ധർമജനെ കൊണ്ടുവന്നതിൽ ലക്ഷ്യം ഒന്ന് മാത്രം; ബിഗ് ബോസിൽ ട്വിസ്റ്റോട് ട്വിസ്റ്റ്!

ബിഗ് ബോസ് സീസൺ രണ്ട് ചൂട് പിടിച്ചു തുടങ്ങിയിരിക്കുന്നു. പതിയെ ഓടി തുടങ്ങിയ വണ്ടി ഇപ്പോൾ ആറാം ദിനത്തിൽ എത്തി നിൽക്കുകയാണ്. കളി ചിരികളും തമാശകളും പൊട്ടിത്തെറികളും വാഗ്വാദങ്ങളും ഒക്കെയായി ഒരാഴ്ച പിന്നിട്ടിരിക്കുന്നു. അതിനിടയിൽ ബിഗ് ബോസ്സിൽ വലിയൊരു ബോംബ് പൊട്ടിയിരിക്കുന്നു. ഒരു പുതിയ മത്സരാർത്ഥി ഏവരെയും ഞെട്ടിച്ചുകൊണ്ട് പേടിപ്പിച്ചുകൊണ്ട് ബിഗ് ഹവ്‌സിൽ കടന്നു വന്നിരിക്കുകയാണ്. തീവ്രവാദികളെ പോലെ ഒരു സംഘം മുഖം മൂടി അണിഞ്ഞവർ പെട്ടന്ന് ആയുധങ്ങളുമായി ഹവ്‌സിലേക്ക് കടന്നു വരുന്നു. ആ സമയം പുറത്തുണ്ടായിരുന്നത് സുജോ മാത്യു, മഞ്ജു പത്രോസ്, ആർ ജെ രഘു എന്നിവരായിരുന്നു. മഞ്ജു പത്രോസ് അലറിക്കരഞ്ഞു കൊണ്ട് ഇറങ്ങിയോടി. പെട്ടന്ന് ഒരു ഭീകരാന്തരീക്ഷമായിരുന്നു ബിഗ് ബോസ്സിൽ നിറഞ്ഞത്. ഏവരെയും ഞെട്ടിച്ചുകൊണ്ടുള്ള നടൻ ധർമജന്റെ എൻട്രിയായിരുന്നു അത്.

ആർപ്പുവിളികളോടെയും കയ്യടികളോടെയുമാണ് ധർമ്മജനെ മറ്റ് മത്സരാർത്ഥികൾ വരവേറ്റത്. പെട്ടന്ന് തന്നെ ധർമ്മജൻ എല്ലാവരുമായി അടുത്തു. എല്ലാവരോടും വിശേഷങ്ങൾ കൈമാറി. സാജുവിനോടും തെസ്നി ഖാനോടും ഒക്കെ അവരുടെ വീട്ടിലെ വിശേഷങ്ങൾ കൈമാറി. ആദ്യ ദിവസം തന്നെ ധർമജനു ബിഗ് ബോസ് പണികൊടുത്തു. ബിഗ് ഹവ്‌സിലെ ഓരോ മത്സരാർത്ഥികളെയും അനുകരിച്ചു കാണിക്കാനായിരുന്നു ധർമ്മജനു കിട്ടിയ ആദ്യത്തെ ടാസ്ക്ക്. വളരെ രസകരമായി തന്നെ ധർമ്മജൻ ഏവരെയും അനുകരിച്ചു.

കുറച്ച് കഴിഞ്ഞ് മത്സരാർത്ഥികളോട് സംസാരിക്കാൻ ബിഗ് ബോസ്സെത്തി. ബിഗ് ഹവസിലെ ഏവരുടേയും വിശേഷങ്ങളും വിഷമങ്ങളും ആവശ്യങ്ങളും ഒക്കെ ബിഗ് ബോസ്സായ മോഹൻ ലാൽ ചോദിച്ചറിഞ്ഞു. ഇതിനു ശേഷമാണു മത്സരാർത്ഥികളെ അമ്പരപ്പിച്ചുക്കൊണ്ട് ആ വലിയ ബോംബ് വീണത്. ബിഗ് ഹവ്‌സിൽ നിന്നും ഒരാൾ പുറത്തു പോകുന്നു. ബിഗ് ഹവസിലെ നിയമങ്ങൾ ആരെങ്കിലും തെറ്റിച്ചോ എന്ന ചോദ്യത്തിനാണ് ധർമ്മജൻ കയ്യുയർത്തിയത്. ആദ്യം പ്രേക്ഷകർക്കും മത്സരാര്ഥികളും ഒക്കെ ഒന്നും മനസ്സിലായിരുന്നില്ല. അമ്പരന്ന മുഖങ്ങളായിരുന്നു എവിടെയും.എല്ലാവരും ധർമ്മജനെ മുൻവാതിലിലൂടെ യാത്രയാക്കാനായിരുന്നു ബിഗ് ബോസ് നൽകിയ നിർദേശം. ഏവരും സന്തോഷത്തോടെയും ചെറിയ വിഷമത്തോടെയും യാത്രയാക്കി.

പിന്നെ നടന്നത് പ്രേക്ഷകരെ അമ്പരപ്പിക്കുന്ന കാര്യങ്ങളായിരുന്നു. ബിഗ് ഹവസിലെ വലിയൊരു ട്വിസ്റ്റ്. ബിഗ് ബോസിനും ധർമ്മജനും പ്രേക്ഷകർക്കും മാത്രം അറിയാവുന്ന ഒരു ട്വിസ്റ്റ്. ധർമ്മജനെ ഒരു ദിവസത്തേക്ക് മാത്രം അയക്കുകയായിരുന്നു ബിഗ് ബോസ് ബിഗ് ഹവസിലേക്ക്. പെട്ടന്നൊരാൾ വിട്ടുപോകുമ്പോൾ മറ്റ് മത്സരാർഥികൾ എങ്ങനെ പ്രതികരിക്കുമെന്നറിയാനായിരുന്നു അത്തരമൊരു നീക്കം.ബിഗ് ഹവസിൽ നടക്കുന്നതൊക്കെ സ്ക്രിപ്പ്റ്റഡ് ആണോ എന്ന ചോദ്യവും മോഹൻ ലാൽ ഉന്നയിച്ചു. അങ്ങനെ തോന്നിയില്ല എന്നായിരുന്നു ധർമ്മജന്റെ മറുപടി. ബിഗ് ഹവസിലെ കാര്യങ്ങളൊന്നും പുറത്തു പറയരുതെന്ന് നിർദേശത്തോടെയാണ് മോഹൻ ലാൽ ധർമ്മജൻ യാത്രയാക്കിയത്.

ബിഗ് ഹാവ്‌സിൽ ഇനി എന്തൊക്കെ ട്വിസ്റ്റുകൽ വരാറുണ്ടെന്ന് വരും ദിവസങ്ങളിൽ അറിയാം. ഒരാഴ്ച പിന്നിടുമ്പോൾ ആരോക്കെ ഇനിയും തുടരും ആരോക്കെ പുറത്താകുമെന്നും കണ്ടിരുന്നു തന്നെ മനസിലാക്കാം.

bigg boss malayalam