10 തവണയിൽ ഒൻപതു തവണയും ഇഷ്ടപ്രകാരം ചെയ്തു എങ്കിലും പത്തമത്തെ തവണ ശരീരികമായി ഉപദ്രവിച്ചോ ബലം പിടിച്ചോ ലൈംഗികമായി ഉപയോഗിച്ചാൽ അത് ബലാൽസംഗം തന്നെയാണ്… ആ പെൺകുട്ടിയുടെ പരാതിയുമായി കൂട്ടി വായിക്കുമ്പോൾ ആണ് വിജയ് ബാബു വിന്റെ യഥാർത്ഥ മുഖം വായിച്ചെടുക്കാനായത്! സിൻസി അനിലിന്റെ കുറിപ്പ് വൈറൽ

വിജയ് ബാബുവിനെതിരെ മലയാളത്തിലെ യുവ നടി ബലാത്സംഗ ആരോപണവുമായി രംഗത്ത് വന്നതിന് പിന്നാലെ ഈ വിഷയത്തിൽ നിരവധി പേരാണ് അവരുടെ അഭിപ്രായങ്ങളും നിലപാടും വ്യക്തമാക്കി രംഗത്തെത്തിക്കൊണ്ടിരിക്കുന്നത്. ഇപ്പോഴിതാ മാധ്യമപ്രവർത്തകയും സിനിമാ മേഖലയിലുള്ളവരോട് അടുത്ത ബന്ധവും പുലർത്തുന്ന സിൻസി അനിൽ എന്ന വ്യക്തിയുടെ ഫേസ്ബുക്ക് കുറിപ്പാണ് വൈറലായി മാറുന്നത്. സ്ത്രീകൾക്ക് നേരയുള്ള അതിക്രമം ഇയാൾക്ക് പുതുമ ഉള്ളതല്ല, ഇപ്പോഴാണ് ആ പെൺകുട്ടി എഴുതിയ പരാതിയുടെ വിശദമായ വിവരങ്ങൾ വായിക്കുന്നത്…അവർ നേരിട്ടത് ക്രൂരമായ ലൈംഗിക ആക്രമണം തന്നെയാണെന്നാണ് സിൻസി അനിൽ ഫേസ്ബുക്കിൽ കുറിച്ചത്

കുറിപ്പിന്റെ പൂർണ്ണ രൂപം

വിജയ് ബാബു സിനിമയിൽ വേഷം തരാമെന്നു പറഞ്ഞു പല തവണ പീഡിപ്പിച്ചു എന്നാണ് പരാതി എന്നാണ് ഇന്നലെ രാത്രി മാധ്യമങ്ങൾ വാർത്ത കൊടുത്തത്… ആ പരാതി കേട്ടപ്പോൾ ആദ്യം സംശയമാണ് തോന്നിയത്…. പരാതിക്കാരി ആയ നടി ആരാണെന്ന് സുഹൃത്തായ മാധ്യമപ്രവർത്തകനോട് ചോദിച്ചപ്പോൾ അയാളുടെ മറ്റൊരു സിനിമയിലെ നായിക ആണെന്നും പേര് ഇന്നതാണ് എന്നും അറിഞ്ഞു… ഒരു സിനിമയിൽ നായിക ആയി.. അടുത്ത സിനിമയിൽ വേഷം കൊടുക്കാത്തതിൽ പ്രതിഷേധിച്ചു നടി പരാതിയുമായി ഇറങ്ങിയതാണെന്നു സംശയം തോന്നിയത് എനിക്ക് മാത്രമല്ല… പലർക്കും ഉണ്ടായിരുന്നു…

