Malayalam
എല്ലാം അമ്മയോട് പറയണമെന്നുണ്ടായിരുന്നു, അമ്മയുടെ കയ്യില് നിന്ന് കൂടി അടി കിട്ടുമോ എന്നായിരുന്നു എന്റെ പേടി; കുട്ടിക്കാല ഓര്മ്മ പങ്കുവെച്ച് നവ്യ നായര്
എല്ലാം അമ്മയോട് പറയണമെന്നുണ്ടായിരുന്നു, അമ്മയുടെ കയ്യില് നിന്ന് കൂടി അടി കിട്ടുമോ എന്നായിരുന്നു എന്റെ പേടി; കുട്ടിക്കാല ഓര്മ്മ പങ്കുവെച്ച് നവ്യ നായര്
മലയാളികളുടെ ഏറെ പ്രിയപ്പെട്ട നടിമാരില് ഒരാളാണ് നവ്യ നായര്. ദിലീപിന്റെ നായികയായി ഇഷ്ടം എന്ന ചിത്രത്തിലൂടെയാണ് നവ്യ മലയാള സിനിമ രംഗത്ത് എത്തുന്നത്. സിനിമയില് ഇപ്പോള് സജീവമല്ലെങ്കിലും സോഷ്യല് മീഡിയയില് വളരെ സജീവമായ താരം ഇടയ്ക്കിടെ തന്റെ ചിത്രങ്ങളും വിശേഷങ്ങളും എല്ലാം പങ്കുവെച്ച് എത്താറുണ്ട്. വിവാഹത്തോടെ സിനിമയില് നിന്ന് നവ്യ ഇടവേളയെടുത്തിരുന്നു. ശേഷം സീന് ഒന്ന് നമ്മുടെ വീട് എന്ന സിനിമയിലൂടെയാണ് തിരിച്ചെത്തിയത്.
ശേഷം ചില കന്നട സിനിമകളിലും നവ്യ അഭിനയിച്ചിരുന്നു. നീണ്ട നാളുകള്ക്ക് ശേഷം ഒരുത്തീ എന്ന സിനിമയിലൂടെ വീണ്ടും മലയാളത്തില് സജീവമായിരിക്കുകയാണ് നവ്യാ നായര്. വി.കെ.പ്രകാശ് സംവിധാനം ചെയ്ത ചിത്രം മികച്ച പ്രതികരണമാണ് സ്വന്തമാക്കിത്. താരത്തിന്റെ വിശേഷങ്ങളെല്ലാം തന്നെ വളരെപ്പെട്ടെന്നാണ് വൈറലായി മാറുന്നത്.
ഇപ്പോഴിതാ മുന്പ് ഒരിക്കല് നവ്യാ നായര് പങ്കുവച്ച തന്റെ സ്കൂള് ഓര്മ്മകളാണ് സോഷ്യല് മീഡിയയില് വീണ്ടും വൈറലാകുന്നത്. ഒരു കുട്ടിയുടെ ഭീഷണി കാരണം ഒരു വര്ഷം ഭയന്നിരുന്ന രസകരമായ കാര്യങ്ങള് ആയിരുന്നു നവ്യാ നായര് പങ്കുവെച്ചത്. ഒന്നാം ക്ലാസിലാണ് ഞാന് അന്ന് പഠിക്കുന്നത്. കായംകുളത്തെ ഞങ്ങളുടെ വീടിന്റെ തൊട്ടടുത്താണ് സെന്റ്മേരീസ് ഗേള്സ് ഹൈസ്കൂള്.
