മരിക്കുന്നതിന് മണിക്കൂറുകള്‍ക്ക് മുന്‍പ് ചിത്രീകരിച്ചതെന്ന് കരുതുന്ന, ഭോജ്പുരി നടി ആകാംക്ഷ ദുബെയുടെ വീഡിയോ സാമൂഹിക മാധ്യമങ്ങളില്‍ വൈറലാകുന്നു. നടിയുടെ മരണത്തില്‍ ആരോപണവിധേയനായ ഗായകന്‍ സമര്‍ സിങ്ങിനെതിരേ വിരല്‍ ചൂണ്ടുന്നതാണ് പുതിയ ദൃശ്യങ്ങള്‍. താന്‍ മരിച്ചാല്‍ അതിനുത്തരവാദി സമര്‍ സിങ് ആയിരിക്കുമെന്ന് ആകാംക്ഷ പറയുന്നത് ദൃശ്യങ്ങളില്‍ കാണാം.
മരണത്തിന് ഏതാനും മണിക്കൂറുകള്‍ക്ക് മുന്‍പ് എടുത്ത വീഡിയോയാണിതെന്നാണ് വിവരം. എന്ത് തെറ്റാണെന്ന് ചെയ്തത് എന്നറിയില്ല. ഈ ലോകത്തില്‍ എനിക്കിനി ജീവിക്കേണ്ട. എനിക്ക് എന്തെങ്കിലും സംഭവിച്ചാല്‍ സമര്‍ സിങ് മാത്രമാണ് ഉത്തരവാദിയെന്ന് പൊട്ടിക്കരഞ്ഞുകൊണ്ട് ആകാംക്ഷ പറയുന്നു.
ആകാംക്ഷയുടെ മരണത്തിന് ശേഷം സമര്‍ സിങ് ഒളിവില്‍ പോവുകയായിരുന്നു. കുറച്ച് ദിവസങ്ങള്‍ക്ക് മുന്‍പാണ് ഇയാളെ പോലീസ് അറസ്റ്റ് ചെയ്തത്. മാര്‍ച്ച് 26 ന് ഉത്തര്‍പ്രദേശിലെ സാരനാഥിലെ ഹോട്ടല്‍മുറിയിലാണ് നടിയെ മരിച്ചനിലയില്‍ കണ്ടെത്തിയത്. സംഭവം ആത്മഹത്യ തന്നെയാണെന്നാണ് പോലീസിന്റെ നിഗമനം. അതേസമയം, നടിയുടെ ആത്മഹത്യാക്കുറിപ്പുകളൊന്നും കണ്ടെടുത്തിട്ടില്ല.
സമര്‍ സിങ്ങും സഹോദരന്‍ സഞ്ജയ് സിങ്ങുമാണ് ആകാംക്ഷയുടെ മരണത്തിന് ഉത്തരവാദിയെന്ന് നടിയുടെ അമ്മ മധു ദുബെ ആരോപണവുമായി രംഗത്ത് വന്നിരുന്നു. സമര്‍ സിങ്ങും സഞ്ജയ് സിങ്ങും ആകാംക്ഷയെ നിരന്തരം ഭീഷണിപ്പെടുത്തിയിരുന്നു. കഴിഞ്ഞ മൂന്നുവര്‍ഷമായി കോടിക്കണക്കിന് രൂപയുടെ ജോലിചെയ്തിട്ടും ഇരുവരും പണം നല്‍കിയിരുന്നില്ല.
സഞ്ജയ് സിങ് മകളെ കൊല്ലുമെന്ന് ഭീഷണിപ്പെടുത്തിയിരുന്നതായും ഇക്കാര്യം മാര്‍ച്ച് 21ന് മകള്‍ വെളിപ്പെടുത്തിയിരുന്നതായും മധു ദുബെ മാധ്യമങ്ങളോട് പറഞ്ഞു. 17ാം വയസ്സില്‍ ‘മേരി ജങ് മേരാ ഫൈസ്‌ല ‘ എന്ന ചിത്രത്തിലൂടെയാണ് ആകാംക്ഷ ഭോജ്പുരി സിനിമയില്‍ അരങ്ങേറ്റം കുറിച്ചത്. വീരോന്‍ കീ വീര്‍, ഫൈറ്റര്‍ കിങ്, മുഝ്‌സേ ശാദി കരോഗി തുടങ്ങിയ ചിത്രങ്ങളിലും ആല്‍ബങ്ങളിലും അഭിനയിച്ചിരുന്നു.
ബോളിവുഡ് നടന് സല്‍മാന്‍ ഖാന്റെ വീടിനുനേരെ വെടിവെപ്പ് നടന്ന കേസില്‍ അറസ്റ്റിലായ പ്രതികളിലൊരാള്‍ പോലീസ് കസ്റ്റഡിയില്‍ ആത്മഹത്യ ചെയ്തു. ഏപ്രില് 26...
രജനികാന്ത് ലോകേഷ് കനകരാജ് കൂട്ടുക്കെട്ടിലൊരുങ്ങുന്ന ഏറ്റവും പുതിയ ചിത്രമാണ് ‘കൂലി. ഇപ്പോഴിതാ ഈ ചിത്രത്തിനെതിരെ പരാതിയുമായി രംഗത്തെത്തിയിരിക്കുകയാണ് സംഗീത സംവിധായകന്‍ ഇളയരാജ....
തെരഞ്ഞെടുപ്പ് ചൂട് കഴിഞ്ഞപ്പോള്, സിനിമയുടെ തിരക്കിലേക്ക് കടന്ന് കൊല്ലത്തെ ഇടതു സ്ഥാനാര്ഥിയും നടനുമായ എം മുകേഷ്. എം എ നിഷാദ് സംവിധാനം...
തമിഴകത്ത് ഇപ്പോള്‍ റീ റീലിസുകളുടെ കാലമാണ്. അടുത്തിടെയായി നിരവധി ചിത്രങ്ങളാണ് പുറത്തെത്തിയത്. ഇപ്പോഴിതാ അജിത്തിന്റെ മങ്കാത്ത എന്ന ഹിറ്റും തിയറ്ററുകളിലേയ്ക്ക് വീണ്ടുമെത്തിയിരിക്കുകയാണ്....
ഇന്ത്യന് സിനിമയിലെ ബ്രഹ്മണ്ഡ സംവിധായകനാണ് എസ്എസ് രാജമൗലി. ബാഹുബലി എന്ന ഒറ്റ ചിത്രത്തിലൂടെ തന്നെ ഇന്ത്യന് സിനിമയുടെ യശസ്സ് വാനോളം ഉയര്ത്തിക്കാട്ടിയ...
