Actor
ആദ്യത്തെ തെലുങ്ക് ചിത്രത്തിലേയ്ക്ക് ചുവട്വെച്ച് അക്ഷയ് കുമാര്‍, മോഹന്‍ലാലും പ്രധാന വേഷത്തില്‍!
ആദ്യത്തെ തെലുങ്ക് ചിത്രത്തിലേയ്ക്ക് ചുവട്വെച്ച് അക്ഷയ് കുമാര്‍, മോഹന്‍ലാലും പ്രധാന വേഷത്തില്‍!
മുകേഷ് കുമാര്‍ സിങ് സംവിധാനം ചെയ്യുന്ന വിഷ്ണു മഞ്ചു നായകനായ കണ്ണപ്പയുടെ പുതിയ അപ്‌ഡേറ്റ് എത്തി. ശിവ ഭക്തനായ വീരന്റെ പുരാണ കഥ അടിസ്ഥാനമാക്കിയുള്ള ഫാന്റസി ആക്ഷന്‍ ചിത്രത്തില്‍ ഏറ്റവും പുതിയതായി വന്ന പേര് നടന് അക്ഷയ് കുമാറിന്റെയാണ്. ടോളിവുഡില്‍ ബോളിവുഡ് ആക്ഷന്‍ ഖിലാഡിയുടെ അരങ്ങേറ്റ ചിത്രമായിരിക്കും കണ്ണപ്പ. അക്ഷയ് കുമാര്‍ കഴിഞ്ഞ ദിവസം ചിത്രത്തില്‍ ജോയിന്‍ ചെയ്തു.
നായകനായ വിഷ്ണു മഞ്ചു തന്നെയാണ് ഈക്കാര്യം സോഷ്യല്‍ മീഡിയ വഴി അറിയിച്ചത്. അക്ഷയ് കുമാര്‍ ചിത്രത്തില്‍ അഭിനയിക്കാന്‍ എത്തിയെന്നും. ഇത് അദ്ദേഹത്തിന്റെ ആദ്യത്തെ തെലുങ്ക് ചിത്രമാണെന്ന് അക്ഷയ് കുമാറിനെ വിഷ്ണു മഞ്ചുവിന്റെ പിതാവും നടനും നിര്‍മ്മാതാവുമായ മോഹന്‍ ബാബു സ്വീകരിക്കുന്ന വീഡിയോ അടക്കം വിഷ്ണു മഞ്ചു പോസ്റ്റ് ചെയ്തിട്ടുണ്ട്.
അതേ സമയം ഇതിനകം തന്നെ ചിത്രത്തില്‍ മോഹന്‍ലാല്‍, പ്രഭാസ്, തമിഴ്താരം ശരത് കുമാര്‍, പ്രഭുദേവ എന്നിവര്‍ ഉണ്ടാകും എന്ന് ഉറപ്പായിട്ടുണ്ട്. ആദ്യം കാജല്‍ അഗര്‍വാളും പിന്നീട് നൂപുര്‍ സനോണും നായികമാരായി കണ്ണപ്പയില്‍ എത്തിയെങ്കിലും പല കാരണങ്ങളാല്‍ അവര്‍ ഒഴിവാക്കുകയും പ്രീതി മുഖുന്ദനെ നായികയാക്കുകയുമാണ് ഉണ്ടായത്. ന്യൂസിലന്‍ഡിലും ഹൈദരാബാദിലുമാണ് സിനിമയുടെ ഷൂട്ടിംഗ് പുരോഗമിക്കുകയാണ്.
1993ല്‍ അശാന്ത് എന്ന ദ്വിഭാഷാ സിനിമയില്‍ അക്ഷയ് ഒരിക്കല്‍ അഭിനയിച്ചിരുന്നു. അത് കന്നടയില്‍ വിഷ്ണു വിജയ എന്ന പേരില്‍ പുറത്തിറങ്ങി.ഇതാണ് അക്ഷയിയുടെ ആദ്യത്തെ തെന്നിന്ത്യന്‍ സിനിമയാണ്. വര്‍ഷങ്ങള്‍ക്ക് ശേഷം ശങ്കറിന്റെ 2018 ലെ രജനികാന്ത് നായകനായ 2.0 എന്ന ചിത്രത്തില്‍ പ്രധാന വില്ലനായി ഇദ്ദേഹം എത്തി. അക്ഷയ് കുമാറിന്റെ മൂന്നാമത്തെ ദക്ഷിണേന്ത്യന്‍ പ്രൊജക്ടായിരിക്കും കണ്ണപ്പ.
എവിഎ എന്റര്‍ടൈന്‍മെന്റിന്റെയും 24 ഫ്രെയിംസ് ഫാക്ടറിയുടെയും കീഴില്‍ മോഹന്‍ നിര്‍മ്മിക്കുന്ന കണ്ണപ്പ വിഷ്ണു മഞ്ചുവിന്റെ സ്വപ്ന സിനിമയാണ്. പരുചൂരി ഗോപാല കൃഷ്ണ, ഈശ്വര്‍ റെഡ്ഡി, ജി നാഗേശ്വര റെഡ്ഡി, തോട്ട പ്രസാദ് എന്നിവര്‍ ചേര്‍ന്നാണ് ചിത്രത്തിന്റെ സ്‌ക്രിപ്റ്റ്. തെലുങ്കില്‍ ചിത്രീകരിച്ച ചിത്രം മറ്റ് ദക്ഷിണേന്ത്യന്‍ ഭാഷകളിലേക്കും ഹിന്ദിയിലേക്കും മൊഴിമാറ്റം ചെയ്യും.
