എല്ലാത്തിനും കാരണം മഞ്ജുവാണെന്ന് വരുത്തിത്തീർക്കുന്നു! ദൈവം കൊടുക്കുന്ന അനുഗ്രഹങ്ങൾ അത് ആർക്കായാലും നശിപ്പിച്ചു കളയാൻ ആവില്ല, പക്ഷെ ആ തെളിവ് വിരൽചൂടുന്നത്!

മനോഹരമായ എഴുത്തുകളിലൂടെ സോഷ്യൽ മീഡിയയിൽ തന്റേതായ ഇടം കണ്ടെത്തിയ ഒരാളാണ് സിൻസി അനിൽ എന്ന യുവതി. തനിക്ക് പറയാനുള്ള കാര്യങ്ങൾ പല വട്ടം തൻറെ എഴുത്തിലൂടെ പുറം ലോകത്തെ അറിയിച്ചു കൈയ്യടി വാങ്ങിയിട്ടുണ്ട് സിൻസി. ഇപ്പോഴിതാ മുൻപ് ഒടിയൻ സിനിമ ഇറങ്ങിയ സമയം സിൻസി പങ്കിട്ട ഒരു പോസ്റ്റാണ് സോഷ്യൽ മീഡിയ ഇപ്പോൾ വൈറലായി മാറുന്നത്.

പരസ്യസംവിധായകന്‍ ശ്രീകുമാര്‍ മേനോന്‍ മോഹന്‍ലാലിനെ നായകനാക്കി ഒരുക്കിയ ഓടിയന് സോഷ്യൽ മീഡിയയിലൂടെ സൈബർ ആക്രമണം നേരിടേണ്ടിവന്നിരുന്നു. അതിനു കാരണം ചിത്രത്തിലെ നായിക മഞ്ജു വാരിയർ ആണെന്നായിരുന്നു സംവിധയകാൻ പറഞ്ഞത്. മഞ്ജുവിനെ സഹായിക്കാൻ തുടങ്ങിയപ്പോൾ മുതലാണ് തനിക്കു നേരെ ആക്രമണങ്ങൾ വരുന്നതെന്നും നാലഞ്ച് വർഷമായിട്ടുള്ള കാര്യങ്ങൾ പരിശോധിച്ചാൽ എല്ലാവർക്കും ഇതു മനസ്സിലാകുമെന്നുംന്നായിരുന്നു ശ്രീകുമാര്‍ മേനോന്‍ പ്രതികരിച്ചത്.

ഇതിന് മറുപടിയെന്നോണമാണ് മഞ്ജുവിന്റെ ആരാധിക കൂടിയായ സിൻസി പോസ്റ്റ് പങ്കുവെച്ചത്

“ബ്രഹ്മാണ്ഡ ചിത്രമെന്ന പരിവേഷം കൊടുത്തു കഴിഞ്ഞ രണ്ടു വർഷമായി സിനിമ പ്രേമികളെ ആകാംക്ഷയുടെ മുൾമുനയിൽ നിർത്തിയിട്ട് ഒടുവിൽ എല്ലാ പ്രതീക്ഷകൾക്കും ഇപ്പുറം ഒരു ശരാശരി ഒരു തവണ മാത്രം കണ്ടിരിക്കാവുന്ന ചിത്രം എന്ന നിലയിലേക്ക് നിങ്ങളുടെ സിനിമ എത്തി നില്കുന്നു …ഇതിനു കാരണം മഞ്ജു വാരിയർ ആണോ? “, എന്ന ചോദ്യവുമായി സിൻസി പങ്കിട്ട പോസ്റ്റിന്റെ പൂർണ്ണ രൂപത്തിലേക്ക്.

മിസ്റ്റർ ശ്രീകുമാർ മേനോൻ, താങ്കളെ എനിക്ക് 4 വർഷത്തെ കേട്ടു പരിചയം മാത്രമേ ഉള്ളൂ…അതും മഞ്ജുവിന്റെ രണ്ടാമത്തെ വരവിനു കാരണമായ പരസ്യ സംവിധായകൻ എന്ന പേരിൽ..ഞാൻ എന്നല്ല ഒരു ശരാശരി മലയാളി അങ്ങനെ ആണ് നിങ്ങളെ അറിഞ്ഞിട്ടുണ്ടാവുക… എന്റെ അറിവിൽ കഴിഞ്ഞ ഒന്നര വര്ഷമായിട്ട് മഞ്ജു ആയിട്ടോ മഞ്ജുവിന്റെ ടീം ആയിട്ടോ നിങ്ങള്ക്കോ നിങ്ങളുടെ കമ്പനിക്കോ യാതൊരുവിധ ബന്ധവും ഇല്ല…….

മഞ്ജു വാരിയരുടെ ഒരു ആരാധിക എന്ന നിലയിൽ താങ്കളോട് കുറച്ചു ചോദ്യങ്ങൾ ചോദിക്കാൻ ഞാൻ ആഗ്രഹിക്കുന്നു..