സ്കൂളില് എല്ലാവരും പരസ്പരം ഫുള് നെയിം ആണ് വിളിക്കുന്നത്. എടീ പോടീ എടോ ഇത്തരം വിളികള് ഒന്നുമില്ല. ഒരു ദിവസം എന്തോ പറഞ്ഞപ്പോള് തൊട്ടടുത്തിരുന്ന കുട്ടിയോട് താനൊന്ന് പോടോ എന്ന് വെറുതേ പറഞ്ഞു. അത് ആ കുട്ടി വലിയ പ്രശ്നമാക്കി. കുട്ടി വലിയ പ്രശ്നമായി എടുത്തതോടെ ഞാനും എന്തോ തെറ്റ് ചെയ്തുവെന്ന ഭാവം എനിക്കും വന്നു. പോടോ എന്ന് വിളിച്ചത് ടീച്ചറോട് പറയാതിരിക്കണമെങ്കില് എന്റെ ഇന്റര്വെല് സ്നാക്സ് കൊടുക്കണമെന്നാണ് ആ കുട്ടി ആവശ്യപ്പെട്ടത്.
ടീച്ചറോട് പറയാതിരിക്കാന് കൊടുക്കേണ്ടി വന്നത് എന്റെ ഒരു വര്ഷത്തെ എന്റെ ഇന്റര്വെല് സ്നാക്സാണ്. ചെറിയ കുട്ടികള്ക്ക് ഇന്റര്വെല്ലിന് കഴിക്കാന് സ്നാക്സ് കൊണ്ടുപോകുന്ന പതിവ് ഉണ്ടായിരുന്നു. ആ കൊല്ലം മുഴുവന് ഞാന് കൊണ്ടു വരുന്ന സ്നാക്സ് ആ കുട്ടിയുടെ ഭീഷണി ഭയന്ന് അവള്ക്ക് കൊടുക്കും. ഞാന് ഒന്നും കഴിക്കാതെയിരിക്കും. വീട്ടില് സ്പെഷല് സ്നാക്സ് വാങ്ങുമ്പോള് അമ്മ അതെടുത്ത് മാറ്റി വയ്ക്കും. എന്നിട്ട് എന്നോട് പറയും, നാളെ സ്കൂളില് പോകുമ്പോള് തരാമെന്ന്.
എന്റെ പൊന്നമ്മേ കൊണ്ടു പോകുന്നതൊന്നും എനിക്ക് കഴിക്കാന് പറ്റില്ല എന്ന് പറയണമെന്നുണ്ട്. അമ്മയുടെ കയ്യില് നിന്ന് കൂടി അടി കിട്ടുമോ എന്നായിരുന്നു എന്റെ പേടി. അതുകൊണ്ട് ആ രഹസ്യം ഞാന് ആരോടും പറഞ്ഞില്ല. ചുരുക്കി പറഞ്ഞാല് ഒരു കൊല്ലം എന്റെ സ്നാക്സ് മുഴുവന് അവള് കഴിച്ചു. പരീക്ഷ ഒക്കെ വരുമ്പോള് അവള്ക്കറിയാത്തത് ഒക്കെ ഞാന് കാണിച്ചു കൊടുക്കണം. രണ്ടാം ക്ലാസ് ആയപ്പോള് ആ കുട്ടി വേറെ ക്ലാസിലായി. അന്നു മുതലാണ് ഞാന് ശ്വാസം നേരെ വിട്ടത് എന്നും നവ്യ നായര് പറയുന്നു.
അതേസമയം, മലയാള സിനിമയില് തന്നെ ഒതുക്കാനുള്ള ശ്രമങ്ങള് നടന്നിട്ടുണ്ട് എന്നും നവ്യ നായര് പറയുകയുണ്ടായി. തനിക്കെതിരെ അത്തരത്തില് ചിലര് പ്രവര്ത്തിച്ചിരുന്നതായി പറഞ്ഞു കേട്ടിട്ടുണ്ടെന്നും അവര് പറഞ്ഞു. ഇന്നത്തെ സിനിമയില് അഭിനേതാക്കളുടെ അവസരം നിഷേധിക്കുന്ന പ്രവണതയില്ല എന്നാണ് എനിക്ക് തോന്നുന്നത്.
