News
ഉര്വശിയുടെ ഭര്ത്താവ് സംവിധായകനാവുന്നു; കേന്ദ്ര കഥാപാത്രമാകുന്നത് ഉര്വശി
ഉര്വശിയുടെ ഭര്ത്താവ് സംവിധായകനാവുന്നു; കേന്ദ്ര കഥാപാത്രമാകുന്നത് ഉര്വശി
നടി ഉര്വശിയുടെ ഭര്ത്താവ് ശിവപ്രസാദ് സംവിധായകനാവുന്നു. അദ്ദേഹം തന്നെ തിരക്കഥയും സംഭാഷണവുമെഴുതി സംവിധാനം ചെയ്യുന്ന ചിത്രത്തില് കേന്ദ്ര കഥാപാത്രത്തെ അവതരിപ്പിക്കുന്നത് ഉര്വശിയാണ്. എല് ജഗദമ്മ എഴാംക്ലാസ് ബി സ്റ്റേറ്റ് ഫസ്റ്റ് എന്ന് പേരിട്ടിരിക്കുന്ന ചിത്രത്തിന്റെ ടൈറ്റില് പോസ്റ്റര് പുറത്തെത്തി. എവര്സ്റ്റാര് ഇന്ത്യന്സിന്റെ ബാനറില് ഉര്വശി, ഫോസില് ഹോള്ഡിംഗ്സ് എന്നിവര് ചേര്ന്നാണ് ചിത്രത്തിന്റെ നിര്മ്മാണം.
ടൈറ്റില് കഥാപാത്രമായ ജഗദമ്മയെ അവതരിപ്പിക്കുന്ന ഉര്വശിയോടൊപ്പം ഹൃദയം എന്ന ചിത്രത്തിലൂടെ സുപരിചിതനായ കലേഷ് രാമാനന്ദ്, ബാലചന്ദ്രന് ചുള്ളിക്കാട്, കോട്ടയം രമേഷ് എന്നിവരും വേഷമിടുന്നു.
പുതുമുഖങ്ങള്ക്ക് ഏറെ പ്രാധാന്യം നല്കുന്ന ചിത്രമായിരിക്കും ഇതെന്നും അണിയറക്കാര് അറിയിക്കുന്നു. അനില് നായര് ആണ് ഛായാഗ്രഹണം. അന്വര് അലി എഴുതിയ വരികള്ക്ക് കൈലാസ് മേനോന് സംഗീതം പകരുന്നു.
എഡിറ്റിംഗ് ഷൈജല്, പ്രൊഡക്ഷന് കണ്ട്രോളര് ഷാഫി ചെമ്മാട്, ചീഫ് അസോസ്സിയേറ്റ് ഡയറക്ടര് റെജിവാന് അബ്ദുല് ബഷീര്, കലാസംവിധാനം രാജേഷ് മേനോന്, കോസ്റ്റ്യൂംസ് കുമാര് എടപ്പാള്, മേക്കപ്പ് ഹസ്സന് വണ്ടൂര്, പ്രൊഡക്ഷന് എക്സിക്യൂട്ടീവ് ശ്രീക്കുട്ടന് ധനേശന്, സ്റ്റില്സ് നന്ദു ഗോപാലകൃഷ്ണന്, പോസ്റ്റര് ഡിസൈനിംഗ് ജയറാം രാമചന്ദ്രന്, പി ആര് ഒ എ എസ് ദിനേശ്.