1) സംവിധാനത്തിൽ പാകപ്പിഴകൾ സംഭവിച്ച സിനിമയെ,… അതിലൂടെ ഇത്രയധികം വിമർശനങ്ങൾ നേരിട്ട സിനിമയെ….. മഞ്ജുവാര്യർ പ്രതികരിച്ച് ക്ലീൻ ചിറ്റ് വാങ്ങിക്കൊടുക്കണമെന്ന് നിങ്ങൾ ആവശ്യപ്പെടുന്നതിന്റെ ലോജിക് എന്താണ്?

മഞ്ജുവിനോടുള്ള വ്യക്തി വൈരാഗ്യം തീർക്കാൻ സിനിമ ഡീഗ്രേഡ് ചെയ്യുന്നു എന്നു പറയുന്നു….തീർത്തും പുതുമുഖ സംവിധായകർ ഒരുക്കിയ രണ്ടു ചെറിയ പടങ്ങൾ നന്നായി തന്നെ ഓടിയിരുന്നു….ഈ അടുത്ത കാലത്ത്… .ഉദാഹരണം സുജാതയും മോഹൻലാലും….നിങ്ങൾ പറയുന്ന ഡീഗ്രേഡിങ് അല്ലെങ്കിൽ മഞ്ജുവിനോടുള്ള വൈരാഗ്യം എന്നിവ ആണ് ഒടിയൻ എന്ന സിനിമയിൽ നടന്നതെങ്കിൽ ഏറ്റവും കൂടുതൽ ഡീഗ്രേഡിങ് ഉണ്ടാവേണ്ടത്, “”ഉദാഹരണം സുജാത”” എന്ന ചിത്രത്തിന് അല്ലെ ? കാരണം,

രാമലീലയോടൊപ്പം റീലീസ്, റീ മേക്ക് ചിത്രം,പേരെടുത്ത നായക നടൻ ഇല്ലാ, നവാഗത സംവിധായകൻ

എന്നാൽ ഏറ്റവും കൂടുതൽ ഓടിയ ചിത്രവും(100 ദിവസം ) ഏറ്റവും കൂടുതൽ അവാർഡുകൾ വാരിക്കൂട്ടിയ ചിത്രവും “ഉദാഹരണം സുജാത ആണ്….അത് എങ്ങനെ സംഭവിച്ചു കാണുമെന്നു താങ്കൾക്കു ഒന്നു വിവരിക്കാമോ?

4) ഇന്ന് നിങ്ങളുടെ ഇന്റർവ്യൂ മുഴുവനും കണ്ട ആളെന്ന നിലയിൽ ഒന്നു ചോദിച്ചോട്ടെ മഞ്ജു വാരിയർ എന്ന ബ്രാൻഡ് 2014 ൽ നിങ്ങൾ ഉണ്ടാക്കി എടുത്തു അല്ലെങ്കിൽ നിങ്ങളിലൂടെ മാത്രം ഉണ്ടായി എന്നാണോ നിങ്ങൾ വിശ്വസിക്കുന്നത്?

5) സ്ത്രീകളുടെ സൂപ്പർസ്റ്റാർ ആയി നിൽക്കുന്ന മഞ്ജുവിനു നിങ്ങളെ പോലെ ഒരു സംവിധായകന്റെ നിഴൽ മാത്രമാണോ ഒരു ബ്രാൻഡ് ആകാൻ സഹായകമായത്? അവർക്കു അവരുടേതായ കഴിവുകൾ ഒന്നുമില്ലേ? വേറെയും നടിമാർ വീട്ടിൽ ഇരിക്കുന്നുണ്ടല്ലോ….അവരെ ഒരു ബ്രാൻഡ് ആക്കാൻ താങ്കളുടെ കമ്പനി ശ്രമിച്ചിരുന്നോ…?എന്ത് കൊണ്ട് അത് സംഭവിച്ചില്ല…? ഉത്തരം ഞാൻ പറയട്ടെ…മഞ്ജു വാരിയർ ഒരു ബ്രാൻഡ് ആകുമെന്നും അതിനുള്ള capacity അവർക്കുണ്ടെന്നും അത് തനിക് ഒരു അവസരം ആണെന്നും അത് പ്രയോജനപ്പെടുത്തണമെന്നും നിങ്ങൾക് തോന്നിയത് കൊണ്ടല്ലേ നിങ്ങൾ മഞ്ജു വിനെ തേടി എത്തിയത്?

6) ഈ കാലമത്രയും നിങ്ങളോട് നന്ദിയും കടപ്പാടും ആയി നിലകൊള്ളുകയും അതിനു ഒരു സ്ത്രീ കേൾക്കാവുന്നതിനു അപ്പുറം മോശമായ ആരോപണങ്ങൾ കേൾക്കുകയും അതിനെ എല്ലാം സധൈര്യം നേരിടുകയും അതിജീവിക്കുകയും ചെയ്ത മഞ്ജുവിനെ ഒരു സിനിമയുടെ പേരിൽ ഇപ്പൊൾ ഡീഗ്രേഡ് ചെയ്യുന്നത് നിങ്ങൾ മാത്രമല്ലെ?

