കഴിഞ്ഞ ഒന്‍പത് വര്‍ഷം കൊണ്ട് ഞങ്ങള്‍ രണ്ടു പേര് എന്നത് നാലുപേരായി വളര്‍ന്നു; എന്റെ നിലനില്‍പിന്റെയും സന്തോഷത്തിന്റെയും പ്രധാന കാരണം ഇത് തന്നെ ; വിവാഹ വാര്‍ഷികത്തിന് ടൊവിനോ പങ്കുവച്ച പോസ്റ്റ് വൈറൽ
മലയാളികൾക്ക് ഏറെ ഇഷ്ടമുള്ള താരമാണ് ടൊവിനോ തോമസ് . ഇന്ന് മലയാള സിനിമയ്ക്ക് അഭിമാനമായി വളര്‍ന്നുകൊണ്ടിരിയ്ക്കുകയാണ് ടൊവിനോ മിന്നല്‍ മുരളി എന്ന സിനിമയിലൂടെ ഇന്ത്യയിലുടനീളം ടൊവിനോ ഒരു പേര് ഉണ്ടാക്കിയെടുത്തിരുന്നു. 2018 എന്ന സിനിമയിലൂടെ ഇന്റര്‍നാഷണല്‍ പുരസ്‌കാരവും വാങ്ങി. കരിയറിന്റെ ഏറ്റവും പീക്കില്‍ നില്‍ക്കുകയാണിപ്പോള്‍ ടൊവിനോ. വളരെ ശ്രദ്ധിച്ചാണ് ഓരോ സിനിമയും തിരഞ്ഞെടുക്കുന്നത്.
കരിയറില്‍ മാത്രമല്ല, വ്യക്തി ജീവിതത്തിലും ടൊവിനോ ഹാപ്പിയാണ്. വെഡ്ഡിങ് ആനിവേഴ്‌സറി ദിവസം ടൊവിനോ പങ്കുവച്ച പോസ്റ്റ് അത് സാക്ഷ്യപ്പെടുത്തുന്നതാണ്. സിനിമയിലും കരിയറിലും തനിക്ക് എത്ര തന്നെ ഉയരങ്ങളിലെത്താന്‍ കഴിഞ്ഞാലും, തന്റെ എല്ലാ സന്തോഷത്തിന്റെയും അടിവേര് കുടുംബത്തില്‍ നിന്നാണെന്ന് ടൊവിനോ പറയുന്നു.
പ്രണയിക്കുന്ന കാലം മുതല്‍ ഇതുവരെയുള്ള ചിത്രങ്ങള്‍ കോര്‍ത്തിണക്കിയ ഒരു ബ്ലാക്ക് ആന്റ് വൈറ്റ് വീഡിയോയ്‌ക്കൊപ്പമാണ് ടൊവിനോയുടെ പോസ്റ്റ്. ആ മാറ്റം ചിത്രങ്ങളില്‍ കാണാം. രണ്ടില്‍ നിന്ന് നാലായി, ജോഡിയില്‍ നിന്ന് ഞങ്ങളൊരു ടീമായി- എന്നാണ് ടൊവിനോ പറയുന്നത്.
കഴിഞ്ഞ ഒന്‍പത് വര്‍ഷം കൊണ്ട് ഞങ്ങള്‍ രണ്ടു പേര് എന്നത് നാലുപേരായി വളര്‍ന്നു. ഒരു ജോഡി എന്നത് ഒരു ടീമായി. എണ്ണിയാല്‍ തീരാത്ത അത്രയും ഓര്‍മകള്‍ ഞങ്ങള്‍ നെയ്തു, എല്ലാ ചെറിയ, നേര്‍ത്ത വരകളിലൂടെയും ഞങ്ങള്‍ ഒന്നിച്ച് കടന്നുപോയി. തിരിച്ച്, എപ്പോഴും ഞങ്ങള്‍ ഒരുമിച്ച് തന്നെയാണെന്ന് ഉറപ്പാക്കി. സംശയമില്ലാതെ പറയാം, എന്റെ നിലനില്‍പിന്റെയും സന്തോഷത്തിന്റെയും പ്രധാന കാരണം ഇത് തന്നെ. ഹാപ്പി ആനിവേഴ്‌സറി’ എന്നാണ് ടൊവിനോയുടെ പോസ്റ്റ്
സ്‌കൂള്‍ കാലം മുതലുള്ള പ്രണയമായിരുന്നു ലിഡിയയുടെയും ടൊവിനോയുടെയും. പഠനം കഴിഞ്ഞ് എന്‍ജിനിയറായി ജോലിയ്ക്ക് കയറി, അതുപേക്ഷിച്ച് സിനിമയ്ക്ക് വേണ്ടി അലയുമ്പോഴും ലിഡിയ തന്ന പിന്തുണയെ കുറിച്ച് പലപ്പോഴും ടൊവിനോ പറഞ്ഞിട്ടുണ്ട്. 2014 ല്‍ ആണ് ഇരുവരുടെയും വിവാഹം കഴിഞ്ഞത്
