Bollywood
എന്നാണ് നിങ്ങള് വിവാഹം കഴിക്കുക? തമിഴ് പയ്യന്മാര്ക്ക് ചാന്സ് ഉണ്ടോ? മറുപടിയുമായി തമന്ന
എന്നാണ് നിങ്ങള് വിവാഹം കഴിക്കുക? തമിഴ് പയ്യന്മാര്ക്ക് ചാന്സ് ഉണ്ടോ? മറുപടിയുമായി തമന്ന
വിവാഹത്തേക്കുറിച്ചുള്ള ആരാധകന്റെ ചോദ്യത്തിന് മറുപടി നൽകി നടി തമന്ന.
ഒരു ചടങ്ങിനിടെയാണ് ആരാധകന്റെ ചോദ്യം എത്തിയത്. എന്നാണ് നിങ്ങള് വിവാഹം കഴിക്കുക? തമിഴ് പയ്യന്മാര്ക്ക് ചാന്സ് ഉണ്ടോ? എന്നായിരുന്നു ചോദ്യം. അതൃപ്തി വ്യക്തമാക്കിക്കൊണ്ടായിരുന്നു നടിയുടെ മറുപടി. തന്റെ മാതാപിതാക്കള്പോലും വിവാഹത്തേക്കുറിച്ച് ചോദിക്കാറില്ല എന്നായിരുന്നു താരം പറഞ്ഞത്. തന്റെ ഇപ്പോഴത്തെ ജീവിതത്തില് സന്തോഷവതിയാണെന്നും തമന്ന പറഞ്ഞു.
അടുത്തിടെയാണ് ബോളിവുഡ് നടന് വിജയ് വര്മയുമായി താരം പ്രണയത്തിലാണെന്ന വാര്ത്തകള് വന്നത്. വിജയുമായുള്ള ബന്ധത്തേക്കുറിച്ച് താരം തുറന്നു പറയുകയും ചെയ്തിരുന്നു.
ലസ്റ്റ് സ്റ്റോറീസ് 2വിന്റെ ലൊക്കേഷനില് വച്ചാണ് തമന്നയും വിജയ് വര്മയും പരിചയപ്പെടുന്നത്. തുടര്ന്ന് ബന്ധം പ്രണയമാവുകയായിരുന്നു. വിജയ് ആണ് തന്റെ ഹാപ്പി പ്ലെയ്സ് എന്ന് തമന്ന തുറന്നു പറഞ്ഞിരുന്നു. തമിഴിലും ഹിന്ദിയിലുമായി തിരക്കിലാണ് തമന്ന. സുന്ദര് സി നായകനാവുന്ന അരന്മനൈ 4 ആണ് പുതിയ ചിത്രം. കൂടാതെ ബാന്ദ്ര എന്ന ചിത്രത്തിലൂടെ മലയാളത്തിലേക്ക് അരങ്ങേറ്റം കുറിക്കാനുള്ള തയാറെടുപ്പിലാണ്.