നേരത്തെ ചെയ്ത ശസ്ത്രക്രിയ വിജയകരമായിരുന്നില്ല… ഇനി മറ്റൊരു ശസ്ത്രക്രിയ കൂടെ നടത്തേണ്ടി വരും,തെറ്റായ വാര്‍ത്ത പ്രചരിപ്പിക്കരുത്; കല്യാണി

2009 വരെ തെന്നിന്ത്യന്‍ സിനിമകളിലും പിന്നീട് ടെലിവിഷന്‍ രംഗങ്ങളിലും സ്ഥിര സാന്നിധ്യമായി മാറിയ താരമാണ് കല്യാണി. ‘മുല്ലവള്ളിയും തേന്‍മാവും’, ‘പരുന്ത്’ എന്നീ ചിത്രങ്ങളില്‍ താരം വേഷമിട്ടിട്ടുണ്ട്. ഇപ്പോഴിതാ നട്ടെല്ലിന് ശസ്ത്രക്രിയ നടത്തിയതിന് ശേഷമുള്ള തന്റെ ദയനീയാവസ്ഥ തുറന്ന് പറഞ്ഞിരിക്കുകയാണ് നടി. തന്റെ ഇപ്പോഴത്തെ അവസ്ഥയാണ് കല്യാണി ഇന്‍സ്റ്റഗ്രാമിലൂടെ പങ്കുവച്ചിരിക്കുന്നത്.

കഴിഞ്ഞ ഒന്നര മാസമായി വൈകാരികമായും ശാരീരികമായും ഞാന്‍ വളരെയധികം തളര്‍ന്നു. എന്റെ ആരോഗ്യത്തിന്റെ കാര്യത്തില്‍ ഏറ്റവും താഴെത്തട്ടിലാണ് ഞാന്‍. 2016 ല്‍ ആണ് നട്ടെല്ലിന് ഒരു ശസ്ത്രക്രിയ നടന്നത്. അതിന് ശേഷമാണ് ഞാന്‍ മകള്‍ നവ്യയെ പ്രസവിച്ചത്. പിന്നീട് ആ വേദന വരില്ല, അസുഖം പൂര്‍ണമായും മാറി എന്നാണ് കരുതിയിരുന്നത്. എന്നാല്‍ ആറു മാസങ്ങള്‍ക്ക് മുന്‍പ് വീണ്ടും വേദന എന്നെ പിടികൂടി. അതുകാരണം ഒരു നട്ടെല്‍ വിദഗ്ധനെ സമീപിച്ചു. ഇനിയൊരിക്കലും കേള്‍ക്കില്ല എന്നു കരുതിയ കാര്യമാണ് അദ്ദേഹം പറഞ്ഞത്. നേരത്തെ ചെയ്ത എന്റ ശസ്ത്രക്രിയ വിജയകരമായിരുന്നില്ല എന്ന്. ഇനി മറ്റൊരു ശസ്ത്രക്രിയ കൂടെ നടത്തേണ്ടി വരും. നേരത്തെ ചെയ്ത ശസ്ത്രക്രിയയില്‍ ഘടിപ്പിച്ച സ്‌ക്രൂകളും പ്ലേറ്റുകളും എല്ലാം നീക്കം ചെയ്തു, നട്ടെല്ലില്‍ ഒരു പുതിയ അസ്ഥി കൃത്രിമമായി വയ്ക്കകയും ചെയ്തു.

ഈ വേദനയില്‍ ഉടനീളം എനിക്കൊപ്പം, എന്നെ ഏറ്റവും നല്ല രീതിയില്‍ പരിപാലിച്ചത് അഞ്ചു വയസ്സുള്ള എന്റെ മകളാണ്. അവള്‍ എനിക്കൊപ്പം തന്നെയുണ്ടായിരുന്നു. അവള്‍ എന്നോടു കാണിക്കുന്ന സഹാനുഭൂതിയും അനുകമ്പയും എനിക്ക് വിശ്വസിക്കാന്‍ പറ്റുന്നില്ല. ഇനിയൊരു നീണ്ട പാത എന്റെ മുന്നിലുണ്ട്.

”അവിടെ എനിക്കു വേണ്ടി ഞാന്‍ തിരഞ്ഞെടുത്ത എന്റെ കുടുംബത്തോട് നന്ദിയും കടപ്പാടുമുണ്ട്. പ്രതീക്ഷയുണ്ട്. ദയവു ചെയ്ത് ആരും തെറ്റായ വാര്‍ത്ത പ്രചരിപ്പിക്കരുത്. ഇപ്പോള്‍ മാനസികാരോഗ്യം വീണ്ടെടുക്കാനുള്ള ശ്രമത്തിലാണ് ഞാന്‍” എന്നാണ് കല്യാണി ഇന്‍സ്റ്റാഗ്രാമില്‍ കുറിച്ചിരിക്കുന്നത്.