പണ്ട് നായികമാരെ മാറ്റുന്ന പ്രവണത ഉണ്ടായിരുന്നു. എനിക്ക് അത്തരം അനുഭവങ്ങള് ഉണ്ടായിട്ടുണ്ട്. അത് ഞാന് വിശദീകരിക്കുന്നില്ല, പക്ഷേ ഉണ്ടായിട്ടുണ്ട്. എനിക്ക് എതിരെ അത്തരത്തില് പ്രവര്ത്തിച്ചിരുന്നു എന്ന് മറ്റുള്ളവര് പറഞ്ഞു കേട്ടിട്ടുണ്ട്. സിനിമയില് മാറ്റി നിര്ത്തിയതായിട്ട് ഞാന് അറിഞ്ഞിട്ടുണ്ട്’ എന്നും നവ്യ നായര് പറഞ്ഞു.
ഇപ്പോള് മലയാളം സിനിമയിലെ നായികമാര് പരസ്പരം ഏറെ പിന്തുണയ്ക്കുന്നുണ്ട് എന്നും നവ്യ പറയുന്നു. ‘പഴയ കാലത്തേക്കാള് നായികമാര് പരസ്പരം വളരെയേറെ പിന്തുണ നല്കുന്നുണ്ട്. എന്റെ സിനിമയുടെ പുതിയ പോസ്റ്റര് മഞ്ജു ചേച്ചി പ്രേക്ഷകരെ അഭിസംബോധന ചെയ്യുന്ന തരത്തിലാണ് ഒരുക്കിയിരിക്കുന്നത് എന്നും നവ്യ പറഞ്ഞിരുന്നു.
കലോല്സവ വേദിയില് നിന്നുമാണ് നവ്യ സിനിമയിലെത്തിയത്. പിന്നീട് സിബി മലയില് ഒരുക്കിയ ഇഷ്ട്ടം എന്ന സിനിമയില് ദിലീപിന്റെ നായിക ആയി എത്തിയ നവ്യയ്ക്ക് പിന്നീട് സിനിമാ ലോകത്ത് തിരിഞ്ഞു നോക്കേണ്ടി വന്നിട്ടില്ല. രഞ്ജിത്തിന്റെ നന്ദനം എന്ന സിനിമയില് ആയിരുന്നു ഇഷ്ട്ടത്തിന് പിന്നാലെ നവ്യ അഭിനയിച്ചത്. ഇതിലെ ബാലാമണി എന്ന കഥപാത്രത്തിലൂടെ മലയാളികളുടെ മനസ്സില് ഇടം പിടിക്കുക ആയിരുന്നു നവ്യാ നായര്. രണ്ടായിരത്തിന്റെ പകുതിയിലേറെ മലയാള സിനിമയില് നായിക പദത്തില് ഏറ്റവും മുന്നിരയില് ഉയര്ന്നു നിന്നിരുന്ന നടി കൂടിയായിരുന്നു നവ്യാ നായര്. പത്താം ക്ലാസ്സില് പഠിക്കവേ ആണ് താരം സിനിമയില് എത്തിയത്.
നന്ദനം, ഇഷ്ടം, മഴത്തുള്ളികിലുക്കം, കുഞ്ഞിക്കൂനന്, പാണ്ടിപ്പട, ഗ്രാമഫോണ്, പട്ടണത്തില് സുന്ദരന്, ചതിക്കാത്ത ചന്തു, ജലോല്സവം, ചതുരംഗം, തുടങ്ങി നിരവധി ശ്രദ്ധേയമായ സിനിമകളില് നവ്യ നായികയായി എത്തി. തമിഴികത്തും നായികയായി നവ്യ നായര് തിളങ്ങിയിരുന്നു. കേരള സംസ്ഥാന സര്ക്കാരിന്റെ ഏറ്റവും മികച്ച നടിക്കുള്ള അവാര്ഡ് നേടിയ ഒരു നടി കൂടിയാണ് നവ്യ നായര്. വിവാഹത്തിന് ശേഷം മുംബൈയിലേക്ക് താമസം മാറിയ നവ്യ സിനിമകളില് നിന്നും ഒരു ഇടവേള എടുക്കുകയായിരുന്നു.