അങ്ങനെ കാലത്തെ ഉണരുമ്പോഴാണ്… നായകന്റെ ലൈവ് ലൂടെ ഉള്ള രംഗപ്രവേശം… അവളാണ് ഡിപ്രെഷൻ ആണെന്ന് പറഞ്ഞു തന്റെ അടുക്കലേക്ക് വന്നതെന്നും താൻ ഇര ആണെന്നും അവൾ സുഖിച്ചു വീട്ടിൽ ഇരിക്കേണ്ട എന്നത് കൊണ്ട് അവളുടെ പേര് ഇന്നതാണ് എന്നും പറഞ്ഞായിരുന്നു ലൈവ്….
അവിടെ ആ പെൺകുട്ടിയുടെ പരാതിയുമായി കൂട്ടി വായിക്കുമ്പോൾ ആണ് വിജയ് ബാബു വിന്റെ യഥാർത്ഥ മുഖം വായിച്ചെടുക്കാനായത്… മുൻപ് സാന്ദ്ര തോമസുമായി ചേർന്ന് സിനിമ നിർമ്മാണ കമ്പനി നടത്തുകയും അതിൽ സാമ്പത്തിക തിരിമറി ഉണ്ടായി എന്ന് പറഞ്ഞു സാന്ദ്ര ഇയാളുമായി വാക്കേറ്റത്തിൽ ഏർപ്പെടുകയും കസേരയോടെ മറിച്ചിട്ട് സാന്ദ്രയെ ദേഹോപദ്രവം ഏല്പിക്കുകയും അയാൾക്കു എതിരെ സാന്ദ്ര കേസ് കൊടുക്കുകയും ചെയ്തതായി കേട്ടിട്ടുണ്ട്…
കേസ് അന്വേഷണത്തിൽ അപ്പോൾ അവിടെ ഉണ്ടായിരുന്ന ജീവനക്കാർ സാന്ദ്രയെ ഉപദ്രവിച്ചില്ല എന്ന് മൊഴി കൊടുത്തു ആ കേസ് ൽ നിന്നും വിജയ് ബാബു ഊരി പോന്നു….പിന്നീട് തന്റെ വിഹിതം വാങ്ങി സാന്ദ്ര വീട്ടിൽ പോരുകയും ചെയ്തു…
പറഞ്ഞു വന്നത് സ്ത്രീകൾക്ക് നേരയുള്ള അതിക്രമം ഇയാൾക്ക് പുതുമ ഉള്ളതല്ല എന്ന് തന്നെയാണ്…
ഇപ്പോഴാണ് ആ പെൺകുട്ടി എഴുതിയ പരാതിയുടെ വിശദമായ വിവരങ്ങൾ വായിക്കുന്നത്…

അവർ നേരിട്ടത് ക്രൂരമായ ലൈംഗിക ആക്രമണം തന്നെയാണ്….അവരുടെ പരാതി ലൈംഗികത നിഷേധിച്ചതിനു ക്രൂരമായി മർദിച്ചു എന്നതാണ്…
അവരുടെ പരാതി കമന്റ്‌ ബോക്സിൽ കൊടുക്കുന്നുണ്ട്…
പരാതി പോലീസ് അന്വേഷിക്കട്ടെ…അത് നമ്മുടെ ജോലി അല്ല…
അയാൾ വിളിച്ചു പറഞ്ഞത് പ്രകാരം പെൺകുട്ടി ആരാണെന്നു എല്ലാവർക്കും മനസിലായി…
അവരെ ഒപ്പം നിർത്തിയില്ലെങ്കിലും അവർക്കെതിരെ സൈബർ ആക്രമണം നടത്താതിരിക്കുന്നത് ഒരു മര്യാദയുടെ ഭാഗമാണ്…
അവർ ഫ്രെയിം ചെയ്ത കഥയാണ് എങ്കിൽ അത് പോലീസ് പറയട്ടെ…

രണ്ടു പേരും കൂടി സമ്മതിച്ചു നടന്ന സെക്സ് നെ ബലാൽസഗം എന്ന് പറയരുതെന്ന അഭിപ്രായം പലയിടത്തും കണ്ടു…
10 തവണയിൽ ഒൻപതു തവണയും ഇഷ്ടപ്രകാരം ചെയ്തു എങ്കിലും പത്തമത്തെ തവണ ശരീരികമായി ഉപദ്രവിച്ചോ ബലം പിടിച്ചോ ലൈംഗികമായി ഉപയോഗിച്ചാൽ അത് ബലാൽസംഗം തന്നെയാണ്…
ദാമ്പത്യജീവിതത്തിൽ പോലും പങ്കാളിക്ക് താല്പര്യമില്ലാതെ സെക്സ് ബലം പിടിച്ചു നടത്തിയാൽ അത് റേപ്പ് തന്നെയാണ്…
പോലീസ് അവരുടെ ജോലി ചെയ്യട്ടെ…
ആ പെണ്ണിനെ വാക്കുകൾ കൊണ്ട് എല്ലാരും കൂടി ഇനിയും ബലാത്സംഗം ചെയ്യ്യാതിരിക്കു….
അതുകൊണ്ട് വിജയ് ബാബു ഫാൻസ്‌ ഒന്ന് പൊടിക്ക് അടങ്ങു.😬😬😬😬😬