ഈ വർഷം ഐ എഫ് എഫ് കെ , സ്കൂൾ യുവജനോത്സവം എന്നിവയില്ല ; പരിപാടികൾക്കായുള്ള തുക മുഖ്യമന്ത്രിയുടെ ദുരിതാശ്വാസ നിധിയിലേക്ക് …

ഈ വർഷം ഐ എഫ് എഫ് കെ , സ്കൂൾ യുവജനോത്സവം എന്നിവയില്ല ; പരിപാടികൾക്കായുള്ള തുക മുഖ്യമന്ത്രിയുടെ ദുരിതാശ്വാസ നിധിയിലേക്ക് …

പ്രളയകെടുതിയിൽ നിന്നും മെല്ലെ കരകയറുകയാണ് കേരളം. ഓണത്തിന് മുന്നോടിയായി വന്ന മഴയും അപ്രതീക്ഷിത വെള്ളപ്പൊക്കവും ഓണാഘോഷങ്ങൾ ബഹിഷ്കരിച്ച് രക്ഷാപ്രവർത്തനങ്ങൾക്കായി മലയാളികൾ മാറ്റി വച്ചു . ലോകത്തിന്റെ പലകോണിൽ നിന്നും കേരളത്തിലേക്ക് സഹായഹസ്തങ്ങൾ നീണ്ടു.എന്നാൽ ഇതിലൊതുങ്ങില്ല കേരളത്തിന് നിവർന്നു നിൽക്കാനുള്ള ചിലവ്.

നവ കേരളത്തെ പടുത്തുയർത്താൻ മുഖ്യമന്ത്രിയുടെ ദുരിതാശ്വാസ ഫണ്ടിലേക്ക് പലവിധത്തിൽ പണമെത്തിക്കുകയാണ് സർക്കാർ. സ്വകാര്യ ബസുകൾ സംഭാവനകൾ സ്വീകരിച്ച് സർവീസ് നടത്തിയതിനു പിന്നാലെ ഈ വർഷത്തെ എല്ലാ ആഘോഷ പരിപാടികളും ഉപേക്ഷിച്ചിരിക്കുകയാണ് സർക്കാർ.

പുതിയതായി ഇറക്കിയ സർക്കുലറിൽ ചലച്ചിത്രോത്സവമായ ഐ എഫ് എഫ് കെ മുതൽ സ്കൂൾ യുവജനോത്സവങ്ങൾ, ടൂറിസം വകുപ്പിന്റെ ആഘോഷ പരിപാടികൾ തുടങ്ങി എല്ലാം ഒഴിവാക്കിയിരിക്കുന്നതായി അറിയിച്ചിട്ടുണ്ട്. ഡിസംബറിലാണ് ഐ എഫ് എഫ് കെ നടക്കേണ്ടിയിരുന്നത്. ചലചിത്രോത്സവത്തിൽ മാറ്റുരയ്ക്കാനുള്ള ചിത്രങ്ങളുടെ എൻട്രി നേരത്തെ തന്നെ ക്ഷണിച്ചിരുന്നു. എന്നാൽ ഈ പരിപാടികളെല്ലാം ഒഴിവാക്കിയതായി സർക്കാർ അറിയിച്ചു.

i f f k and state youth festivals cancelled