കേരള ക്രൈം ഫയൽസ് ഒടിടിയിലേക്ക്! റിലീസ് തിയ്യതി പ്രഖ്യാപിച്ചു

ഡിസ്‌നി പ്ലസ് ഹോട്ട്സ്റ്റാറിന്റെ ആദ്യ മലയാളം വെബ് സീരിസ് ‘കേരള ക്രൈം ഫയൽസ് -ഷിജു പാറയിൽ വീട് നീണ്ടകര ‘ ഒ ടി ടിയിൽ. ജൂൺ 23 നു സ്ട്രീമിങ് ആരംഭിക്കും. ഹോട്സ്റ്റാറിലാണ് ഈ ക്രൈം ത്രില്ലർ സ്ട്രീം ചെയ്യുക.

‘കേരളാ ക്രൈം ഫയൽസ് ഷിജു, പാറയിൽ വീട്, നീണ്ടകര’ യിൽ ലാലും അജു വർഗീസും പ്രധാന കഥാപാത്രങ്ങളെ അവതരിപ്പിക്കുന്നു. അത്യന്തം ത്രില്ലിങ്ങായ കാഴ്ചാനുഭവം പ്രേക്ഷകനിലേക്ക് എത്തിക്കാനാണ് അണിയറപ്രവർത്തകരുടെ ശ്രമം. മലയാളം, തമിഴ്, തെലുങ്ക്, ഹിന്ദി, കന്നഡ, ബംഗാളി, മറാത്തി തുടങ്ങി ഒന്നിലധികം ഭാഷകളിൽ സീരീസ് ലഭ്യമാകും.

ഫസ്റ്റ് പ്രിന്റ് സ്റ്റുഡിയോസിന്റെ ബാനറിൽ രാഹുൽ റിജി നായർ നിർമ്മിച്ച് പ്രഗത്ഭ യുവ സംവിധായകനായ അഹമ്മദ് കബീർ സംവിധാനം ചെയ്ത കേരള ക്രൈം ഫയൽസ് ഷിജു, പാറയിൽ വീട്, നീണ്ടകര’ യുടെ തിരകഥാകൃത്ത് ആഷിഖ് ഐമറാണ്. ജിതിൻ സ്റ്റാനിസ്ലോസ് തന്റെ ഛായാഗ്രഹണ മികവിലൂടെ കഥയുടെ സാരാംശം പകർത്തുന്നു . സംഗീതം ഹെഷാം അബ്ദുൾ വഹാബും എഡിറ്റിംഗ് മഹേഷ് ഭുവനചന്ദ്രനും നിർവ്വഹിച്ചിരിക്കുന്നു.

ഡിസ്‌നി + ഹോട്ട്‌സ്റ്റാറിന്റെ മലയാളത്തിലെ ആദ്യത്തെ ഒറിജിനൽ വെബ് സീരീസ് ആയതിനാൽ, നിർമ്മാണ മൂല്യത്തിലും ഗുണനിലവാരത്തിലും വിട്ടുവീഴ്ച ചെയ്യാതെയാണ് കേരള ക്രൈം ഫയൽസ് നിർമ്മിച്ചിരിക്കുന്നത്. കേരളത്തിന്റെ പശ്ചാത്തലത്തിലാണ് കഥ നടക്കുന്നതെങ്കിലും, കേരള ക്രൈം ഫയലുകളുടെ നിർമ്മാണവും കഥപറച്ചിലും ഇന്ത്യയിലെ ജനപ്രിയ വെബ് സീരീസുകൾക്ക് തുല്യമാണ്,’ പരമ്പരയെക്കുറിച്ച് കുറിച്ച് നിർമ്മാതാവ് രാഹുൽ റിജി നായർ പറയുന്നു.