‘ഇറ്റ് വാസ് ചീപ്പസ്റ്റ് സ്ട്രാറ്റജി എവർ’ ;ഡിംപലിനെ കൊണ്ട് വയ്യലോ ഈശ്വരാ ! അന്തംവിട്ട് മണിക്കുട്ടൻ

ഏറെ കാത്തിരിപ്പിനു ശേഷമാണ് ബിഗ്ബോസ് മലയാളം സീസൺ 3യ്ക്ക് തുടക്കമായത്. ഷോ ഇപ്പോൾ സംഭവബഹുലമായ മൂന്നാം ആഴ്ചയിൽ എത്തി നിൽക്കുന്നു. എന്നാൽ ബിഗ്ബോസ് വീട്ടിലെ പതിനെട്ടാം ദിവസം തുടങ്ങിയതേ കണ്ണീരോടെയാണ്. ഗെയിമിൽ തിളങ്ങാനാകുന്നില്ലെന്നും മറ്റുള്ളവരുടെ സ്ട്രാറ്റജിയെ പറ്റിയുമൊക്കെ പറഞ്ഞ് കരയുകയായിരുന്നു ഭാഗ്യലക്ഷ്മി. പിന്നീട് കഴിഞ്ഞ ദിവസം നടന്ന ഗെയിമിൻറെ ബാക്കി തുടരുകയും അത് കയ്യാങ്കളിയിലേക്ക് മാറുകയും വീക്ക്ലി ടാസ്ക് അലമ്പായതായി ബിഗ്ബോസ് പ്രഖ്യാപിക്കുകയും ചെയ്യുകയായിരുന്നു.

എന്നാൽ മറ്റുള്ളവരെ പോലെ തനിക്ക് തിളങ്ങാനാകുന്നില്ലെന്ന് പറഞ്ഞ് മനംനൊന്ത് ഒന്നും കഴിക്കുന്നില്ലെന്ന കാരണത്താൽ ബിഗ്ബോസ് ഭാഗ്യലക്ഷ്മിയെ കൺഫെഷൻ റൂമിലേക്ക് വിളിച്ച് പ്രശ്നപരിഹാരത്തിനായി സംസാരിക്കുകയായിരുന്നു. ഗെയിമിനെ ഗെയിമിൻ്റെ സെൻസിലെടുക്കണം എന്നതായിരുന്നു ബിഗ്ബോസ് നൽകിയ നിർദ്ദേശം. അതിനിടെ ഡിംപലിന്റെ വാക്കുകൾ കേട്ട് എന്ത് ചെയ്യണമെന്നറിയാതെ മുഖത്ത് കൈ വെച്ച് മണിക്കുട്ടൻ. അക്ഷരാർത്ഥത്തിൽ ക്യാപ്റ്റൻ ത്രിശങ്കുവിലായ അവസ്ഥയാണെന്നാണ് പ്രേക്ഷകർ പറയുന്നത്! വീട്ടിലെ ക്യാപ്റ്റനുമായി സജ്നയും ഫിറോസും മജ്സിയയും തമ്മിൽ സംസാരിക്കുകയായിരുന്നു.

അത്തരത്തിൽ രണ്ട് ടീമുകളിലായിരുന്ന ഡിംപലും മണിക്കുട്ടനും തമ്മിൽ നടന്ന സംസാരത്തിൽ ഡിംപൽ മണിക്കുട്ടനോട് കയർക്കുകയായിരുന്നു. നിങ്ങൾ ഗെയിമിൽ ഉപയോഗിച്ച സ്ട്രാറ്റജി എന്തായാലും അത് ഇതുവരെയുള്ള വളരെ മോശം സ്ട്രാറ്റജികളിലൊന്നായിരുന്നു എന്നാണ് മണിക്കുട്ടനോട് ഡിംപൽ കടുപ്പിച്ച് പറഞ്ഞത്. അതിനിടെ ആഴ്ചയിൽ കിട്ടേണ്ടിയിരുന്ന ലക്ഷ്വറി ബജറ്റ് ഇല്ലാതാകുകയും ചെയ്തു. അത് എല്ലാ മത്സരാർത്ഥികളുടെയും ആഹാരത്തെയാണ് ബാധിച്ചതെന്ന വിഷയം ചർച്ച ചെയ്യുകയായിരുന്നു മറ്റു മത്സരാർത്ഥികളും. എന്നാൽ ഗെയിമിലെ രണ്ട് ടീമിലെ മത്സരാർത്ഥികൾ തമ്മിലുള്ള വാക്ക് തർക്കമായിരുന്നു പിന്നീട് നടന്നത്.

bigboss