Connect with us

‘ഇത് തോമാച്ചായന്റെ പുതു പുത്തന്‍ റെയ്ബാന്‍ ഗ്ലാസ്’; റീ റിലീസിന് ഒരുങ്ങി ‘സ്ഫടികം’

News

‘ഇത് തോമാച്ചായന്റെ പുതു പുത്തന്‍ റെയ്ബാന്‍ ഗ്ലാസ്’; റീ റിലീസിന് ഒരുങ്ങി ‘സ്ഫടികം’

‘ഇത് തോമാച്ചായന്റെ പുതു പുത്തന്‍ റെയ്ബാന്‍ ഗ്ലാസ്’; റീ റിലീസിന് ഒരുങ്ങി ‘സ്ഫടികം’

മോഹന്‍ലാലിന്റെ സ്ഫടികവും റെയ്ബാന്‍ ഗ്ലാസും മറക്കാന്‍ മലയാളികള്‍ക്കാവില്ല. ‘സ്ഫടികം’ സിനിമയുടെ റി റിലീസ് വാര്‍ത്തകള്‍ പുറത്ത് വന്നതു മുതല്‍ ആവേശഭരിതരായി കാത്തിരിക്കുകയാണ് ആരാധകര്‍. തങ്ങളുടെ പ്രിയപ്പെട്ട തോമാച്ചായനെ ബിഗ്‌സ്‌ക്രീനില്‍ വീണ്ടും കാണാനുള്ള ആകാംക്ഷയിലാണ്.

ഇപ്പോഴിതാ മോഹന്‍ലാലിന് പുതുപുത്തന്‍ റെയ്ബാന്‍ ഗ്ലാസ് സമ്മാനിച്ചിരിക്കുകയാണ് സംവിധായകന്‍ ഭദ്രന്‍. മോഹന്‍ലാല്‍ റെയ്ബാന്‍ ഗ്ലാസ് അണിഞ്ഞ് ഡബ് ചെയുന്ന ചിത്രങ്ങള്‍ സോഷ്യല്‍ മീഡിയയില്‍ വൈറലാണ്. സിനിമയിലെ മോഹന്‍ലാല്‍ തന്നെ പാടി അഭിനയിച്ച സൂപ്പര്‍ഹിറ്റ് ഗാനമായ ‘ഏഴിമല പൂഞ്ചോല’ എന്ന ഗാനത്തിന് പുതിയ പതിപ്പ് താരം തന്നെ പാടുന്നുവെന്നാണ് വിവരം.

ഈ പാട്ട് റെക്കോര്‍ഡ് ചെയ്യുന്നതിനു വേണ്ടിയാണ് മോഹന്‍ലാല്‍ എത്തിയതെന്നും അതിമനോഹരമായി അദ്ദേഹം പാട്ട് ആലപിച്ചിട്ടുണ്ടെന്നും റിപ്പോര്‍ട്ടുകളുണ്ട്. എന്നാല്‍ ഔദ്യോഗിക വിവരങ്ങളൊന്നും തന്നെ ലഭ്യമല്ല. ‘സ്ഫടികം’ സിനിമയുടെ റി മാസ്റ്റര്‍ ചെയ്ത പുതിയ പതിപ്പ് ഫെബ്രുവരി ഒന്‍പതിന് തിയേറ്ററുകളിലെത്തും. ഒരു കോടി രൂപ മുകളില്‍ നിര്‍മാണ് ചിലവുമായാണ് ‘സ്ഫടികം’ ഫോര്‍ കെ പതിപ്പ് എത്തുന്നത്.

പഴയതില്‍ നിന്നും വ്യത്യസ്തമായി കൂടുതല്‍ തെളിവോടെയും മിഴിവോടെയും ഫോര്‍ കെ അറ്റ്‌മോസ് മിക്‌സിലാണ് ‘സ്ഫടികം’ റിലീസ് ചെയുന്നത്. ചെന്നൈയില്‍ പ്രിയദര്‍ശന്റെ ഉടമസ്ഥതയിലുള്ള ഫോര്‍ ഫ്രെയിംസ് സ്റ്റുഡിയോയില്‍ വച്ചാണ് റീ മാസ്റ്ററിങ് പൂര്‍ത്തിയായത്. ദേശീയ പുരസ്‌കാര ജേതാവു കൂടിയായ സൗണ്ട് ഡിസൈനര്‍ രാജാകൃഷ്ണനാണ് ശബ്ദവിഭാഗം കൈകാര്യം ചെയ്തിരിക്കുന്നത്.

More in News

Trending