നിങ്ങൾക് അറിയില്ലെങ്കിൽ ഞങ്ങൾ സ്ത്രീകൾക്ക് മഞ്ജുവിന്റെ ഭൂതകാലം കാണാപ്പാഠമാണ്..നിങ്ങളുടെ അറിവിലേക്കായി പറയുകയാണ്

A. 1991, 1992, 1993, 1995 – 4 വർഷ കാലം കേരളം കലോത്സവത്തിൽ പങ്കെടുക്കുകയും അതിൽ 2 വട്ടം കലാതിലകം ആവുകയും ചെയ്തു. (92 യിലും 95 യിലും)

B. 1998 October il അഭിനയം നിർത്തുമ്പോൾ വെറും 20 സിനിമകളിൽ നിന്നും 1 ടെലിഫിലിം il നിന്നും നേടിയെടുത്തത് 1 ദേശീയ പുരസ്കാരവും, 1 സംസ്ഥാന പുരസ്കാരവും, മികച്ച നടിക്കുള്ള തുടർച്ചയായ 4 filmfare പുരസ്കാരങ്ങളും ആണ്

C. 99 ഇൽ ഒരു ദേശീയ പുരസ്‌കാരം( സ്പെഷ്യൽ ജ്യൂറി മെൻഷൻ ) മാത്രമേ നേടിയിട്ടുള്ളെങ്കിലും ,

97 ഇൽ കളിയാട്ടം

98 ഇൽ കന്മദം, ദയ

അവസാന പട്ടികയിൽ എത്തിയിരുന്നു

D. 96 ഇൽ ഒരു സംസ്ഥാന പുരസ്‌കാരം മാത്രമേ നേടിയുട്ടുള്ളതെങ്കിലും,

97,98,99 വർഷങ്ങളിൽ അവസാന റൗണ്ടിൽ എത്തിയിരുന്നു.

ഏതൊരു നായികാ നടിയുടെയും മികച്ച സമയം 20 മുതൽ 30 വയസ്സ് വരെ ആണെങ്കിൽ, മഞ്ജു ഇതെല്ലാം നേടിയത് 20 വയസ്സിനുള്ളിൽ ആണ്. 14 വർഷത്തെ ഇടവേളയ്ക്കു ശേഷം മഞ്ജു കുച്ചിപ്പുടിയിൽ അരങ്ങേറ്റം കുറിക്കുന്നു…കണികളെ കൈയിലെടുത്തു മാത്രമേ ഇന്നും അവർ ചിലങ്ക അഴിച്ചിട്ടുള്ളൂ…

മഞ്ജുവാരിയർ എന്ന നടിയെ മാത്രമേ നിങ്ങളുടെ കണ്ണിൽ നിങ്ങൾ കാണുന്നുള്ളൂ…അവരിലെ പ്രതിഭയെ നിങ്ങൾ തിരിച്ചറിഞ്ഞിട്ടില്ല….ഉണ്ടായിരുന്നെങ്കിൽ ഇന്നത്തെ ഇന്റർവ്യൂ കളിൽ അവരുടെ പേര് നിങ്ങൾ ഉച്ചരിക്കില്ല….സൈബർ ആക്രമണത്തിന്റെ കാരണം അവരാണ് എന്ന് പറയാൻ..അവർക്കു നേരെ വിരൽ ചൂണ്ടാൻ ഉള്ള യോഗ്യത ഉണ്ടോ എന്ന് നിങ്ങൾ സ്വയം ചിന്തിക്കേണ്ട സമയമാണ് ഇത്.

നിങ്ങളുടെ സിനിമ വിജയിക്കാതെ പോയെങ്കിൽ അതിന്റെ കാരണം കണ്ടെത്തി അടുത്ത പ്രോജെക്റ്റിൽ അത് റെക്ടിഫൈ ചെയ്തു വരിക എന്നതാണ് നിങ്ങൾ ചെയ്‌യേണ്ടിയിരുന്നത്…ചാനലിൽ ഇരുന്നു നിങ്ങൾ ഇല്ലാതാക്കാൻ ശ്രമിക്കുന്നത് ആരെയാണ്? നിങ്ങളുടെ പരാജയം നിങ്ങൾ സമ്മതിക്കുന്നതിനു തുല്യമാണ് ഇതെല്ലാം മഞ്ജു കാരണം ആണ്….എന്ന് വരുത്തിത്തീർക്കാൻ ഉള്ള കഷ്ടപ്പാട്.ദൈവം കൊടുക്കുന്ന അനുഗ്രഹങ്ങൾ അത് ആർക്കായാലും നശിപ്പിച്ചു കളയാൻ ആവില്ല എന്നതിന്റെ വലിയൊരു തെളിവാണ് മഞ്ജു വിന്റെ ഗ്രാഫ് ഇപ്പോഴും ഉയർന്നു നില്കുന്നത്…ഒടിയൻ എന്ന പടം കൊണ്ട് തീരുന്നതല്ല അതൊന്നും. എന്ന് പറഞ്ഞുകൊണ്ടാണ് മനോഹരമായ പോസ്റ്റ് അവസാനിക്കുന്നത്.