നവാഗത സംവിധായകര്‍ക്കും, കലാമൂല്യമുള്ള ചിത്രങ്ങള്‍ക്കും എക്കാലവും പ്രാമുഖ്യം നല്‍കിയ നിര്‍മാതാവാണ് പിവി ഗംഗാധരന്‍. നവാഗത സംവിധായകന്, പുതുമുഖ അഭിനേതാക്കള്‍, റിസ്‌കി പ്രമേയം ഒക്കെയായിട്ടും തനിക്കൊപ്പം നിന്ന നിര്‍മ്മാതാവാണ് പി.വി. ഗംഗാധരനെന്ന് സംവിധായകന് റോഷന്‍ ആന്‍ഡ്രൂസ് അനുസ്മരിച്ചു. അദ്ദേഹത്തിന്റെ രണ്ടാമത്തെ ചിത്രം നോട്ട്ബുക്ക് നിര്‍മിച്ചത് ഗൃഹലക്ഷ്മി പ്രൊഡക്ഷന്‍സായിരുന്നു.
‘ഉദയനാണ് താരം എന്ന ആദ്യ സിനിമ വിജയമായതോടെ രണ്ടാമത്തെ ചിത്രം പുതുമുഖങ്ങളെ വെച്ച് ചെയ്യണമെന്ന് തീരുമാനിച്ചതിന്റെ ഭാഗമായാണ് ബോബിസഞ്ജയ് തിരക്കഥയില്‍ നോട്ട്ബുക്ക് സിനിമയെടുക്കുന്നത്. സാബുചെറിയാനാണ് എനിക്ക് പി.വി.ജിയെ പരിചയപ്പെടുത്തുന്നത്. ഭാര്യയും മക്കളും കൊച്ചുമക്കളുമൊക്കെയായി കുടുംബത്തോടെയിരുന്ന് സിനിമയുടെ കഥ കേള്‍ക്കുന്ന ഒരു നിര്‍മ്മാതാവിനെ അന്നാദ്യമായാണ് ഞാന്‍ കാണുന്നത്’ എന്നും റോഷന്‍ ആന്‍ഡ്രൂസ് ഓര്‍ക്കുന്നു.
നോട്ട്ബുക്ക് സിനിമ വലിയവിജയമാക്കിയതിന്റെ മുഴുവന്‍ ക്രെഡിറ്റും ഗൃഹലക്ഷ്മി പ്രൊഡക്ഷന്‍സിനും പി.വി.ജിയ്ക്കും അവകാശപ്പെട്ടതാണെന്ന് റോഷന്‍ ആന്‍ഡ്രൂസ് പറഞ്ഞു. ‘2007ല്‍ ആണ് സിനിമ ചെയ്യുന്നത്. നോട്ട്ബുക്കില്‍ ചിത്രീകരിച്ച ആ സ്‌കൂള്‍ കിട്ടാന്‍ നല്ല പ്രയാസമായിരുന്നു. ഒറ്റ ദിവസത്തേയ്ക്ക് രണ്ട് ലക്ഷത്തോളം രൂപ വാടകയും.
പക്ഷേ, സിനിമയുടെ പ്രധാനഭാഗം നടക്കുന്നതത്രയും അവിടെയാണ്. അത് പി.വി.ജി സര്‍ കൃത്യമായി മനസിലാക്കുകയും ആ സ്‌കൂള്‍ ലഭ്യമാക്കുകയും ചെയ്തു. സിനിമയ്ക്കാവശ്യമുള്ളതെല്ലാം യാതൊരു മടിയുമില്ലാതെ ചെയ്തുതരുന്ന നിര്‍മ്മാതാവായിരുന്നു അദ്ദേഹം. ഗൃഹലക്ഷ്മി എന്ന പേര് സ്‌ക്രീനില്‍ തെളിയുമ്പോള്‍ പോലും സന്തോഷമാണ് ‘ റോഷന്‍ ആന്‍ഡ്രൂസ് പറഞ്ഞു.
‘രണ്ടാമത്തെ ചിത്രം തന്നെ ഗൃഹലക്ഷ്മി പ്രൊഡക്ഷന്‍സിനൊപ്പം ചെയ്യാന്‍ സാധിച്ചു എന്നത് എന്നെ സംബന്ധിച്ച് ഭാഗ്യമാണ്. എന്റേ ഓരോ ചിത്രം പുറത്തിറങ്ങുമ്പോഴും പുരസ്‌കാരങ്ങള്‍ ലഭിക്കുമ്പോഴും മുടങ്ങാതെ വിളിക്കുകയും അഭിനന്ദിക്കുകയും ചെയ്യുന്ന വ്യക്തിയായിരുന്നു അദ്ദേഹം. വിവാഹമടക്കം എന്റെ കുടുംബകാര്യങ്ങളിലും എപ്പോഴും കൂടെയുണ്ടായിരുന്നു ഒരു വ്യക്തികൂടിയായിരുന്നു അദ്ദേഹം’. പുതുമുഖ സംവിധായകന് നല്‍കേണ്ട എല്ലാ പിന്തുണയും നല്‍കുന്ന നിര്‍മാതാവായിരുന്നു പി.വി. ഗംഗാധരനെന്നും അദ്ദേഹത്തിന്റെ വിയോഗം വലിയ നഷ്ടമാണെന്നും റോഷന്‍ ആന്‍ഡ്രൂസ് അനുസ്മരിച്ചു.
മലയാളികളുടെ പ്രിയ നടിയാണ് മഞ്ജു വാര്യർ. മഞ്ജു വാര്യരുടെ മലയാള സിനിമയിലേക്കുള്ള തിരിച്ചുവരവ് മലയാളികൾ ആഘോഷമാക്കിയതും ആണ്. ഇപ്പോൾ സിനിമയിൽ സജീവമാണ്...
നടൻ അജിത്തിന്റെ പിറന്നാളായിരുന്നു കഴിഞ്ഞ ദിവസം. എന്നാലിപ്പോഴിതാ അജിത്തിന്റെ ഭാര്യയും നടിയുമായ ശാലിനി തമിഴ് താരത്തിന് വിലയേറിയ സമ്മാനം നല്കിയെന്നാണ് പുറത്ത്...
മലയാളി പ്രേക്ഷകരുടെ പ്രിയങ്കരനായ നടന് ആണ് ദിലീപ്. കുറച്ച് ദിവസങ്ങള്ക്ക് മുമ്പായിരുന്നു ദിലീപിന്റെ പുതിയ ചിത്രം പവി കെയര്ടേക്കര്’ തിയേറ്ററിലെത്തിയത്. വളരെ...
നടി നവ്യ നായരുടെ ഏറ്റവും പുതിയ ഫോട്ടോഷൂട്ട് ചിത്രങ്ങളാണ് ആരാധകര്‍ ഏറ്റെടുക്കുന്നത്. മകൻ സായിയുടെ ക്യാമറയിൽ മോഡലായി നിൽക്കുന്ന നവ്യയെ ചിത്രങ്ങളിൽ...
മലയാളത്തിലെ ഒട്ടുമിക്ക നായകനടന്മാരുടെ കൂടെയും നായികയായി അഭിനയിക്കാൻ ഭാഗ്യം ലഭിച്ച നായികയാണ് ഭാവന. ഛോട്ടാമുംബെയിൽ ലാലേട്ടന്റെയും ഗ്യാങിന്റെയും ഒപ്പത്തിനൊപ്പം പിടിച്ച് നിന്നതാണ്...
