‘എന്റെ ജീവന് ജന്മദിനാശംസകൾ’; രൺബീറിനൊപ്പം ചേർന്നിരുന്ന് ആലിയ; പ്രിയതമന് പിറന്നാളാശംസകളുമായി താരം

കാമുകൻ രണ്‍ബീർ കപൂറിന് പിറന്നാൾ ആശംസകൾ നേർന്ന് നടി ആലിയ ഭട്ട്. ‘എന്റെ ജീവന് ജന്മദിനാശംസകൾ’ എന്നാണ് രൺബീറിനൊപ്പം ചേർന്നിരിക്കുന്ന ചിത്രം പങ്കുവച്ച് ആലിയ കുറിച്ചത്

39ാം ജന്മദിനം ആലിയയ്ക്കൊപ്പം രാജസ്ഥാനിൽ ആഘോഷിക്കുകയാണ് രൺബീർ. ഇക്കഴിഞ്ഞ ദിവസമാണ് അവധിയാഘോഷിക്കാൻ താരജോഡികൾ ജോധ്പൂരിൽ എത്തിയത്.

2019–ലാണ് ആലിയയും രൺബീറും തങ്ങളുടെ പ്രണയം ആരാധകരോട് തുറന്നു പറയുന്നത്. 2018 മുതൽ ഇരുവരും പ്രണയത്തിലാണ്. അടുത്തവർഷം ഇവർ വിവാഹിതരാകുമെന്നും കുടുംബാംഗങ്ങളോട് അടുത്തവൃത്തങ്ങൾ പ്രതികരിച്ചിരുന്നു. ആലിയയും രൺബീറും പ്രധാന കഥാപാത്രങ്ങളെ അവതരിപ്പിക്കുന്ന ബ്രഹ്മാസ്ത്ര റിലീസിനൊരുങ്ങുകയാണ്.