ബിഗ് ബോസിൽ കയറും മുൻപേ അയച്ച ആ സന്ദേശം; ഋതുവിന്റെ ശബ്ദം പുറത്ത് വിട്ട് കാമുകൻ ജിയാ ഇറാനി

മോഡൽ അഭിനേത്രി എന്നീ വിശേഷണങ്ങളോട് കൂടിയാണ് ബിഗ് ബോസ്സ് മലയാളം സീസണില്‍ റിതു മന്ത്ര മത്സരാർത്ഥിയായി എത്തിയത്. ആദ്യ ആഴ്ചകളില്‍ ഋതു സൈലന്റ് ആയിരുന്നു. എന്നാൽ ഇപ്പോൾ സൈലന്റ് ആയി ഗെയിം കളിച്ച് മുന്നേറുകയാണ് റിതു.

ഈ സീസണില്‍ ബിഗ് ബോസ് വിന്നറാവാന്‍ സാധ്യതയുള്ള മത്സരാര്‍ഥികളില്‍ ഒരാളാണ് റിതു മന്ത്രയെ സോഷ്യൽ മീഡിയ കാണുന്നത്. തുടക്കത്തില്‍ ഏറ്റവും കൂടുതല്‍ നോമിനേഷന്‍ റിതുവിനായിരുന്നു. പിന്നീടത് മാറി വന്നു. ഇപ്പോള്‍ ശക്തമായ മത്സരമാണ് കാഴ്ച വെക്കുന്നത്.

ഈ സീസണിലെ ഏറ്റവും അവസാന ക്യാപ്റ്റൻ കൂടിയായ ഋതു പ്രണയത്തിലാണ് എന്ന് അടുത്തിടെ വ്യക്തമാക്കിയിരുന്നു. എന്നാൽ ആളിന്റെ പേര് ഋതു തുറന്നു പറഞ്ഞില്ലെങ്കിലും താൻ ആണ് ഋതുവിന്റെ ബോയ് ഫ്രണ്ട് എന്ന് ചൂണ്ടിക്കാട്ടി നടൻ ജിയ ഇറാനി രംഗത്ത് വന്നിരുന്നു.

ഋതുവും ഒത്തുള്ള സ്വകാര്യ ചിത്രങ്ങൾ ജിയ ദിവസവും ഇൻസ്റ്റയിലൂടെ പുറത്തുവിടാറുണ്ട്. നിരവധി യാത്രകൾ തങ്ങൾ ഒരുമിച്ചു നടത്തിയിട്ടുണ്ട് എന്നും, ആയിരക്കണക്കിന് ചിത്രങ്ങൾ തൻറെ അടുത്തുള്ളതായും ജിയ തുറന്നു പറഞ്ഞിരുന്നു. ഇന്‍സ്റ്റഗ്രാമിലൂടെ ഇതിനകം തന്നെ ഇരുവരുടെയും ചിത്രങ്ങള്‍ വൈറലായി മാറിക്കഴിഞ്ഞിട്ടുണ്ട്.

ഇതിനുപിന്നാലെയാണ് ഇപ്പോൾ ഋതുവിന്റെ ശബ്ദ സന്ദേശവും ജിയ പുറത്തുവിട്ടിരിക്കുന്നത്. ഋതു ബിഗ് ബോസിൽ കയറും മുൻപേ ജിയക്ക് അയച്ച ശബ്ദ സന്ദേശം ആണ് അദ്ദേഹം പുറത്തുവിട്ടിരിക്കുന്നത്.

ബിഗ് ബോസിൽ കയറുന്നതിന് അഞ്ചു ദിവസം മുൻപേ വസീഗര സോങ് ഋതു ആലപിക്കുന്ന വീഡിയോ കണ്ട് ആരോ അഭിനന്ദിച്ചു കൊണ്ട് അയച്ചതാണ് എന്ന ക്യാപ്‌ഷനു ഒപ്പമാണ് ജിയ ഋതുവിന്റെ ശബ്ദം പുറത്തുവിട്ടത്.

ഒരു ഫാനിനെ കിട്ടിയ സന്തോഷം ആണ് ഇതെന്നും ഇപ്പോൾ ഇതാണോ സ്ഥിതിയെന്നും ജിയ ക്യാപ്‌ഷനിലൂടെ തന്നെ ചോദിക്കുന്നുണ്ട്. കണ്ട കണ്ട ഫാൻസ്‌ കയറുന്നത് കണ്ട; എല്ദോയ്ക്ക് ഫാൻസ്‌ ആയെ’, എന്നും ഋതു ശബ്ദസന്ദേശത്തിലൂടെ പറയുന്നുണ്ട്.