വളരെ വിഷമഘട്ടമായിരുന്നു! മാനസികമായി തകർന്നു, ആ ചിന്തകൾ മനസ്സിനെ അലട്ടി! ജ്യോതിർമയിയുടെ ജീവിതത്തിൽ സംഭവിച്ചത്!

മലയാളികളുടെ എക്കാലത്തെയും പ്രിയ നടിയാണ് ജ്യോതിർമയി. ഇഷ്ടം, മീശ മാധവന്‍, നന്ദനം, കല്യാണരാമന്‍, ഭാവം തുടങ്ങിയ ചിത്രങ്ങളില്‍ സഹതാര വേഷങ്ങളില്‍ ശ്രദ്ധ നേടിയ ജ്യോതിര്‍മയി ഒരു നായിക എന്ന നിലയില്‍ ശ്രദ്ധിക്കപ്പെട്ട് തുടങ്ങിയത് എന്റെ വീട് അപ്പൂന്റെയും എന്ന ചിത്രത്തിലൂടെയാണ്. ഹരിഹരന്‍ പിള്ള ഹാപ്പിയാണ് എന്ന ചിത്രത്തില്‍ മോഹന്‍ലാലിന്റെ നായികയായും ജ്യോതിര്‍മയി അഭിനയിച്ചു.

2013 വരെയും സിനിമയില്‍ സജീവമായിരുന്ന ജ്യോതിര്‍മയി ഏറ്റവുമൊടുവില്‍ അഭിനയിച്ചത് ഉറവ എന്ന ചിത്രത്തിലാണ്. അതിനിടയില്‍ നടിയുടെ വിവാഹവും വിവാഹ മോചനവും സംഭവിച്ചിരുന്നു. തുടര്‍ന്ന് 2015 ല്‍ സംവിധായകന്‍ അമല്‍ നീരദുമായി രണ്ടാം വിവാഹം നടന്നതിന് ശേഷമാണ് ജ്യോതിര്‍മയി സിനിമയില്‍ നിന്നും പൂര്‍ണമായും ഇടവേള എടുത്ത്.

അഭിനയത്തിൽ നിന്നും ഇടവേള എടുത്ത ജ്യോതിർമയി അടുത്തിടെ പങ്കിട്ട ഒരു ചിത്രം ഏറെ വൈറലായിരുന്നു. ഇപ്പോഴിതാ താരത്തിന്‍റെ പഴയകാല അഭിമുഖം ആണ് സമൂഹമാധ്യമങ്ങളിൽ വൈറലായി മാറിയിരിക്കുന്നത്.. ഭര്‍ത്താവും സംവിധായകനുമായ അമൽ നീരദുമായുള്ള പ്രണയം വിവാഹം എന്നിവയെകുറിച്ചാണ് നടി മനസ്സ് തുറക്കുന്നത്.

നടിയുടെ വാക്കുകളിലേക്ക്..

ഞാൻ അഭിനയിക്കാൻ അമൽ എന്നോട് പറയും. എന്നാൽ വെറുതെ ഒരു ജോലി ചെയ്യുന്നു എന്ന നിലയിൽ ആയപ്പോൾ ഒരു ചെറിയ ഇടവേള എടുത്തു എന്നെ ഉള്ളൂ. നല്ല ഒരു പ്രോജക്റ്റ് വന്നാൽ ഉറപ്പായും അഭിനയിക്കും. ഇപ്പോൾ എഴുതാൻ മോഹമുണ്ട്. കാലങ്ങൾ കഴിയും തോറും നമ്മുടെ മോഹങ്ങൾക്ക് ഒരു മാറ്റം ഉണ്ടാകാം. നോക്കാം എന്താകും എന്ന്

ഞങ്ങളുടെ അടുപ്പത്തിൽ അങ്ങനെ പ്രത്യേകിച്ച് ഒരൊറ്റ പ്രണയ നിമിഷം ഓർത്തെടുക്കാൻ ആകില്ല. പതുക്കെ വളർന്നു വന്ന ഗാഢമായ ഒരു സൗഹൃദം. പിന്നെ അത് ആദരവായി മാറി. പിന്നീടാണ് എന്തുകൊണ്ട് ഞങ്ങൾക്ക് ഒരു ജീവിതം ഒരുമിച്ചു ആരംഭിച്ചു കൂടാ എന്ന ചിന്ത വരുന്നത്. അമൽ റിസർവ്ഡ് ആണ്. അമലുമായി എനിക്ക് ഐഡന്റിഫൈ ചെയ്യാൻ പറ്റിയിട്ടുണ്ട്. പല കാര്യങ്ങളിലും ഇഷ്ടങ്ങൾ തന്നെ ഒന്നാണ്.

