ഓൺലൈൻ തട്ടിപ്പിന് ഇരയായി; വെളിപ്പെടുത്തി നടി ശുഭാംഗി ആത്രേ.

താൻ ഒരു ഒരു ഓൺലൈൻ തട്ടിപ്പിന് ഇരയായെന്ന് നടി ശുഭാംഗി ആത്രേ. നടി സൈബർ സെല്ലിൽ പരാതി നൽകുകയും ചെയ്തു. അടുത്തിടെ നൽകിയ ഒരു അഭിമുഖത്തിലാണ് താൻ എങ്ങനെയാണ് വഞ്ചിക്കപ്പെട്ടതെന്നും അത്തരം ഓൺലൈൻ തട്ടിപ്പുകളെക്കുറിച്ച് എങ്ങനെ ജാഗ്രത പാലിക്കാമെന്നും വിശദീകരിച്ചത്. പ്രമുഖ ഫാഷൻ ബ്രാൻഡിന്റെ സൈറ്റിലെ ഇടപാടിന് ശേഷമാണ് തട്ടിപ്പിനിരയായതെന്ന് താരം പറഞ്ഞു.

‘ഞാൻ സെപ്തംബർ എട്ടിന് ഒരു പ്രശസ്ത ഫാഷൻ വെബ്‌സൈറ്റിൽ നിന്ന് കുറച്ച് ഇനങ്ങൾ ഓർഡർ ചെയ്യുകയായിരുന്നു. ഓർഡർ നൽകിയതും, എനിക്ക് അവരിൽ നിന്ന് ഒരു കോൾ ലഭിച്ചു. എന്റെ വിലാസവും മൂന്ന് വർഷമായി ഞാൻ അവരുടെ ഉപഭോക്താവായിരുന്നു എന്ന വസ്തുതയും പരാമർശിക്കുന്നതിനിടയിൽ എന്റെ ഓർഡറിന്റെ പൂർണ്ണ വിവരങ്ങൾ അവർ എനിക്ക് കൈമാറി…

ആ കച്ചവട സ്ഥാപനത്തിന്റെ പക്കൽ മാത്രം ഉണ്ടാവേണ്ട എന്റെ എല്ലാ വിവരങ്ങളും അവർക്കുണ്ടായിരുന്നതിനാൽ, അത് ഒരു യഥാർത്ഥ കോളായി തോന്നി. തുടർന്ന് ജിഎസ്ടി തുക മാത്രം അടക്കാൻ നിർദേശിച്ചു. GST തുക അടയ്‌ക്കുമ്പോൾ നിരവധി ഇടപാടുകൾ നടന്നു, ഈ പ്രക്രിയയിൽ അവർ എന്റെ അക്കൗണ്ടിൽ നിന്ന് പണം പിൻവലിച്ചു’- ശുഭാംഗി പറഞ്ഞു.

താൻ കബളിപ്പിക്കപ്പെട്ടുവെന്ന് മനസിലാക്കിയ നടി ഉടൻ തന്നെ തന്റെ കാർഡുകൾ ഡീആക്ടിവേറ്റ് ആക്കിയതായി പറഞ്ഞു. സംഭവത്തെക്കുറിച്ച് സൈബർ പോലീസിൽ പരാതിപ്പെട്ട അവർ മറ്റുള്ളവരെ കബളിപ്പിക്കുന്നതിന് മുമ്പ് കുറ്റവാളികളെ പിടികൂടാൻ നടപടിയെടുക്കുമെന്ന് പ്രതീക്ഷിക്കുന്നു എന്നും പറഞ്ഞു.