കൊറോണക്കിടയിലും മലയാളികൾ ആഘോഷമാക്കാൻ ശ്രമിക്കുകയാണ് ഈ വർഷത്തെ ഓണക്കാലം. കോവിഡിനെ തുടർന്ന് ആഘോഷങ്ങൾക്ക് അൽപം കുറവ് വന്നെങ്കിലും ഓൺലൈൻ ആഘോഷങ്ങൾ പൊടിപൊടിക്കുകയാണ്. ലോകത്തെമ്പാടുമുള്ള മലയാളികൾ ഓണം ആഘോഷിക്കുന്ന തിരക്കിലാണ്. നാലുചുവരുകൾക്കുള്ളിൽ ഓണം ചുരുങ്ങിയെങ്കിലും സന്തോഷത്തിന് കുറവൊന്നും വരുത്തിയിട്ടില്ല.
പുതു വസ്ത്രങ്ങൾ അണിഞ്ഞ് ഓണം ആശംസിച്ചുള്ള ചിത്രങ്ങളാണ് സോഷ്യൽമീഡിയ നിറയെ. താരങ്ങളും ഓണപ്പുടവയണിഞ്ഞ് എത്തിയതോടെ സോഷ്യൽ മീഡിയയിൽ തന്നെ ഓണം കെങ്കേമമായി. ഓണാശംസകളുമായി സോഷ്യൽമീഡിയയിൽ സജീവമാണ് എല്ലാ താരങ്ങളും.
പ്രേമം എന്ന ചിത്രത്തിലൂടെ മലയാളികളുടെ പ്രിയങ്കരിയായ മേരിയായി പിന്നീട് തെന്നിന്ത്യ മുഴുവൻ ആരാധകരെ സൃഷ്ടിച്ച താരമാണ് അനുപമ പരമേശ്വരൻ.ഇൻസ്റ്റഗ്രാമിൽ സജീവമായ താരം ഓണം സ്പെഷ്യൽ ചിത്രങ്ങളുമായി ആരാധകർക്ക് മുന്നിൽ എത്തിയിരിക്കുകയാണ് ഇപ്പോൾ. ചുവന്ന ബ്ലൗസിനൊപ്പം സെറ്റ് സാരിയുമുടുത്ത് മലയാള തനിമയിലാണ് താരം എത്തിയിരിക്കുന്നത്.
ഇൻസ്റ്റഗ്രാമിൽ പങ്കുവെച്ച ചിത്രത്തിന് പൂർണിമ ഇന്ദ്രജിത്തിനും പ്രത്യേക ക്രെഡിറ്റ് ഉണ്ട്. കാരണം മറ്റൊന്നുമല്ല, പൂർണിമയുടെ ഉടമസ്ഥതയിലുള്ള പ്രാണയിൽ നിന്ന് ഡിസൈൻ ചെയ്ത വേഷമാണ് അനുപമ ധരിച്ചിരിക്കുന്നത്. പൂർണ്ണിമയുടെ ചിത്രങ്ങളും ഇതിനോടകം തന്നെ വൈറലായി മാറിയിട്ടുണ്ട്.
പ്രേക്ഷകർ ഇരു കൈയ്യും നീട്ടി സ്വീകരിച്ച സീരിയലുകളിൽ ഒന്നാണ് ഏഷ്യനെറ്റിൽ സംപ്രേക്ഷണം ചെയ്തിരുന്ന ‘സാന്ത്വനം’. തമിഴ് സീരിയലായ പാണ്ഡിയൻ സ്റ്റോറിന്റെ മലയാളം...