വളരെ വിഷമഘട്ടം ആയിരുന്നു എന്നാണ് ജീവിതത്തിൽ ഉണ്ടായ പ്രതിസന്ധികളെ കുറിച്ച് ജ്യോതി പറയുന്നത് . പ്രത്യേകിച്ചും നിങ്ങളൊരു നടിയാണെങ്കിൽ ആളുകളെ സംബന്ധിച്ചു നിങ്ങളായിരിക്കും തെറ്റുകാരി . ഇങ്ങനെയൊരു സാഹചര്യം വരുമ്പോൾ നിങ്ങൾ എത്ര മനഃകട്ടിയുള്ള ആളാണ് എങ്കിലും തകർന്നുപോകും. ബോൾഡ്നെസ്സ് ഒക്കെയുണ്ടാകും പക്ഷേ, അനുഭവങ്ങളിലൂടെ കടന്നുപോകുന്നത് നമ്മൾ ആണല്ലോ.

എപ്പോഴും കരഞ്ഞു നിലവിളിച്ചു കൊണ്ടിരിക്കുകയായിരുന്നു എന്നല്ല. പക്ഷെ മാനസികമായി തകർന്നിരുന്നു. ചില സമയത്ത് ചില ചിന്തകൾ വല്ലാതെ അലട്ടും. വാട്ട് ആർ വീ ഡൂയിങ് വാട്ട്സ് ദി പർപ്പസ് ഇത്രയെല്ലാം നമ്മൾ ചെയ്തിട്ടും വെയർ വീ ഹാവ് എന്ഡഡ് അങ്ങനെ വിചാരിച്ചും തളർന്നു പോയ സമയം ഉണ്ടായിരുന്നു. ആ സമയങ്ങളിൽ ഒരുപാട് പിന്തുണ തന്ന നല്ല സുഹൃത്തായിരുന്നു അമലെന്ന് ജ്യോതിർമയി പറയുന്നു.

എന്റെ കാര്യത്തിൽ വളരെ വിഷമിച്ചു അമ്മ കഴിയുന്ന അവസരത്തിലാണ്, അമലുമായുള്ള ബന്ധം അറിയുന്നത്. വളരെ ആശ്വാസം ആയി എന്നാണ് അമ്മ പറഞ്ഞത്. അമലിന്റെ വീട്ടിലും അങ്ങനെ തന്നെ ആയിരുന്നു. കല്യാണം ആഘോഷം ആക്കണ്ട ജീവിതം ആഘോഷം ആക്കാൻ ആണ് അമലിന്റെ അമ്മ പറഞ്ഞത്. രജിസ്ട്രാർ വീട്ടിൽ വന്നു ഒപ്പിടുകയിരുന്നു. അത്രയും ലളിതം ആയിരുന്നു വിവാഹം.

അദ്ദേഹത്തിന്റെ കൂടെയുള്ളപ്പോൾ വളരെ റിലാക്സ്ഡ് ആണ്. എല്ലാം അമൽ നോക്കിക്കൊള്ളും. അമലിന്റെ സാമിപ്യം ഒരു തണൽ വൃക്ഷം പോലെയാണ്. നമ്മളെ വിട്ടിട്ടു പോവുകയില്ല സ്നേഹത്തോടെ കൂടെ ഉണ്ടാകും എന്ന വിശ്വാസം ആണ്. അത് വളരെ വലിയ ഫീൽ ആണ്. എല്ലാ ഇഷ്ടങ്ങളും ഞങ്ങൾക്ക് ഒരേപോലെയാണെന്നും ജ്യോതി പറയുകയാണ്