‘‘വളരെ നന്ദിയുണ്ട്, ദൈവം എനിക്കൊരു അമൂല്യ രത്നം നൽകി’’അർജുന്‍ ആരാണ് എന്ന ചോദ്യത്തിനുള്ള ഉത്തരം ഇതാണ്!

ടിക് ടോക് വിഡ‍ിയോകളിലൂടെ പ്രേക്ഷക ഹൃദയം കവർന്ന താരമാണ് സൗഭാഗ്യ വെങ്കിടേഷ്.അസാധ്യമായ അഭിനയമാണ് താരം ടിക്‌ടോക്കിലൂടെ കാഴ്ചവെക്കുന്നത്.അഭിനേതാക്കളായ രാജാറാമിന്റെയും താരാ കല്യാണിന്റെയും മകൾ കൂടിയാണ് സൗഭാഗ്യ.ഇപ്പോൾ ടിക്‌ടോക്കിൽ അമ്മ താരാ കല്യാണും മകൾക്കൊപ്പം എത്താറുണ്ട്.ഡബ്സ്മാഷും ടിക്ടോക്കും കവർ ഗാനങ്ങളുമൊക്കെയായി സൗഭാഗ്യയ്ക്കൊപ്പം സൃഹൃത്ത് അർജുന്‍ സോമശേഖറും പ്രേക്ഷകരുടെ പ്രിയം നേടിയെടുത്തിട്ടുണ്ട്. ഇപ്പോൾ ഇരവരും ഒന്നിച്ചുള്ള ഒരു ചിത്രം സമൂഹമാധ്യമങ്ങളിൽ വൈറലാവുകയാണ്. പത്മനാഭസ്വാമി ക്ഷേത്രത്തിൽ നിന്നു പകർത്തിയ ചിത്രം സൗഭാഗ്യയാണ് ഇൻസ്റ്റഗ്രാമിലൂടെ പോസ്റ്റ് ചെയ്തത്.

ദീപാലങ്കൃതമായ ക്ഷേത്രത്തിൽ നർത്തകിയുടെ വേഷം ധരിച്ചാണ് സൗഭാഗ്യ നിൽക്കുന്നത്. കുർത്തിയും മുണ്ടുമാണ് അർജുന്റെ വേഷം. ‘‘സന്തോഷം നൽകുന്ന സ്ഥലം, ഇവിടെയാണ് എല്ലാം ആരംഭിച്ചത്….വിധി….ദൈവം എന്താണ് കരുതിവച്ചിരിക്കുന്നതെന്ന് നിങ്ങൾക്ക് അറിയാനാവില്ല. പക്ഷേ വിശ്വസിക്കൂ, എന്തു തന്നെയായാലും അതു മികച്ചതായിരിക്കും…പത്മനാഭ സ്വാമി തമ്പുരാനേ ശരണം…’’ ചിത്രത്തിനൊപ്പം സൗഭാഗ്യ കുറിച്ചു.ഇതേ സ്ഥലത്തു നിന്ന് അർജുനൊപ്പമെടുത്ത മറ്റൊരു ചിത്രവും പങ്കുവച്ചിട്ടുണ്ട്. ‘‘വളരെ നന്ദിയുണ്ട്, ദൈവം എനിക്കൊരു അമൂല്യ രത്നം നൽകി’’– എന്നാണ് ഈ ചിത്രത്തിനൊപ്പം കുറിച്ചിട്ടുള്ളത്.

അർജുന്‍ ആരാണ് എന്ന ചോദ്യത്തിന് സമയമാകുമ്പോൾ പറയാം എന്ന മറുപടിയാണ് സൗഭാഗ്യ ഒരു അഭിമുഖത്തിൽ നൽകിയത്.എന്നാൽ ഇപ്പോൾ സമൂഹ മാധ്യമങ്ങളിൽ ഇരുവരും പ്രണയത്തിലാണോ എന്ന തരത്തിലാണ് വാർത്തകൾ പ്രചരിക്കുന്നത്. വിവാഹസൂചനയാണോ ഇതെന്ന സംശയം ആരാധകര്‍ സമൂഹമാധ്യമങ്ങളില്‍ പങ്കുവയ്ക്കുന്നുണ്ട്.

about saubhagya venkidesh