരുവരും ചിത്രം പങ്കുവെച്ച് പ്രതികരണം നടത്തിയത്.